ਉਪਰਲੇ    ਸਰੋਕਾਰ  ਬੜੇ ਨੇ।

ਜੀਵਨ  ਜਾਚ ਸਿਖਾ ਦਿੱਤੀ ਹੈ,

ਦੁਸ਼ਮਣ  ਦੇ ਉਪਕਾਰ ਬੜੇ ਨੇ।

ਇਸ਼ਕ ਹਕੀਕੀ ਵਿਰਲੇ ਕਰਦੇ,

ਵੈਸੇ ਤਾਂ   ਦਿਲਦਾਰ  ਬੜੇ ਨੇ।

ਆਸ਼ਿਕ ਕੋਈ ਬਚ ਨੀ ਸਕਿਆ,

ਹੁਸਨ  ਕੋਲ  ਹਥਿਆਰ ਬੜੇ ਨੇ।

ਲੋਟੂ ਲੀਡਰ  ਦੁਖੀ  ਹੈ  ਜਨਤਾ,

ਦੁੱਖੜਿਆਂ ਦੇ  ਅੰਬਾਰ ਬੜੇ ਨੇ।

ਹੱਟੀਆਂ ਤੇ ਰੱਬ ਵੇਚਣ  ਵਾਲੇ,

ਧਰਮ ਦੇ  ਠੇਕੇਦਾਰ  ਬੜੇ  ਨੇ।

ਚੋਰਾਂ  ਨਾਲ  ਹੈ    ਭਾਈਬੰਦੀ,

ਇਹੋ ਜਹੇ   ਥਾਣੇਦਾਰ ਬੜੇ ਨੇ।

ਲ਼ੱਗੀਆਂ ਨਾਲ ਨਿਭਾਉਂਦੇ ਥੋੜ੍ਹੇ,

ਡੋਬਣ ਲਈ ਇਤਬਾਰ ਬੜੇ ਨੇ।

ਮੂੰਹ ਤੇ  ਮਿੱਠੇ,  ਅੰਦਰੋਂ ਖੋਟੇ,

'ਪ੍ਰੀਤ' ਦੇ ਐਸੇ ਯਾਰ ਬੜੇ ਨੇ।

-ਗੁਰਪ੍ਰੀਤ ਮਠਾੜੂ