ਕੁਝ ਉਨ੍ਹਾਂ ਲਈ ਵੀ ਸੋਚ ਜ਼ਰਾ 

 

ਖੁਦਗਰਜ਼ ਮਨਾਂ ਕਰ ਹੋਸ਼ ਜ਼ਰਾ,

ਕੁਝ ਉਨ੍ਹਾਂ ਲਈ ਵੀ ਸੋਚ ਜ਼ਰਾ |

ਜੋ ਹਰ ਬਸ਼ਰ ਦੀ ਜਾਨ ਲਈ,

ਭਾਰਤ ਮਾਤਾ ਦੀ ਆਨ ਲਈ,

ਮਾਵਾਂ ਦੇ ਪੁੱਤਰ ਨਿਡਰ ਬੜੇ,

ਧਰ ਸੀਸ ਤਲੀ, ਗੰਨ ਮੋਢੇ ਤੇ,

ਦਿਨ ਰਾਤੀ ਪਹਿਰਾ ਦੇਣ ਖੜ੍ਹੇ,

ਉਹ ਸੱਜਣ, ਮਿੱਤਰ ਨਜ਼ਰਾਂ ਦੇ,

ਮੈਲੀ ਅੱਖ ਕਢ, ਹੱਥ ਦੇਣ ਫੜਾ |

 

ਖੁਦਗਰਜ਼ ਮਨਾਂ ਕਰ ਹੋਸ਼ ਜ਼ਰਾ,

ਕੁਝ ਉਨ੍ਹਾਂ ਲਈ ਵੀ ਸੋਚ ਜ਼ਰਾ |

ਉੱਥੇ ਘਰ ਦਾ ਨਿੱਘ, ਮਾਹੌਲ ਨਹੀਂ,

ਕੋਈ ਵਿਉਂਤ ਗ੍ਰਿਹਸਤੀ ਬੁਣਨ ਲਈ,

ਕਿਲਕਾਰੀ ਨਹੀਂ ਕੋਈ ਬੱਚਿਆਂ ਦੀ,

ਤੋਪਾਂ ਦੀ ਗੂੰਜ ਹੈ ਸੁਣਨ ਲਈ,

ਲਹੂ ਜੰਮਵੀਂ ਠੰਢ ਸਿਆਚਿਨ ਦੀ,

ਨਾ ਠੰਢਾ ਫਿਰ ਵੀ ਜੋਸ਼ ਜ਼ਰਾ |

 

ਖੁਦਗਰਜ਼ ਮਨਾਂ ਕਰ ਹੋਸ਼ ਜ਼ਰਾ,

ਕੁਝ ਉਨ੍ਹਾਂ ਲਈ ਵੀ ਸੋਚ ਜ਼ਰਾ |

ਤੂੰ ਤਾਣ ਬੇਫ਼ਿਕਰੀ ਸੌਨਾ ਏਂ,

ਉਹਨੂੰ ਅੱਖ ਫਰਕਣ ਦਾ ਟਾਈਮ ਨਹੀਂ,

ਸਿਰ ਦੇ ਕੇ ਸਰਹੱਦ ਰੱਖੇ ਉਹ,

ਪਰ ਤੂੰ ਅਸੂਲ ਤੇ ਕਾਇਮ ਨਹੀਂ |

ਤੇਰੇ ਕਾਰੇ ਪੋਲਾ ਦੇਸ਼ ਕਰਨ,

ਕਦ ਭਰਨਾ ਤੇਰਾ ਪਾਪ ਘੜਾ |

 

ਖੁਦਗਰਜ਼ ਮਨਾਂ ਕਰ ਹੋਸ਼ ਜ਼ਰਾ,

ਕੁਝ ਉਨ੍ਹਾਂ ਲਈ ਵੀ ਸੋਚ ਜ਼ਰਾ |

ਕੁਰਸੀ ਲਈ ਲੜ ਲੜ ਮਰਨ ਪਏ,

ਸਭ ਆਪਣੀਆਂ ਜੇਬਾਂ ਭਰਨ ਪਏ,

ਗੰਨ, ਕਫ਼ਨ ਤੋਂ ਲੈ ਜਹਾਜਾਂ ਤੱਕ,

ਨਿੱਤ ਬਣਦੇ ਟੁੱਟਦੇ ਰਾਜਾਂ ਤੱਕ,

ਇਹ ਹਵਸ ਬੇਸ਼ਰਮੀ ਦਾ ਰੌਲਾ,

ਕੋਈ, ਕਾਸ਼, ਦਏ ਖਾਮੋਸ਼ ਕਰਾ |

 

ਖੁਦਗਰਜ਼ ਮਨਾਂ ਕਰ ਹੋਸ਼ ਜ਼ਰਾ,

ਕੁਝ ਉਨ੍ਹਾਂ ਲਈ ਵੀ ਸੋਚ ਜ਼ਰਾ |

ਜਗਜੀਤ ਸਿੰਘ ਜੱਗੀ

26 ਜਨਵਰੀ ਇਕ ਵਾਰ ਫਿਰ ਆ ਗਈ ਹੈ | ਗਣਤੰਤਰ ਦਿਵਸ ਦੇ ਮੌਕੇ ਤੇ ਇਹ

ਕਵਿਤਾ ਸਮਰਪਿਤ ਹੈ ਉਨ੍ਹਾਂ ਜਵਾਨਾਂ ਨੂੰ ਜੋ ਸਾਡੀ ਅਤੇ ਦੇਸ਼ ਦੀ ਸੁਰੱਖਿਆ ਲਈ

ਸੀਮਾ ਤੇ ਮੌਸਮ ਦੀਆਂ ਸਖਤੀਆਂ ਝਲਦੇ ਤੈਨਾਤ ਹਨ, ਅਤੇ ਅਸੀ ਦੇਸ਼ ਦੇ ਅੰਦਰ ਕੁਝ ਹੋਰ ਈ ਕਰਨ ਵਿਚ ਰੁੱਝੇ ਹਾਂ |

 

         HAPPY REPUBLIC DAY TO ONE AND ALL

                                JAI HIND

Thank you my compatriots !

Quite a few reviews, but not a single comment ! Is it fair ?

Friends, I still feel, our Soldiers deserve a Respectful Salute from us all Civilians...

 

Please express your solidarity with your comment......

                            Happy Republic Day

jaggi sir ji salaam eh tuhadi kalam nu

 

love u

ਗੁਰਪ੍ਰੀਤ ਭਾਅ ਜੀ, ਆਪਦੇ ਕਮੇਂਟ੍ਸ ਅਤੇ ਢੇਰ ਸਾਰੇ ਪਿਆਰ ਲਈ ਬਹੁਤ ਬਹੁਤ ਧੰਨਵਾਦ  ਜੀ |

ਅਫਸੋਸ ਇਹ ਰਚਨਾ ਮਿਸ ਹੋ ਗਈ ਸਰ ਜੀ | ਬਹੁਤ ਈ ਵਧੀਆ ਅੰਦਾਜ਼ ਵਿਚ ਬਿਆਨ ਕੀਤਾ ਏ ਕਿ ਫੌਜੀ ਜਵਾਨ ਕੀਹ ਕਰ ਰਹੇ ਹਨ ਤੇ ਦੇਸ ਦੇ ਅੰਦਰ ਖਾਸ ਕਰ ਵੱਡੇ ਲੋਕ ਕੀਹ ਕਰ ਰਹੇ ਹਨ | ਦੇਸ ਦੀ ਦੁਰਦਸ਼ਾ ਵੀ ਇਹੋ ਜਿਹੇ ਲੋਕਾਂ ਕਰਕੇ ਹੋਈ ਏ |

Salute from my side,.............to all the soldiers,.......who work hard honestly for their civilians..........

Thnx for taking time off for visiting and saluting the Sentinels of Mother India ! GodBless !

ਸ਼ੁਕਰੀਆ ਸੁਖਵਿੰਦਰ ਜੀ ਆਪਨੇ ਹਾਲਾਤ ਨੂੰ ਸਹੀ ਸਮਝਿਆ |

ਬਿਅਾਨ ਕਰਨ ਲਈ ਲਫਜ ਨੀ ਲੱਭ ਰਹੇ....Touching, Precise and a wake up call to all....Thanks for sharing

ਸੰਦੀਪ ਜੀ, ਬਹੁਤ ਧੰਨਵਾਦ ਆਪਨੇ ਕਿਰਤ ਤੇ ਨਜ਼ਰਸਾਨੀ ਕੀਤੀ ਅਤੇ ਪਿਆਰ ਦਿੱਤਾ !