ਰਾਹ ਦੇ ਹਰ ਪੱਥਰ ਚੋਂ,
ਹਰ ਸੁੱਕੇ ਪੱਤੇ ਚੋਂ
ਨੀਰ ਹਰ ਗੰਧਲੇ ਚੋਂ,
ਨੀਰ ਹਰ ਠੰਡੇ ਤੱਤੇ ਚੋਂ
ਦਿਨ ਸੀ ਗਰਮੀ ਦੇ ,
ਜਾਂ ਠਾਰਦੇ ਸਿਆਲਾਂ ਦੇ
ਮੈਂ ਸੀ ਲੱਭਦਾ ਫਿਰਦਾ
ਜਵਾਬ ਆਪਣੇ ਸਵਾਲਾਂ ਦੇ ।

ੳੁਮਰ ਨੇ ਕਦੋਂ ਛੱਡਿਆ ,
ਪਿੱਛੇ ੳੁਹ ਬਚਪਨ
ਭੋਲੀਆਂ ਨਿੱਕੀਆਂ ਰੀਝਾਂ ਵਾਲਾ ,
ਖੁਸ਼ੀਆਂ ਵਾਲਾ ੳੁਹ ਬਚਪਨ
ਕਿਵੇਂ ਮਹੀਨੇ ਸਾਲਾਂ ਨਾਲ ,
ਸਭ ਚਿਹਰੇ ਬਦਲ ਗਏ
ਤੇ ਆਕਾਰ ਬਦਲ ਗਏ
ਸਭ ਉਮਰ ਦੇ ਰੁਮਾਲਾਂ ਦੇ ।

ਜਦ ਅੱਖ ਖੁੱਲੀ ਤੇ ਮੈਂ,
ਗਹੁ ਨਾਲ ਤੱਕੀ ਦੁਨੀਆਂ
ੲਿਹ ਫੁੱਲਾਂ ਦੀ ਜਾਈ ,
ੲਿਹ ਸੁਰਗ ਸੀ ਦੁਨੀਆਂ
ਨਾ ਕਿਸੇ ਉੱਜੜੇ ਵਕਤ ਦੀ
ਚਾਰਦੀਵਾਰੀ ਵਿੱਚ ਮੈਂ ਵਸਾਂ
ਨਾ ਹੁਣ ਮੈਂ ਘਰ ਜਾਵਾਂ ,
ਆਪਣੇ ਬੁੱਢੇ ਖਿਆਲਾਂ ਦੇ ।

ਮੈਂ ਹੁਣ ਤੋੜਨਾਂ ਚਾਹਵਾਂ ,
ਆਪਣੀਆਂ ਸਭ ਹੱਦਾਂ
ਸਮਝ ਨਾ ਆਵੇ ਕਿਵੇਂ,
ਸੋਚਾਂ ਦੀਆਂ ਜੰਜੀਰਾਂ ਵੱਢਾਂ
ਜਾਂ ਭਖਦੇ ਪਤਾਲਾਂ ਚੋਂ ,
ਮੈਂ ਭੁੱਖੇ ਮੂਸ ਬਲਾਵਾਂ
ਜੋ ਕੁਤਰਨ ਜਾਲ ਪਾਏ
ਰੂਹ ਤੇ ਮੌਜ ਅਕਾਲਾਂ ਦੇ ॥


-: ਸੰਦੀਪ 'ਸੋਝੀ'

kujh swaal ne aise jina de jawaab nagi hunde 

bahut khoob likhiya 

eh duniya kolnahi aa eh unkahe swaalan de jawaab

ਗੁਰਪ੍ਰੀਤ ਵੀਰ ਜੀ, ਕਿਰਤ ਨੂੰ ਵਿਜ਼ਿਟ ਕਰਨ ਲਈ ਤੇ ਹੋਸਲਾ ਅਫਜਾਈ ਲਈ ਤੁਹਾਡਾ ਬਹੁਤ ਬਹੁਤ ਸ਼ੁਕਰੀਆ ਜੀ, ਜਿੳੁਂਦੇ ਵਸਦੇ ਰਹੋ ਜੀ ।

"ਜਵਾਬ" ਵਿਚ ਦੁਨੀਆਂ, ਇਸ ਵਿਚ ਸਾਡੇ ਅਸਤਿਤਵ ਅਤੇ ਉਸਦੇ ਸਰੋਤ ਬਾਰੇ ਅਤੇ ਹੋਰ ਬਹੁਤ ਸਾਰੇ ਸਵਾਲ ਉਠਾਏ ਹਨ ਲੇਖਕ ਦੀ ਅੰਤਰਆਤਮਾ ਨੇ, ਜੋ ਸ਼ਾਇਦ ਉਸ ਜੀਵਨਦਾਤਾ ਦੀ ਸ਼੍ਰੇਸ਼ਠਤਮ ਕਿਰਤ ਲਈ ਸਹਿਜ ਸੁਭਾਏ ਹਨ | ਪਰ ਉੱਤਰ ਤੇ ਕਠਿਨ ਲੱਗਦੇ ਹਨ - ਹਾਂ, ਬਹੁਤ ਹੀ ਕਠਿਨ, ਪਰ ਇਹ ਉੱਤਰ ਉਸਦੇ ਬੇਅੰਤ ਖਲਾਰੇ ਵਿਚੋਂ ਹੀ ਕਿਤਿਓਂ ਲਭ ਸਕਦੇ ਹਨ  - ਜੇ ਮਨ ਦੀ ਜਗਿਆਸਾ ਨਿਤਾਂਤ ਜਾਗ੍ਰਿਤ ਰਹੇ ਅਤੇ ਸੁਰਤ ਜੋੜੇ ਅਨੰਤ ਨਾਲ |

 

ਇਹ ਭਾਲ ਭਾਲ ਕੇ ਗੁਰੂ ਸਾਹਿਬ ਫੁਰਮਾਉਂਦੇ ਹਨ :

 

                              ਤੁਮਰਾ ਲਖਾ ਨਾ ਜਾਏ ਪਸਾਰਾ, ਕਿਹ ਬਿਧ ਸਜਾ ਪ੍ਰਥਮ ਸੰਸਾਰਾ |

 

ਇਕ ਸੁੰਦਰ ਰਚਨਾ |

 

ਸੰਦੀਪ ਜੀ, ਸ਼ੇਅਰ ਕਰਨ ਲਈ ਸ਼ੁਕਰੀਆ  |

 

 

ਜਗਜੀਤ ਸਰ ਤੁਹਾਡਾ ਬਹੁਤ ਬਹੁਤ ਸ਼ੁਕਰੀਆ ਕਿ ਤੁਸੀ ਹਮੇਸ਼ਾ ਦੀ ਤਰਾਂ ਅਪਾਣੇ ਕਮੈਂਟ੍‍ਸ ਨਾਲ ਕਿਰਤ ਨੂੰ ਨਵਾਜ਼ਿਆ ਤੇ ਹੋਸਲਾ ਅਫਜਾਈ ਕੀਤੀ ਤੇ ਨਾਲ ਹੀ ਗੁਰਬਾਣੀ ਦੇ ਖਜ਼ਾਨੇ 'ਚੋਂ ਮੇਰੇ ਵਰਗੇ ਗਾਫ਼ਲ ਨੂੰ ਥੋੜਾ ਸੱਚਾ ੲਿਲਮ ਵੀ ਦਿੱਤਾ ।

ਜਿਸ ਲਈ ਤੁਹਾਡਾ ਤਹਿ ਦਿਲੋਂ ਸ਼ੁਕਰੀਆ ਜੀ ।

Hamesha de Taran sandeep g... dil nu shoon vale ba kamal kirat g.....

Sanjeev g,thanks a lot for taking time off for reading and for your motivational and kind words.