|
ਕੁੜੀਆਂ ਵਰਗੀ ਕੁੜੀ ਹਾਂ |
ਕੁੜੀਆਂ ਵਰਗੀ ਕੁੜੀ ਹਾਂ
ਚਾਨਣ, ਨਿਸ਼ਚਾ, ਸੁਪਨੇ ਨੇ ਬਸ
ਹੋਰ ਨਹੀਂ ਮੈਂ ਵਿਚ ਕੁਝ ਖਾਸ,
ਚਲਕੇ ਧਰਤੀ ਵੇਖ ਲਈ ਹੁਣ
ਉੱਡ ਕੇ ਵੇਖ ਲਿਆ ਆਕਾਸ਼ |
ਸੁਰਖ਼ਾਬ ਦੇ ਪਰ ਨਹੀਂ ਮੇਰੇ
ਧਰਤੀ ਦੇ ਨਾਲ ਜੁੜੀ ਹਾਂ,
ਲੱਗਾਂ ਭਾਵੇਂ ਜੈਸੀ ਵੀ ਮੈਂ
ਕੁੜੀਆਂ ਵਰਗੀ ਕੁੜੀ ਹਾਂ |
ਬੰਸ ਤਾਂ ਚਲਦੇ ਮੇਰੇ ਤੋਂ ਈ
ਨਾਮ ਨਾ ਭਾਵੇਂ ਚੱਲੇ,
ਅਹਿਮਕ ਕਹਿੰਦੇ ਪੈਰ ਦੀ ਜੁੱਤੀ
ਖੌਰੇ ਕਿਹੜੀ ਗੱਲੇ ?
ਨਿਕਲ ਸਕੂਲੋਂ, ਜੀਵਨ ਬੁੱਕ ਪੜ੍ਹ
ਹਰ ਫ਼ਨ 'ਚ ਗੁੜ੍ਹੀ ਹਾਂ,
ਲੱਗਾਂ ਭਾਵੇਂ ਜੈਸੀ ਵੀ ਮੈਂ
ਕੁੜੀਆਂ ਵਰਗੀ ਕੁੜੀ ਹਾਂ |
ਨਾ ਜਾਣੇ ਇਹ ਕਾਣੀ-ਵੰਡ ਗੁਰ
ਜੱਗ ਨੇ ਕਿਥੋਂ ਸਿੱਖਿਆ,
ਹਰ ਮਸਲੇ 'ਚ ਮੇਰੀ ਹੀ
ਕਿਉਂ ਹੋਵੇ ਅਗਨ ਪ੍ਰੀਖਿਆ ?
ਸੀਤਾ ਹੋ ਕੇ ਅੱਧ ਰਾਮ ਦਾ,
ਧਰਤ ਸਮਾ ਕੇ ਮੁੜੀ ਹਾਂ,
ਲੱਗਾਂ ਭਾਵੇਂ ਜੈਸੀ ਵੀ ਮੈਂ
ਕੁੜੀਆਂ ਵਰਗੀ ਕੁੜੀ ਹਾਂ |
ਸਰਬ ਸਖੀ ਸੰਗ ਪਦਮਨੀ
ਝੁਲਸੀ ਵਿਚ ਅੰਗਿਆਰਾਂ,
ਇੱਕ ਵਾਰੀ ਪ੍ਰਤੀਤੀ ਖੋ ਕੇ
ਮੁੜ ਕਾਹਦੀਆਂ ਇਤਬਾਰਾਂ ?
ਕੱਚੇ ਘੜੇ ਸਹਾਰੇ ਤਰ ਕੇ
ਵਿਚ ਝਨਾ ਦੇ ਰੁੜ੍ਹੀ ਹਾਂ,
ਲੱਗਾਂ ਭਾਵੇਂ ਜੈਸੀ ਵੀ ਮੈਂ
ਕੁੜੀਆਂ ਵਰਗੀ ਕੁੜੀ ਹਾਂ |
ਜਗਜੀਤ ਸਿੰਘ ਜੱਗੀ
ਚਾਨਣ = Education; ਨਿਸ਼ਚਾ = Determination; ਸੁਪਨੇ = Dreams and aspirations; ਸੁਰਖਾਬ ਦੇ ਪਰ ਨਹੀਂ ਮੇਰੇ = ਸੁਰਖ਼ਾਬ (a mythical bird having very special plumage), ਪਰ (plumage), ਭਾਵ ਕੋਈ ਖਾਸ ਵਿਸ਼ੇਸ਼ਤਾ ਨਹੀਂ ਮੇਰੇ ਵਿਚ, ਮੈਂ ਵੀ ਇਕ ਆਮ ਇਨਸਾਨ ਹਾਂ; ਅਹਿਮਕ ਕਹਿੰਦੇ ਪੈਰ ਦੀ ਜੁੱਤੀ = Idiots ਜਾਂ ਮੂਰਖ ਬੰਦੇ ਇਸਤਰੀ, (ਜੋ ਵਾਸਤਵ ਵਿਚ ਗ੍ਰਹਿ ਲਕਸ਼ਮੀ ਹੈ), ਨੂੰ ਪੈਰ ਦੀ ਜੁੱਤੀ ਮੰਨਦੇ ਰਹੇ ਹਨ; ਜੀਵਨ ਬੁੱਕ ਪੜ੍ਹ = By reading and learning from the book of life, ਭਾਵ ਜੀਵਨ ਦੇ ਤਜਰਬਿਆਂ ਤੋਂ ਸਿੱਖ ਕੇ; ਹਰ ਫ਼ਨ 'ਚ ਗੁੜ੍ਹੀ ਹਾਂ = I have acquired expertise and skill in art of living; ਕਾਣੀ-ਵੰਡ ਗੁਰ = Method of Unjust distribution, ਬੇਇਨਸਾਫੀ ਨਾਲ ਵੰਡਣ ਵਾਲਾ ਤਰੀਕਾ; ਸੀਤਾ ਹੋ ਕੇ ਅੱਧ ਰਾਮ ਦਾ, ਧਰਤ ਸਮਾਂ ਕੇ ਮੁੜੀ ਹਾਂ = ਜਦ ਕੁੜੀ ਜਾਂ ਇਸਤਰੀ ਸੀਤਾ ਦੇ ਰੂਪ ਵਿਚ ਸੀ, ਸ੍ਰੀ ਰਾਮ ਦੀ ਅਰਧਾਂਗਨੀ ਹੁੰਦਿਆਂ ਹੋਇਆਂ ਵੀ ਅਗਨੀ ਪ੍ਰੀਖਿਆ ਉਸਨੂੰ ਹੀ ਦੇਣੀ ਪਈ, ਅਤੇ ਅੰਤ ਉਸਨੂੰ ਧਰਤ ਵਿਚ ਸਮਾਉਣਾ ਪਿਆ | ਇਸਤਰਾਂ ਦੇ ਵਿਉਹਾਰ ਅਤੇ ਤਜਰਬਿਆਂ ਕਰਕੇ ਇਸਤਰੀ ਦਾ ਪੁਰਖ ਪ੍ਰਧਾਨ ਸਮਾਜ ਦੀ ਸਮਾਜਕ ਵਿਵਸਥਾ ਤੋਂ ਵਿਸ਼ਵਾਸ ਉੱਠ ਗਿਆ ਜਾਪਦਾ ਹੈ | It has done an irreparable damage to the esteem of woman.
|
|
04 Aug 2014
|