ਜੋਗੀ ਨਾਲ ਕੌਲ 

 

ਮਾਏ ਨੀਂ ਮੈਂ ਸੁੱਤੀ ਦੇ

ਇਕ ਜੋਗੀ ਸੁਪਨੇ ਆਇਆ,

ਨਾ ਈਂ ਕੰਨੀਂ ਮੁੰਦਰਾਂ ਉਸਦੇ,

ਨਾ ਉਸ ਅਲਖ ਜਗਾਇਆ |

 

ਤਾਂਬੇ ਰੰਗਾ ਜੁੱਸਾ ਉਸਦਾ

ਰੀਝਾਂ ਨਾਲ ਘੜਾਇਆ,

ਸੂਰਜ ਵਾਂਗੂੰ ਮੱਥਾ ਦਮਕੇ,

ਚਿਹਰਾ ਦੂਣ ਸਵਾਇਆ |

 

ਕੇਸ ਸੁਨਹਿਰੇ ਕੁੰਡਲਦਾਰ,

ਦੰਦ ਮੋਤੀਆਂ ਵਰਗੇ,

ਊਚਾ ਲੰਮਾ ਕੱਦ ਸਰੂ,

ਕਿਸੇ ਤੇਜਵਤੀ ਦਾ ਜਾਇਆ |

 

ਚਾਨਣੀਆਂ ਦਾ ਫਹਿਆ ਲੈ  

ਉਸ ਰੂਹ ਦੀ ਜਲਨ ਬੁਝਾਈ,

ਘੁੱਪ ਹਨੇਰੀ ਗ਼ਮ ਦੀ ਰਾਤੇ

ਆਫ਼ਤਾਬ ਬਣ ਆਇਆ |

 

ਖੱਪਰ ਦੇ ਨਾਲ ਮੰਗੇ ਨਾ

ਉਸ ਅੱਗੇ ਹੱਥ ਵਧਾਇਆ,

ਤੇਜ ਉਦ੍ਹੇ ਦਾ ਸੇਕ ਅਜਿਹਾ

ਵਜੂਦ ਮੇਰਾ ਕੁਮਲਾਇਆ |

 

ਮਿੱਟੀ ਦਾ ਮੈਂ ਬਾਵਾ ਨਾਹੀਂ

ਮੁੱਖੋਂ ਓਸ ਅਲਾਇਆ,

ਘੜਿਆ ਮੈਨੂੰ ਤੇਰੇ ਤਸੱਵਰ

ਸੁਪਨਿਆਂ ਕਾਜ ਰਚਾਇਆ |

ਮੂੰਹ ਜ਼ੋਰ ਅਪਣਾਪਨ ਉਸਦਾ

ਲੱਗਿਆ ਇਉਂ ਇਤਬਾਰੀ,

ਨੈਣਾਂ ਰਾਹੀਂ ਦਿਲ 'ਚ ਵੜਿਆ

ਵਰਜ ਵਰਜ ਮੈਂ ਹਾਰੀ |

 

ਟੂਣੇ ਹਾਰੀਆਂ ਅੱਖਾਂ ਨਾਲ

ਉਸ ਆਪਾ ਖੋਹ ਕੇ ਮੇਰਾ,

ਜੋ ਮੇਰਾ ਸੀ ਕੌਲ ਦੇ ਰਾਹੀਂ 

ਆਪਣੇ ਨਾਂ ਕਰਾਇਆ –

 

ਅਣਛੋਹੀ ਮੈਂ ਕੋਰੀ ਵੰਝਲੀ,

ਕਦੇ ਨਾ ਹੋਠ ਛੁਆਈ,

ਕੁੰਦਨ ਵਰਗੀ ਸੱਚੀ ਸੁੱਚੀ

ਕੰਜਕੁਆਰੀ ਕਾਇਆ |

 

                   ਜਗਜੀਤ ਸਿੰਘ ਜੱਗੀ

Glossary:

ਜੁੱਸਾ - ਪਿੰਡਾ, ਸ਼ਰੀਰ; ਆਫ਼ਤਾਬ - ਸੂਰਜ; ਫਹਿਆ - ਰੂੰ ਦਾ ਫੰਬਾ; ਤਸੱਵਰ - ਜੋ ਕਲਪਨਾ ਜਾਂ ਖ਼ਿਆਲ ਵਿਚ ਹੋਵੇ; ਵਰਜ - ਠਾਕਨਾ, ਮਨ੍ਹਾਂ ਕਰਨਾ; ਟੂਣੇ ਹਾਰੀਆਂ - ਜਾਦੂਈ ਅਸਰ ਵਾਲੀਆਂ; ਕੁੰਦਨ - ਸੋਨਾ; ਕੰਜਕੁਆਰੀ - virgin, ਸੁੱਚੀ; 

 

ਵਾਹ ! ਆਨੰਦ ਆ ਗਿਆ ਜਨਾਬ ......ਕਿਆ ਸ਼ਬਦ ਚਿੱਤਰ ਉਕੇਰਿਆ ਹੈ ਜੀ ਕਮਾਲ..

ਬਿੱਟੂ ਬਾਈ ਜੀ, ਆਪ ਨੇ ਆਪਣੇ ਰੁਝੇਵਿਆਂ ਚੋਂ ਸਮਾਂ ਕੱਢਕੇ ਕਿਰਤ ਨੂੰ ਮਾਣ ਅਤੇ ਪਿਆਰ ਬਖ਼ਸ਼ਿਆ, ਇਸ ਲਈ ਬਹੁਤ ਬਹੁਤ ਸ਼ੁਕਰੀਆ | ਬਸ ਇਸਤਰਾਂ ਈ ਹੌਂਸਲਾ ਅਫਜਾਈ ਕਰਦੇ ਰਿਹਾ ਕਰੋ |

 

ਰੱਬ ਰਾਖਾ ਜੀ !

ਜਗਜੀਤ ਸਰ ਜੀ ਬਹੁਤ ਖੂਬ ਰਚਨਾ ਪੇਸ਼ ਕੀਤੀ ਹੈ ਤੁਸੀ,

ਜਿਵੇਂ ਇੱਕ ਸੁਪਨੇ ਨੂੰ ਪਿਕਾਸੋ (Picasso) ਨੇ ਪਰਦੇ ਤੇ ਉਤਾਰ ਦਿੱਤਾ ਹੋਵੇ। ਸ਼ੇਅਰ ਕਰਨ ਲਈ ਬਹੁਤ -੨ ਸ਼ੁਕਰੀਆ ਸਰ।

sir kia baat hai g........ik tejasvi jiha roop tejasvi kalam naal ik vilakhan dhang naal pesh kita giya.......thanks

jagjit g.....

 

bht kamaal likhya aa......koi rees nai g tuhadi.....

 

kya kaaya likhi hai tusi jogi di te nal hi os supney di v

 

what an imagination sir....

 

salute to u sir....

 

thanx for sharing

Sandeep nd Sanjeev ji, thank you for visiting and honouring the article with so generous comments. It generates atmosphere conducive to creativity.
Thnx nd God Bless !

Wah ! Kiaa baat hai jnaab.....fir kahunga ke swaad liaa ta baai ji...

Ikk jeev aatma nu jado Parmatma milda hai ....te oh aapne Parmatma di khudai nu biaan karn layi ajehi hi kavita di rachna kardi hai.......jionde wassde rho sir...

 

ਨਵੀ ਮੈਡਮ ਆਪਨੇ ਆਪਣੇ ਬਿਜ਼ੀ ਸ਼ੈਡੂਲ ਚੋਂ ਇੰਨਾਂ ਸਮਾਂ ਕੱਢਕੇ ਖੁਲ੍ਹੇ ਦਿਲ ਨਾਲ ਕਮੇਂਟ੍ਸ ਦਿੱਤੇ, ਇਸ ਲਈ ਬਹੁਤ ਬਹੁਤ ਸ਼ੁਕਰੀਆ |

 

I feel elated and encouraged ! Once again, Thnx !

ਰੱਬ ਰਾਖਾ !

 

 

ਹਰਪਿੰਦਰ ਬਾਈ ਜੀ ਹਮੇਸ਼ਾ ਦੀ ਤਰਾਂ ਆਪਣੇ ਫਰਾਖ ਦਿਲੇ ਕਮੇੰਟ੍ਸ ਨਾਲ ਆਪ ਜੀ ਨੇ ਹੌਂਸਲਾ ਅਫਜਾਈ ਕੀਤੀ ਹੈ ਅਤੇ ਬਹੁਤ ਪਿਆਰ ਦਿੱਤਾ ਹੈ | ਬਹੁਤ ਬਹੁਤ ਸ਼ੁਕਰੀਆ ਜੀ !

ਰੱਬ ਰਾਖਾ ਜੀ !