ਚਲੋ ਜੀ ਭੁਲੋ ਹੁਣ ਝਗੜੇ ਸਾਰੇ
ਹੋ ਜਾਣੇ ਆਪਣੇ ਹੁਣ ਵਾਰੇ ਨਿਆਰੇ
ਸਰਕਾਰ ਨੂ ਆ ਗਈ ਅਕਲ ਮਿਤਰਾ
ਭਰਤੀ ਦੀ ਤੋਰ ਲਈ ਲੜੀ ਮਿਤਰਾ
ਪਹਲਾਂ ਕੰਪਿਊਟਰ ਵਾਲਿਆਂ ਦੀ ਵਾਰੀ ਸੀ
ਹੁਣ ਐਮ ਬੀ ਬੀ ਐਸ ਦੀ ਤਿਆਰੀ ਏ
ਐਮ ਬੀ ਬੀ ਐਸ ਹੁਣ ਟੀਕਾ ਲਾਉਣਗੇ
ਨਾਲ ਹੀ ਮਰੀਜ ਨੂ ਫਰਮਾਉਣਗੇ
ਸਜਣੋ ਠੇਕੇ ਤੇ ਇਲਾਜ ਕਰ ਲਓ ਜੀ
ਪੈਸੇ ਚਾਰ ਸਰਕਾਰ ਵਾਂਗ ਬਚਾ ਲਓ ਜੀ
ਤੂ ਵੀ ਰਖ ਜਿਗਰਾ ਮਿਤਰਾ
ਨੰਬਰ ਲਗਣਾ ਆਪਣਾ ਵੀ ਛੇਤੀ ਮਿਤਰਾ
ਓਹ ਦਿਨ ਹੁਣ ਦੂਰ ਨਹੀ
ਜਦ ਭਾਸ਼ਾ ਟੀਚਰਾਂ ਦੀਆਂ ਸਧਰਾਂ ਨੂ ਪੈਣਾ ਬੂਰ ਬਈ
ਆਪਾਂ ਭੰਗੜਾ ਪਾਉਣਾ ਏ
ਕਮਲਿਆ ਪੱਕੇ ਟੀਚਰ ਕਹਾਉਣਾ ਏ
ਜਵਾਕਾਂ ਨੂ ਕਹਾਂਗੇ
"ਬੰਦੇ ਬਣ ਕੇ ਪੜ ਲਓ
ਨਹੀਂ ਤਾਂ ਬੰਦੇ ਤੁਹਾਨੂ ਬਣਾਵਾਂਗੇ
ਠੇਕੇ ਨਾਲ ਪੜਨੇ ਤੁਹਾਨੂ ਪਾਵਾਂਗੇ"
ਬੱਚੇ ਵੀ ਕਾਮ੍ਲਾਉਣਗੇ
ਠੇਕੇ ਦਾ ਨਾਂ ਲੈ ਬਾਪੂ ਨੂ ਪਰਚਾਉਣਗੇ
ਬਾਪੂ ਹੋ ਜਾਣਾ ਖੁਸ਼ ਮਿਤਰਾ
ਕੀ ਇਹ ਕਿੱਸਾ ਤੁਹਾਡਾ ਜੀ ਭਰਮਾਉਦਾ ਏ ?
ਦਿਲ ਨੂ ਸੱਟ ਲਾਉਂਦਾ ਏ ?
ਪਰ ਜਰਾ ਸੋਚ ਮਿਤਰਾ
ਜੇ ਇੰਝ ਹੀ ਭਰਤੀ ਜਾਰੀ ਰਹੀ
ਨੌਕਰੀ ਹੁੰਦੀ ਗੈਰ ਸਰਕਾਰੀ ਗਈ
ਓਹ ਦਿਨ ਜਲਦੀ ਆਵੇਗਾ
companies ਬਾਹਰੋ ਆਓੰਨਗੀਆਂ
ਪੈਸਾ ਵਾਧੂ ਲੈਕੇ ਆਓੰਨਗੀਆਂ
ਮੁੜ ਬਦੇਸ਼ੀ ਰਾਜ ਹੋ ਜਾਵੇਗਾ
ਹਰ ਜੀ ਗੁਲਾਮ ਕਹਾਵੇਗਾ
ਪਰ
ਆਸ ਨਾ ਰਖਣਾ
ਮੁੜ ਕੋਈ ਸ.ਭਗਤ ਸਿੰਘ ਉਠੇਗਾ
ਮੁੜ ਕੋਈਸ.ਊਧਮ ਸਿੰਘ ਲਲਕਾਰੇਗਾ
ਅੱਜ ਹਰ ਕੋਈ ਏ ਜਾਣਦਾ
ਕੀ ਮੁੱਲ ਹੈ ਸ਼ਹੀਦਾਂ ਦੇ ਨਾਮ ਦਾ
ਹੁਣ ਸੋਚਣ ਦੀ ਲੋੜ ਏ
ਕਿਥੇ ਸਰਕਾਰ ਚ ਥੋੜ ਏ
ਚਲੋ ਕੋਹੜ ਸਮਾਜ ਦਾ ਕਢੀਏ
ਰਾਜਨੀਤੀ ਚੋ ਬੁਢੀ ਸੋਚ ਅਤੇ ਸੱਤਾ ਦਾ ਲਾਲਚ ਕਢੀਏ
ਹੋਰ ਨਹੀਂ ਤਾਂ ਪਾਰਟੀ ਬਾਜ਼ੀ ਤਾਂ ਛਡੀਏ
ਆਜੋ ਹੁਣ ਆਪਾਂ ਨੂ ਹੀ ਉਠਣਾ ਪੈਣਾ ਏ
ਇਹ ਤਾਂ ਮਿਲ ਕੇ ਹੀ ਬੋਝ ਲੈਣਾ ਏ
ਨਹੀਂ ਤਾਂ ਆਪਣੇ ਬੱਚੇ ਕੀ ਕਹਣਗੇ
ਲਖ ਲਾਹਨਤ ਤੁਹਾਨੂ ਮਾਪੇ ਕਹਣਦੇ
ਆਜੋ ਅੱਜ ਗੈਰਤ ਉਠੀ ਏ
ਖੇਡ ਹੋਣੀ ਪੁਠੀ ਏ
ਹੁਣ ਤਾਂ ਸੂਰਜ ਨੂ ਜੱਫੇ ਪਾਉਣੇ ਆ
ਹੁਣ ਤਾਂ ਸੂਰਜ ਨੂ ਜੱਫੇ ਪਾਉਣੇ ਆ
ਜਾਂ ਮਰ ਗਏ ਜਾਂ ਬਚ ਗਏ
ਕੰਮ ਦੋ ਹੀ ਮਿਤਰਾ ਹੋਣੇ ਆ
ਕੰਮ ਦੋ ਹੀ ਮਿਤਰਾ ਹੋਣੇ ਆ