ਰੋਜ਼ ਖਬਰ ਬਣਦੇ ਨੇ,
ਕੁਝ ੲਿਸ ਪਾਰ,
ਕੁਝ ਉਸ ਪਾਰ
ਅੱਜ ਫਿਰ ਖਬਰ ਆਈ ਏ,
ੳੁਸ ਲਕੀਰ ਪਾਰ ਤੋਂ
ਜਿਸਨੂੰ ਸਰਕਾਰ ਸਰਹੱਦ ਕਹਿੰਦੀ ੲੇ
ਜਿਸਦੇ ਪਾਰ ਦੋਵੇਂ ਪਾਸੇ ਤੋਂ ਸਿਆਸਤਦਾਨ ਅਕਸਰ,
ਕਾਲੇ ਕਬੂਤਰਾਂ ਨੂੰ ਚਿੱਟਾ ਰੰਗ ਕੇ ਭੇਜਦੇ ਨੇ
ੳੁਸ ਪਾਸੋਂ ਕੁਝ ਗੋਲੀਆਂ ਆਈਆਂ ਹਨ
ਜਿਨ੍ਹਾਂ ਉੱਤੇ ਕਈ ਗਰੀਬ ਜਵਾਨੀਆਂ ਦੇ ਨਾਂ ਸਨ
ਤੇ ਹੁਣ ਕੀਰਨੇ ਪਾੳਂਦੀ ੲਿਕ ਖਬਰ ਆਈ ਹੈ,
ਅਮਨ ਦਾ ਚਿਹਰਾ ਐਨਾ ਖੂੰਖਾਰ ਹੁੰਦਾ ਏ !
ਮੈਨੂੰ ਨਹੀਂ ਸੀ ਪਤਾ,
ਤੇ ੲਿਸ ਹਿਸਾਬ ਨਾਲ,
ਵਹਿਸ਼ੀ ਜੰਗ ਦਾ ਚਿਹਰਾ ਕਿਸ ਤਰਾਂ ਦਾ ਹੋਵਾਗਾ ?
ਉਹ ਚਿਹਰਾ ਵੀ ਸ਼ਾੲਿਦ,
ਅਮਨ ਜਿੰਨੇ ਰੰਗ ਤੇ ਨਹੀਂ ਬਦਲਦਾ ਹੋਵੇਗਾ
ੲਿਹ ਚਿੱਟੇ ਕੁੜ੍ਹਤਿਆਂ ਵਾਲੇ ਝੂਠ ਬੋਲਦੇ ਨੇ,
ਕਿ ਉਹ ਜੰਗ ਨਹੀਂ ਚਾਹੁੰਦੇ
ਮੈਨੂੰ ਤੇ ਲਗਦਾ ਹੈ ੲਿਹ ਜੰਗ ਹੀ ਹੈ
ਜੋ ਮੁਖੌਟਾ ਲਾ ਸਾਡੇ ਵਿੱਚਕਾਰ ਵਸਦੀ ੲੇ,
ਤੇ ਹੁਣ ਦੇਸ਼ ਦੀ ਪੱਕੀ ਨਾਗਰਿਕ ਬਣ ਚੁੱਕੀ ੲੇ
ੲਿਹ ਚਿੱਟੇ ਕੁੜ੍ਹਤੇ ਵਾਲੇ ਹੀ ਅਸਲ ਦੁਸ਼ਮਣ ਨੇ
ਮੈਂਨੂੰ ਵੀ ਤੁਹਾਡੇ ਵਾਂਗ ਸਭ ਸੱਚ ਲੱਗਦਾ ਸੀ,
ਮੈਨੂੰ ਵੀ ਤੁਹਾਡੇ ਵਾਂਗ ਜੰਗ ਦੇ ਕਿੱਸੇ ਬਹੁਤ ਪਸੰਦ ਸੀ
ਦੇਸ਼ ਭਗਤੀ ਦੀਆਂ ਫਿਲਮਾਂ ਵੇਖ,
'ੲਿਕ ਵਾਰ ਆਰ ਪਾਰ ਹੋਣ ਦਿਓ' ਕਹਿਣ ਵਾਲਿਓ
ਲਗਦੈਂ ਤੁਸੀ ਹਾਲੇ ਤੀਕ ਧਮਾਕੇ ਨਹੀਂ ਸੁਣੇ,
ਨਾ ਹੀ ਤੁਸੀ ਸੁਣੇ ਨੇ ਸੁਹਾਗਣਾ ਦੇ ਵੈਣ
ਤੇ ਨਾ ਹੀ ਤੁਹਾਡੇ ਕਿਸੇ ਆਪਣੇ ਦੀ,
ਹਿੱਕ ਵਿੱਚ ਗੋਲੀ ਲੱਗੀ ਏ,
ਦੋਵੇਂ ਪਾਸੇ ੲਿਨਸਾਨ ਨੇ, ਰਿਸ਼ਤੇ ਨੇ, ਮੁਹੱਬਤਾਂ ਨੇ
ਬੱਸ ਲੋੜ ਏ ਤਾਂ ਲਕੀਰ ਟੱਪਣ ਦੀ,
ਹਾਂ, ਮੇਰੇ ਸ਼ਬਦਾਂ ਤੋਂ ਤੁਹਾਨੂੰ ਲੱਗੇਗਾ ਮੈਂ ਕਾੲਿਰ ਹਾਂ,
ਮੋਤ ਤੋਂ ਡਰਦਾਂ ਹਾਂ
ਪਰ ਮੇਰੀ ਕੋਰੀ ਵਸੀਅਤ ਵੇਖ,
ਸ਼ਾੲਿਦ ਤੁਹਾਨੂੰ ਅਜਿਹਾ ਨਹੀਂ ਲੱਗੇਗਾ
ਆਪਣੇ ਕੋਲ ਤੇ ਮੈਂ ਜ਼ਿੰਦਗੀ ਵੀ ਨਹੀਂ ਰੱਖੀ
ਉਹ ਵੀ ਦੇਸ਼ ਹਵਾਲੇ ਕੀਤੀ ੲੇ
ਗੋਲੀਆਂ ਬੰਬਾਂ ਤੇ ਨਾਂ ਲਿਖ ਲਿਖ,
ੳੁਸ ਪਾਰ ਭੇਜਣਾ ਮੇਰਾ ਪੇਸ਼ਾ ਹੈ,
ਤੇ ਆਪਣੇ ਨਾਂ ਦੀ ਗੋਲੀ,
ਮੈਂ ਹਿੱਕ ਤਾਣ ਖੜ੍ਹਾ ਉਡੀਕ ਰਿਹਾ ਹੈ
ਪਰ ਮੈਂ ਧਮਾਕੇ ਸੁਣੇ ਨੇ
ਤੇ ਸੁਣੇ ਨੇ ਸੁਹਾਗਣਾ ਦੇ ਵੈਣ
ਉਸ ਲਕੀਰ ਕੋਲ ਖੜ੍ਹ,
ਦੋਹੇ ਪਾਸੇ ਤੋਂ ਆੳੁਂਦੀਆਂ ਚੀਕਾਂ ਵੀ ਸੁਣੀਆਂ ਨੇ
ਮੈਨੂੰ ਉਨ੍ਹਾਂ ਚੀਕਾਂ ਵਿਚ ਕੋਈ ਫ਼ਰਕ ਨਹੀਂ ਲੱਗਾ
ਤੇ ਹੈਰਾਨੀ ਵਾਲੀ ਗੱਲ ੲਿਹ ਹੈ
ਦੋਵੇ ਪਾਸੇ ਦੇ ਲਹੂ ਦਾ ਰੰਗ ਲਾਲ ਹੈ
ੲਿਹ ਚਿੱਟੇ ਕੁੜ੍ਹਤਿਆਂ ਵਾਲੇ ਝੂਠ ਬੋਲਦੇ ਨੇ ॥
-: ਸੰਦੀਪ 'ਸੋਝੀ'
|