ਤੂੰ ਆਉਣਾ ਅਗਰ ਧੁੱਪ ਬਣਕੇ ,
ਮੈਂ ਰੰਗ ਸਿਆਹ ਹੋ ਜਾਵਾਂ
ਡਿੱਗੇ ੳੁੱਤੇ ੲਿੰਜ ਲਾਟ ਤੇਰੀ ,
ਮੈਂ ਪਾਕ ਦਰਗਾਹ ਹੋ ਜਾਵਾਂ

ਜੇ ਆਉਣਾ ਸੱਜਣਾ ਤੂੰ ਚੱਲ ਕੇ
ਮੈਂ ਸਿੱਲ੍ਹਾ ਰਾਹ ਹੋ ਜਾਵਾਂ
ਪੈੜਾਂ ਤੇਰੀਆਂ ਨੂੰ ਰੱਖਾਂ ਸਾਂਭ,
ਤੇਰੇ ਆਉਣ ਦਾ ਗਵਾਹ ਹੋ ਜਾਵਾਂ

ਜੇ ਆਉਣਾ ਏ ਤੂੰ ਖਿਆਲ ਬਣ,
ਮੈਂ ਸੋਚ ਅਥਾਹ ਹੋ ਜਾਵਾਂ
ਆਵੇਂਗਾ ਅਗਰ ਬਣ ਹਾਸਾ,
ਮੈਂ ਹਾਸੇ ਦੀ ਵਜ੍ਹਾ ਹੋ ਜਾਵਾਂ

ਤੂੰ ਹੈ ਗਰ ਮਹਿਕਦੀ ਗਜ਼ਲ ,
ਮੈਂ ਵੰਡਦੀ ਹਵਾ ਹੋ ਜਾਵਾਂ
ਜਿਨ੍ਹਾਂ ਸੁੱਚੇ ਹੋਂਠਾ ਨੂੰ ਤੂੰ ਮਿਲੇ ,
ਉਨ੍ਹਾਂ ਦਾ ਹਰ ਸਾਹ ਹੋ ਜਾਵਾਂ

ਤੂੰ ਹੈ ਕੋੲੀ ਸੁਰ ਅਗਰ, ਤੇ
ਮੈਂ ਵੰਜਲੀ ਜਿਹਾ ਹੋ ਜਾਵਾਂ
ਜਿੱਥੇ ਵਿਕਣ ਤੇਰੇ ਨਾਂ ਦੇ ਸਾਜ਼,
ੳੁਹ ਸੁਰੀਲਾ ਸੰਬਾਹ ਹੋ ਜਾਵਾਂ

ਤੂੰ ਮਿਲਦਾ ਨਹੀ ਜੇ ੲਿਨਸਾਨਾਂ ਨੂੰ
ਵਾਂਗ ਤੇਰੇ ਮੈਂ ਖੁਦਾ ਹੋ ਜਾਵਾਂ
ਕੋੲੀ ਨਾਮ ਦੀ ਬੇੜੀ ਹੈ ਤੂੰ ਗਰ
ਮੈਂ ਜਨਮਾਂ ਦੀ ਸਜਾ ਹੋ ਜਾਵਾਂ ॥

-: ਸੰਦੀਪ 'ਸੋਝੀ'

ਨੋਟ:-

ਸੰਬਾਹ- ਬਜ਼ਾਰ

ਤੂੰ ਮਿਲਦਾ ਨਹੀ ਜੇ ੲਿਨਸਾਨਾਂ ਨੂੰ
ਵਾਂਗ ਤੇਰੇ ਮੈਂ ਖੁਦਾ ਹੋ ਜਾਵਾਂ

Sndeep veer bahut dedicated poem aa .
Jeo
TFS

 

ਓ ! ਵਾਹ ਜੀ ਵਾਹ !

ਇਹ ਤਾਂ ਹੈ, 

ਸਮਰਪਣ ਦੀ ਇੰਤਿਹਾ !

 

ਜੇ ਆਉਣਾ ਏ ਤੂੰ ਖਿਆਲ ਬਣ,

ਮੈਂ ਸੋਚ ਅਥਾਹ ਹੋ ਜਾਵਾਂ...

ਸ਼ੇਅਰ ਕਰਨ ਲਈ ਸ਼ੁਕਰੀਆ, ਸੰਦੀਪ ਜੀ |

 

 

 

 

waaaah ........bahut sohna Nike veer.inj hi likhde Raho.rabb lekhan ch barkat paye 

 

 

 

ਮਾਵੀ ਸਰ, ਗੁਰਪ੍ਰੀਤ ਜੀ ਤੁਸੀ ਵਕਤ ਕੱਢ ਕੇ ਕਿਰਤ ਪੜ੍ਹੀ ਤੇ ਕਮੈਂਟ੍‍ਸ ਦਿੱਤੇ ਜਿਸ ਲਈ ਤੁਹਾਡਾ ਦੋਵਾਂ ਦਾ ਬਹੁਤ ਬਹੁਤ ਸ਼ੁਕਰੀਆ ਜੀ ।

Wah g wah Sandeep g kia baat hai!!... payar de pujari kuj is Taran de hunde ne jihna de manzil sirf sajjan hunde hai oh har heela karde ne us nu mialn da......ba kamal ...

ਜਗਜੀਤ ਸਰ, ਕੋਮਲਦੀਪ ਜੀ ਤੁਸੀ ਆਪਣਾ ਕੀਮਤੀ ਵਕਤ 'ਚੋਂ ਵਕਤ ਕੱਢ ਰਚਨਾ ਨੂੰ ਆਪਣੇ ਕਮੈਂਟ੍‍ਸ ਨਾਲ ਨਵਾਜ਼ਿਆ,

ਜਿਸ ਲਈ ਤੁਹਾਡਾ ਤਹਿ ਦਿਲੋਂ ਸ਼ੁਕਰੀਆ ਜੀ ।

ਵਾਹ ਜੀ ਵਾਹ ,............its a beautiful poetry,.............kabile tareef andaaz ik hor behtreen sayaari da aap g valon,.............Bohat wadhiya likhea veer,.....jeo