ਇੰਝ ਨਹੀਂ ਹੈ ਕਿ ਤੇਰੀ ਯਾਦ ਨਹੀਂ
ਚਾਹੇ ਬੁੱਲੀਂ ਕੋਈ ਫਰਿਆਦ ਨਹੀਂ

ਗੀਤ ਲਿਖ ਕੇ ਮੈਂ ਫੇਰ ਕੀ ਕਰਨੇ
ਜਦੋਂ ਬੁਲਾਂ ਤੇ ਤੇਰੇ ਦਾਦ ਨਹੀਂ

ਜੋ ਨੇ ਚਲਦੇ ਤਾਂ ਤੈਨੂੰ 'ਡੀਕਾਂਗਾ
ਸੋਚ ! ਸਾਹਾਂ ਦੀ ਕੁਝ ਮਿਆਦ ਨਹੀਂ

ਅਰਬਪਤੀਆਂ ਦੀ ਗਿਣਤੀ ਵੀ ਵਧਦੀ
ਨਿਰਧਨਾਂ ਦੀ ਕੋਈ ਤਾਦਾਦ ਨਹੀਂ

ਫੇਰ ਧਨੀਆਂ ਰਖੇਲ ਹੋ ਜਾਵੇ
ਜੰਗ ਪੀੜਾਂ ਦੀ ਜੇ ਔਲਾਦ ਨਹੀਂ

ਤੇਗ ਤੇਰੀ ਗਰੀਬੀ ਦਾ ਨੁਸਖਾ
ਵਾਰਤਾਵਾਂ ਨਹੀਂ, ਸੰਵਾਦ ਨਹੀਂ

ਔੜ ਝੁਗੀਆਂ ਦੀ ਆਣ ਖਬਰ ਵੀ ਲੈਣ
ਮਾੜੀਆਂ ਵਾਲਿਆਂ ਮਰਿਆਦ ਨਹੀਂ

ਬੋਲ , ਕੰਨ ਖੋਹਲ ਆਸਮਾਨਾਂ ਦੇ
ਹੱਕ ਨੂੰ ਮੰਗਣਾ ਕੋਈ ਅਪਰਾਧ ਨਹੀਂ

ਖੁਲਦਿਲੀ ਪਿੱਛੇ ਕੋਈ ਮਤਲਬ ਵੀ
ਕਰਮ ਉਸਦਾ ਇਹ ਬੇਇਰਾਦ ਨਹੀਂ

ਮੈਂ ਹਾਂ ਦੁਖ ਇਕ ਅਜ਼ਲ ਤੋਂ ਜੀਉਂਦਾ ਹਾਂ
ਅੰਤ ਹੋਣਾ ਕੀ ਜਿਸ ਦਾ ਆਦ ਨਹੀਂ

ਮੁਕ ਮੈਂ ਜਾਣਾ ਤਾਂ ਇਹ ਵੀ ਮੁਕ ਜਾਣੇ
ਦੁਖ ਦੀ ਹਸਤੀ ਵੀ ਮੇਰੇ ਬਾਅਦ ਨਹੀਂ

----------csmann-072810-

kiya baat e janab...nikhrey hoy o...gud work..keep sharing

ਮੈਂ ਹਾਂ ਦੁਖ ਇਕ ਅਜ਼ਲ ਤੋਂ ਜੀਉਂਦਾ ਹਾਂ
ਅੰਤ ਹੋਣਾ ਕੀ ਜਿਸ ਦਾ ਆਦ ਨਹੀਂ

Charanjit ji bahut wadhiyaa...

bohat vdhya likhya

nice one