ਜੀਣ ਜੋਗਿਆ

ਵੇ ਅੜਿਆ
ਗੁੰਮ ਸੁੰਮ ਖੜਿਆ
ਕਿਸ ਗੱਲ ਤੋਂ ਲੜਿਆ
ਕਾਤੋਂ ਫਿਰੇ ਤੂੰ ਸੜਿਆ
ਮਰ ਜਾਊਗੀ ਮੈਂ ਕੁਛ ਤਾਂ ਕਹੁ
ਚਾਹੇ ਕੁੱਝ ਨਾ ਕਹੁ
ਮੁਹਰੇ ਬੈਠਾ ਰਹੁ
ਰੋਟੀ ਟੁਕ ਤਾਂ ਲਹੁ
ਤੇਰੇ ਬਿਨ ਕੋਈ ਨਾ ਥਹੁ
ਕੁੱਝ ਬੋਲ ਨਾ ਬੋਲ ਅੱਖੀਆਂ ਚ ਰਹੁ
ਕਿਤੇ ਦੂਰ ਚੱਲੇ ਚਲੀਏ
ਕੋਈ ਰਾਹ ਪੱਧਰਾ ਮਲੀਏ
ਵੇ ਜਾ ਸੰਗ ਰਲੀਏ
ਔਰ ਪਾਸੇ ਨਾ ਵਲੀਏ
ਬੱਸ ਦੇਖ ਮੇਰੀ ਵੱਲ ਤੇ ਦੇਖਦਾ ਰਹੁ
ਵੇ ਹੀਰਿਆਂ ਜੁੜਿਆ
ਤੂੰ ਮੇਰੇ ਮਥੇ ਮੜਿਆ 
ਸਦਕੇ ਤੂੰ ਮੇਰੇ ਪਿਆਰ ਚ ਹੜਿਆ
ਰੰਗ ਮਜੀਠ ਕਿੰਝ ਚੜਿਆ
ਵੇ ਮੈਨੂੰ ਭੇਦ ਤਾਂ ਦਸਦਾ ਰਹੁ

Bahut sohni kirt hai Bai Ji...
Thnx for sharing ! God Bless !

thanks jagjit ji