ਜੁੱਤੀ ਤੇ ਕਿਲ

ਕਿੰਨੀਆਂ ਜੁੱਤੀਆਂ ਪੈਰ ਦੀਆਂ
ਤੇ ਕਿੰਨੇ ਜੁੱਤੀ ਦੇ ਕਿਲ
ਪਰ ਕੋਈ ਨਾ ਜੁੱਤੀ ਦੇ ਤੁਲ

ਕਿਲ ਜੇ ਕਰ ਰਹਿਣ ਨਾ ਕਿਲ
ਤਾਂ ਪੈਰ ਦੀ ਜੁੱਤੀ ਦਾ ਮੁਲ-
ਕਿਸੇ ਸੁਚੇ ਮੋਤੀ ਦੇ ਤੁਲ
ਜੋ ਬੜਾ ਅਮੁਲ

ਕਿਲ ਜੇ ਕਰ ਰਹੇ ਨਾ ਕਿਲ
ਤਾਂ ਪੈਰ ਦੀ ਜੁੱਤੀ ਦਾ ਵੱਡਾ ਦਿਲ
ਵਿਛ ਵਿਛ ਜਾਂਦੈ ਬੰਧਨਾਂ ਵਿੱਚ
ਹਰ ਇਕ ਬੰਧਨ ਬੜਾ ਬਾ-ਜਚ

ਕਿਲ ਦਾ ਜੇ ਕਰ ਹੋਵੇ ਦਿਲ
ਦਿਲ ਦੇ ਵਿੱਚ ਵੀ ਹੋਵੇ ਦਿਲ
ਪੈਰ ਦੀ ਜੁੱਤੀ ਦੇ ਦਿਲ ਵਾਂਕਰ
ਓਡਾ ਈ ਵਡਾ, ਓਦਾਂ ਈ ਬਿਲਕੁਲ
ਤਾਂ ਫਿਰ ਕਿਲ ਦਾ ਨਹੀਂ ਇਹ ਦਿਲ
ਕਿ ਪਾਵੇ ਪੈਰ ਦੀ ਜੁੱਤੀ ਦਾ ਮੁਲ
ਜਿਸਦਾ ਮੁਲ ਹੈ ਬੜਾ ਅਮੁਲ-
ਕਿਸੇ ਸੁਚੇ ਮੋਤੀ ਦੇ ਤੁਲ

 
ਕਿਲ ਕਿਥੋਂ ਹੋਇਆ ਕਿ ਦੇਵੇ
ਪੈਰ ਦੀ ਜੁੱਤੀ ਦਾ ਮੁਲ