ਕੁੜੀ ਦਾ ਅਸਲੀ ਘਰ ਕਿਹੜਾ (ਇੱਕ ਕਹਾਣੀ)
ਸਤਵਿੰਦਰ ਆਪਣੀਆ ਤਿੰਨ ਭੈਣਾ ਤੇ ਇਕ ਭਰਾ ਚੋ ਸਬ ਤੋ ਵੱਡੀ ਸੀ, ਕਬੀਲਦਾਰੀ ਬਾਪ ਦੇ ਸਿਰ ਵੱਡੀ ਸੀ , ਜਿਸ ਕਾਰਨ ਸਤਵਿੰਦਰ ਦੀਆ ਕਈ ਰੀਝਾ ਤੇ ਚਾਹ ਅਧੂਰੇ ਸਨ ,
ਮਾਂ ਬਾਪ ਤੇ ਰਿਸ਼ਤੇਦਾਰਾ ਦਾ ਕਹਿਣਾ ਕੀ ਧੀਆ ਤਾਂ ਬੇਗਾਨਾ ਧੰਨ ਨੇ, ਵਰਗੀਆ ਗੱਲਾ ਸਤਵਿੰਦਰ ਨੂੰ ਆਪਣੇ ਹੀ ਘਰ ਵਿੱਚ ਬੇਗਾਨਾ ਸਮਝਣ ਲਈ ਮਜਬੂਰ ਕਰਦੀਆ ਸਨ
ਸਤਵਿੰਦਰ ਜੋ ਮੇਹਨਤੀ ਕੁੜੀ ਸੀ ਤੇ ਲੜਕਿਆ ਵਾਂਗ ਮਾਂ ਬਾਪ ਦਾ ਸਾਥ ਦਿੰਦੀ ਸੀ , ਪਰ ਓਸਨੂੰ ਓਹ ਪਿਆਰ ਨਹੀ ਮਿਲਦਾ ਸੀ ਜੋ ਓਸਦੇ ਛੋਟੇ ਭਰਾ ਨੂੰ ਮਿਲਦਾ ਸੀ ,
ਓਹ ਆਪਣੇ ਆਪ ਬੇਗਾਨਾ ਹੋਣ ਬਾਰੇ ਸੋਚਦੀ ਤੇ ਕਹਿੰਦੀ " ਚਲੋ ਏਸ ਘਰ ਨਹੀ ਤਾਂ ਆਪਣੇ ਮਾਹੀਏ ਦੇ ਘਰ ਆਪਣੀਆ ਰੀਝਾਂ ਤੇ ਚਾਅ ਪੂਰੇ ਕਰਾਂਗੀ , ਮਤਲਬ ਕੀ ਆਪਣੇ ਸਹੁਰੇ ਘਰ
ਸਹੁਰੇ ਘਰ ਆਈ ਤਾਂ ਪਹਿਲਾ ਪਹਿਰ ਜਿੰਦਗੀ ਦਾ ਏਨਾ ਚੰਗਾ ਲੰਘਿਆ ਕਿ ਸਾਰੀ ਉਮਰ ਹੁਣ ਤਕ ਜਿਨੀ ਬੀਤੀ ਸੀ ਵਿਚ ਓਸਨੇ ਨਹੀ ਲੰਘਾਿੲਆ ਹੋਣਾ
ਪਰ ਹੋਲੀ ਹੋਲੀ ਸਸ ਤੇ ਨਨਾਂਣ ਦਾ ਪਿਆਰ ਵੀ ਕੁੜੱਤਣ ਵਿੱਚ ਤਬਦੀਲ ਹੋ ਗਿਆ
ਸਤਵਿੰਦਰ ਏਸ ਘਰ ਤਾਹਨੇ ਤੇ ਮੇਹਣੇ ਸੁਣਨ ਲਈ ਮਜਬੂਰ ਹੋ ਗਈ
ਜੇ ਸਤਵਿੰਦਰ ਆਪਣੇ ਪੇਕੇ ਘਰ ਦੱਸੇ ਤਾਂ , ਓਥੇ ਤਾਂ ਪਰੇਸ਼ਾਨੀ ਖੜੀ ਹੋ ਜਾਵੇਗੀ , ਜਿਥੇ ਓਸ ਦੀਆ ਦੋ ਭੈਣਾ ਤੇ ਇਕ ਭਰਾ ਹੱਲੇ ਕੁੰਵਾਰੇ ਬੇਠੇ ਸਨ
ਓਹ ਹੁਣ ਦਿਨੋ ਦਿਨ ਆਪਣੇ ਚੇਹਰੇ ਦੀ ਉਦਾਸੀ ਛੁਪਾ ਨਹੀ ਸਕਦੀ ਸੀ ਤੇ ਅੱਜ ਓਹ ਰੋਜ ਵਾਂਗ ਸ਼ਿੰਗਾਰ ਕਰਨ ਲੱਗੀ ਤਾਂ ਸੀਸ਼ੇ ਮੂਹਰੇ ਬੈਠੀ ਸੋਚਣ ਲੱਗੀ ਕੀ " ਮੇਰਾ ਇਹ ਰੂਪ ਰੰਗ ਅਸਲੀ ਹੈ ਜਾਨ ਨਕਲੀ , ਮੇਰਾ ਅਸਲੀ ਘਰ ਕਿਥੇ ਹੈ? , ਜਿਥੇ ਮੈਂ ਸਾਰੀ ਉਮਰ ਆਪਣਾ ਦੁਖ ਨਾ ਦੱਸ ਸਕੀ ਓਹ , ਜਾ ਫਿਰ ਓਹ ਜਿਥੇ ਮੇਰਾ ਦੁਖ ਦਰਦ ਸੁਣਨ ਲਈ ਕਿਸੇ ਕੋਲ ਵੇਹਲ ਹੀ ਨਹੀ ਹੈ "
ਹੰਝੂ ਪੂੰਝਦੀ ਸਤਵਿੰਦਰ ਫਿਰ ਹੋਂਸਲਾ ਕਰ ਰਸੋਈ ਵਲ ਚਲੀ ਗਈ
