|
|
|
|
|
|
Home > Communities > Punjabi Literature > Forum > messages |
|
|
|
|
|
ਕਹਾਣੀ ਕਰਜੇ ਦੀ |
"ਬਾਪੂ ! ਮੇਰੇ ਬੂਟ ਟੁੱਟੇ ਪਏ ਨੇ, ਮੈਂ ਇਹ ਪਾ ਕੇ ਸਕੂ਼ਲ ਨੀ ਜਾਂਦਾ। ਮੇਰੇ ਆੜੀ ਮੇਰਾ ਮਖੌਲ ਉਡਾਉਂਦੇ ਨੇ!" ਨਿੰਕੂ ਦੀ ਗੱਲ ਸੁਣ ਕੇ ਨਸੀਬ ਸਿੰਘ ਸੋਂਚੀ ਪੈ ਗਿਆ।
"ਪੁੱਤਰ, ਪਰਸੋਂ ਸ਼ਹਿਰੋਂ ਜਰੂਰ ਲਿਆ ਦੂੰ। ਨਾਲੇ ਮੈਂ ਆੜਤੀਏ ਨੂੰ ਮਿਲ ਕੇ ਆਉਣਾ।" ਨਸੀਬ ਸਿੰਘ ਨੇ ਚੁੱਪ ਤੋੜੀ।
ਆਪਣੀ ਘਰਵਾਲੀ ਨੂੰ ਪੱਠਿਆਂ ਦਾ ਕਹਿ ਕੇ ਸੋਚੀਂ ਪਿਆ ਉਹ ਖੇਤਾਂ ਵੱਲ ਨੂੰ ਹੋ ਤੁਰਿਆ। ਨਸੀਬ ਸਿਉ ਕੋਲ ਕੁੱਲ ਚਾਰ ਕੁ ਏਕੜ ਜ਼ਮੀਂਨ ਸੀ । ਘਰ ਵਾਲੀ ਦਿ ਬਿਮਾਰੀ, ਬੱਚਿਆਂ ਦੇ ਖਰਚ ਅਤੇ ਥੋੜ੍ਹੀ ਜ਼ਮੀਨ ਹੋਣ ਕਰਕੇ ਉਸਦਾ ਲੱਕ ਟੁੱਟਿਆ ਪਿਆ ਸੀ।
ਦੋ ਸਾਲ ਪਹਿਲਾਂ ਲਏ ਕਰਜ਼ੇ ਦਾ ਤਾਂ ਵਿਆਜ਼ ਵੀ ਨਹੀਂ ਸੀ ਮੁੜ ਰਿਹਾ । ਉਪਰੋਂ ਵੱਡੀ ਕੁੜੀ ਦੇ ਵਿਆਹ 'ਚ ਕੁਝ ਹੀ ਦਿਨ ਰਹਿਣ ਕਰਕੇ ਉਹ ਹੁਣ ਆੜਤੀਏ ਤੋਂ ਵਿਆਜੂ ਪੈਸੇ ਲੈਣ ਲਈ ਮਜ਼ਬੂਰ ਹੋ ਗਿਆ ਸੀ। ਪੈਸੇ ਦਾ ਇੰਤਜ਼ਾਮ ਕਰਕੇ ਉਸ ਨੇ ਕੁੜੀ ਦੇ ਹੱਥ ਪੀਲੇ ਕਰ ਦਿੱਤੇ। ਨਸੀਬ ਸਿਉ ਨੂੰ ਕਰਜ਼ੇ ਦਾ ਫਿਕਰ ਲਗਾਤਾਰ ਖਾਈ ਜਾ ਰਿਹਾ ਸੀ। ਪਰ ਪੱਕ ਰਹੀ ਫਸਲ ਨੇ ਆਸ ਨੂੰ ਜਗਾਈ ਰੱਖਿਆ ਸੀ।
"ਬਾਪੂ ! ਮੰਜੇ ਅੰਦਰ ਕਰੀਏ ਮੀਂਹ ਆ ਗਿਐ।" ਨਿੰਕੂ ਨੇ ਰਾਤ ਨੂੰ ਵਿਹੜੇ 'ਚ ਸੁੱਤੇ ਬਾਪੂ ਨੂੰ ਹਲੂਣਿਆ, ਕੁਝ ਚਿਰਾਂ ਪਿਛੋਂ ਝੱਖੜ ਹਨੇਰੀ ਨਾਲ ਗੜ੍ਹੇ ਪੈ ਰਹੇ ਸਨ। ਨਸੀਬ ਸਿਉਂ ਦਾ ਦਿਲ ਧੜਕ ਰਿਹਾ ਸੀ।
ਸਵੇਰੇ ਖੇਤਾਂ'ਚ ਜਾ ਕੇ ਦੇਖਿਆ ਤਾਂ ਸਾਰੀ ਫਸਲ ਤਬਾਹ ਹੋ ਗਈ ਸੀ। ਉਹ ਚੁੱਪਚਾਪ ਵਾਪਸ ਆ ਕੇ ਕਮਰੇ ਚ ਲੇਟ ਗਿਆ।
ਅਚਾਨਕ ਉਠ ਕੇ ਸਿਰ ਦਾ ਪਰਨਾ ਲਾਹ ਕੇ ਨਸੀਬ ਸਿਉਂ ਨੇ ਆਪਣੇ ਗਲ'ਚ ਬੰਨ੍ਹ ਲਿਆ।
"ਬਾਪੂ !ਬਾਪੂ ! ਸਰਕਾਰ ਨੇ ਆਪਣਾ ਕਰਜ਼ਾ ਮੁਆਫ਼ ਕਰ ਦਿੱਤੇ। ਹੁਣੇ ਟੀ. ਵੀ. 'ਚ ਖਬਰ ਆਈ ਏ। ਭੱਜੇ ਆਉਂਦੇ ਨਿੰਕੂ ਨੇ ਕਮਰੇ ਦਾ ਦਰਵਾਜ਼ਾ ਖੋਲਿ੍ਆ। ਨਸੀਬ ਸਿਊਂ ਦੀ ਲਾਸ਼ ਪੱਖੇ ਨਾਲ ਲਟਕ ਰਹੀ ਸੀ।"
ਕਰਜ਼ਾ ਮੁਕਤੀ ਦੀ ਖਬਰ ਆਉਣ ਤੋਂ ਕੁਝ ਚਿਰ ਪਹਿਲਾਂ ਹੀ ਉਹ ਕਰਜ਼ੇ ਤੋਂ ਮੁਕਤ ਹੋ ਚੁੱਕਿਆ ਸੀ।
|
|
16 Sep 2010
|
|
|
|
|
niceee sharing veer !! keep it up
|
|
16 Sep 2010
|
|
|
|
|
Bhhut Dardnak te sachai bhari kahani
|
|
16 Sep 2010
|
|
|
|
re |
Right veer eh ta punjab de har pind de har Farmer d story a J ese thara chalda rehea ta ke banu ???????????
|
|
24 Sep 2010
|
|
|
|
|
|
|
|
|
|
|
|
|
|
|
|
|
Copyright © 2009 - punjabizm.com & kosey chanan sathh
|