ਬਾਪੂ ਤੇਰੀਆਂ ਕਿਰਤਾਂ ਹੱਥ ਖੁਰਪਾ ਦਿੱਤਾ,
ਬਾਪੂ ਤੇਰੀਆਂ ਪਿਰਤਾਂ ਸਾਨੂੰ ਰੁਤਬਾ ਦਿੱਤਾ,
ਪਦ-ਚਿਨ੍ਹਾ ਤੇਰਿਆਂ ਚਲਕੇ ਉਦਾਰ ਹਾਂ ਹੋਏ,
ਅੱਜ ਫੋਟੋ ਤੇਰੀ ਤੱਕ ਕੇ ਭੁਬਾਂ ਮਾਰ ਹਾਂ ਰੋਏ |
ਕੌਣ ਤੇਰੇ ਵਾਜੋਂ ਆੜੀਆ ਝਿੜਕੇ ਸਮਝਾਵੇ,
ਸਿਰ ਛਾਂ ਹੋਵੇ ਬੋਹੜ ਦੀ ਬਾਪੂ ਲਾਡ ਲਡਾਵੇ,
ਮਾਪਿਆਂ ਵਾਜੋਂ ਰੱਬ ਵੀ ਵਫ਼ਾਦਾਰ ਨਾ ਹੋਏ,
ਅੱਜ ਫੋਟੋ ਤੇਰੀ ਤੱਕ ਕੇ ਭੁਬਾਂ ਮਾਰ ਹਾਂ ਰੋਏ |
ਅੰਸ਼ ਵਿਲਕਦੇ, ਲੋਚਦੇ, ਤੇਰੇ ਨਾਮੀ ਕਰਦੇ,
ਕਿਸੇ ਬਹਾਨੇ ਪਰਤ ਆਉਣ ਦੀ ਹਾਮੀ ਭਰਦੇ,
ਸਾਡੇ ਬਾਗੀਂ ਤੇਰੇ ਬਿਨ ਬਸੰਤ ਬਹਾਰ ਨਾ ਹੋਏ,
ਅੱਜ ਫੋਟੋ ਤੇਰੀ ਤੱਕ ਕੇ ਭੁਬਾਂ ਮਾਰ ਹਾਂ ਰੋਏ |
ਮੋਗੇ ਵਿੱਚ ਬੈਠਾ ਤੇਰਿਆਂ ਯਾਦਾਂ ਰਹਾਂ ਹੰਡਾਉਂਦਾ ਮੈਂ,
ਤੂੰ ਜੋ - ਜੋ ਗੱਲਾਂ ਅਖੀਆਂ ਰਿਹਾ ਸੀਸ ਝੁਕਾਉਂਦਾ ਮੈਂ,
ਜਗੀਰ, ਬਹਾਦਰ, ਹਰੀ ਸਿੰਘ,ਪਰਿਵਾਰ ਨੇ ਖੋਏ,
ਅੱਜ ਫੋਟੋ ਤੇਰੀ ਤੱਕ ਕੇ ਭੁਬਾਂ ਮਾਰ ਹਾਂ ਰੋਏ |
ਮੇਰੇ ਪਿਤਾ ਸਮਾਨ ਚਾਚਾ ਜੀ ਸਰਦਾਰ ਬਹਾਦਰ ਸਿੰਘ ਜੀ ਇੰਸ. ਸੀ,ਟੀ, ਯੂ , ਚੰਡੀਗੜ੍ਹ,ਜਿਹਨਾਂ ਦਾ ਵਿਛੋੜਾ ਸਾਡੇ ਪਰਿਵਾਰ ਲਈ ਅਸਹਿ ਹੈ, ਦੀ ਮਿਠੀ ਯਾਦ ਨੂੰ ਸਮਰਪਿਤ
ਮਾਵਾਂ ਠੰਡਿਆਂ ਛਾਂਵਾਂ ਪਰ ਬਾਪੂ ਦੇ ਕਰੇ ਅਹਿਸਾਨਾਂ ਨੂੰ ਵੀ ਮੈ ਕਿਵੇਂ ਭੂਲਾਵਾਂ |
ਬਾਪੂ ਤੇਰੀਆਂ ਕਿਰਤਾਂ ਹੱਥ ਖੁਰਪਾ ਦਿੱਤਾ,
ਬਾਪੂ ਤੇਰੀਆਂ ਪਿਰਤਾਂ ਸਾਨੂੰ ਰੁਤਬਾ ਦਿੱਤਾ,
ਪਦ-ਚਿਨ੍ਹਾ ਤੇਰਿਆਂ ਚਲਕੇ ਉਡਾਰ ਹਾਂ ਹੋਏ,
ਅੱਜ ਫੋਟੋ ਤੇਰੀ ਤੱਕ ਕੇ ਭੁਬਾਂ ਮਾਰ ਹਾਂ ਰੋਏ |
ਕੌਣ ਤੇਰੇ ਵਾਜੋਂ ਆੜੀਆ ਝਿੜਕੇ ਸਮਝਾਵੇ,
ਸਿਰ ਛਾਂ ਹੋਵੇ ਬੋਹੜ ਦੀ ਬਾਪੂ ਲਾਡ ਲਡਾਵੇ,
ਮਾਪਿਆਂ ਵਾਜੋਂ ਰੱਬ ਵੀ ਵਫ਼ਾਦਾਰ ਨਾ ਹੋਏ,
ਅੱਜ ਫੋਟੋ ਤੇਰੀ ਤੱਕ ਕੇ ਭੁਬਾਂ ਮਾਰ ਹਾਂ ਰੋਏ |
ਅੰਸ਼ ਵਿਲਕਦੇ, ਲੋਚਦੇ, ਤੇਰੇ ਨਾਮੀ ਕਰਦੇ,
ਕਿਸੇ ਬਹਾਨੇ ਪਰਤ ਆਉਣ ਦੀ ਹਾਮੀ ਭਰਦੇ,
ਸਾਡੇ ਬਾਗੀਂ ਤੇਰੇ ਬਿਨ ਬਸੰਤ ਬਹਾਰ ਨਾ ਹੋਏ,
ਅੱਜ ਫੋਟੋ ਤੇਰੀ ਤੱਕ ਕੇ ਭੁਬਾਂ ਮਾਰ ਹਾਂ ਰੋਏ |
ਮੋਗੇ ਵਿੱਚ ਬੈਠਾ ਤੇਰਿਆਂ ਯਾਦਾਂ ਰਹਾਂ ਹੰਡਾਉਂਦਾ ਮੈਂ,
ਤੂੰ ਜੋ - ਜੋ ਗੱਲਾਂ ਆਖੀਆਂ ਰਿਹਾ ਸੀਸ ਝੁਕਾਉਂਦਾ ਮੈਂ,
ਜਗੀਰ, ਬਹਾਦਰ, ਹਰੀ ਸਿੰਘ,ਪਰਿਵਾਰ ਨੇ ਖੋਏ,
ਅੱਜ ਫੋਟੋ ਤੇਰੀ ਤੱਕ ਕੇ ਭੁਬਾਂ ਮਾਰ ਹਾਂ ਰੋਏ |
