ਦੋਸਤੋ ਅੱਜ ਫੇਰ ਕੁਝ ਨਵਾਂ ਲਿਖਣ ਦੀ ਕੋਸ਼ਿਸ਼ ਕੀਤੀ ਹੈ | ਇਸ ਵਾਰ ਮੈ ਆਪਣੀ ਨਵੀਂ ਗ਼ਜ਼ਲ (ਲਾਜ਼ਮੀ ਨਹੀਂ ਹੁੰਦਾ ਕਿ ਜ਼ਿੰਦਗੀ ਹਮੇਸ਼ਾ ਇੱਕ ਸਾਰ ਚੱਲੇ  ) ਲੈ ਕੇ ਹਾਜ਼ਿਰ ਹੋਇਆ ਹਾਂ, ਉਮੀਦ ਹੈ ਕਿ ਆਪ ਸਭ ਨੂੰ  ਮੇਰੀ ਇਹ ਗ਼ਜ਼ਲ ਪਸੰਦ ਆਵੇਗੀ | ਮੈਨੂੰ  ਤੁਹਾਡੇ ਕੀਮਤੀ ਸੁਝਾਵਾਂ ਦਾ ਇੰਤਜਾਰ ਰਹੇਗਾ |
                 
                   ਗ਼ਜ਼ਲ
 
 ਲਾਜ਼ਮੀ ਨਹੀਂ ਹੁੰਦਾ ਕਿ ਜ਼ਿੰਦਗੀ  ਹਮੇਸ਼ਾ ਇੱਕ ਸਾਰ ਚੱਲੇ
ਕਦੇ ਸੁੱਖ ਸੀਨੇ ਨੂੰ ਠਾਰ ਚੱਲੇ, ਕਦੇ ਦੁੱਖ ਬੰਦੇ ਨੂੰ ਮਾਰ ਚੱਲੇ
 
ਐਸੇ ਪੱਤਝੜ ਦੇ ਦਿਨ ਦਿਖਾਏ ਨੇ, ਜ਼ਿੰਦਗੀ ਨੇ, ਕੀ ਦਸੀਏ ?
ਰੜ੍ਹਕ ਨਾਂ ਜਾਂਦੀ ਓਹਨਾ ਦੀ, ਅੱਜਕਲ ਭਾਵੇਂ ਬਾਹਰ ਚੱਲੇ
 
ਕਦ ਰੁੱਖ ਬਣਦੇ ਬੂਟੇ ਜਿਹੜੇ ਗਮਲਿਆਂ ਵਿੱਚ ਉਗਾਏ ਨੇ
ਜਾਂ ਬੂਟਾ ਜਾਂ ਮਾਲੀ ਜਾਣੇ ਅੱਜਕਲ ਜਿਹੜੀ ਨੁਹਾਰ ਚੱਲੇ
 
ਬੜਾ ਫ਼ਰਕ ਹੈ ਇਨਸਾਨਾਂ ਤੇ ਪੰਛੀਆਂ ਦੀ ਫਿਤਰਤ ਵਿੱਚ
ਬੰਦਾ ਰਹਿਣਾ 'ਕੱਲਾ ਚਾਹੁੰਦਾ, ਪੰਛੀ ਬਣ ਹਮੇਸ਼ਾ ਡਾਰ ਚੱਲੇ
 
ਕਿਸਮਤ ਤੋਂ ਜਿਆਦਾ , ਸਮੇਂ ਤੋਂ ਪਹਿਲਾਂ, ਕੁੱਝ ਨਹੀ ਮਿਲਦਾ
ਜਿੰਨਾ ਮਰਜੀ ਜੋਰ ਲਗਾ ਲਏ ਬੰਦਾ, ਭਾਵੇਂ ਹੋ ਕੇ ਪੱਬਾਂ ਭਾਰ ਚੱਲੇ
 
ਕਹਿੰਦਾ ਜਿਹੜਾ ਅੱਜ ਤੱਕ  ਦੇਖਿਆ ਮੈਂ ਸਵਰਗ ਨਹੀਂ 
ਨਾਲ ਮੇਰੇ ਓਹ ਪਿੰਡ 'ਫੱਲੜ' ਨੂੰ ਯਾਰੋ ਇੱਕ ਵਾਰ ਚੱਲੇ
 
ਗੱਲਾਂ ਬਹੁਤ ਸੁਖੱਲੀਆਂ, ਔਖੇ ਬੜੇ ਉਤਾਰਨੇ ਕਰਜ਼ੇ ਮਾਵਾਂ ਦੇ
ਅੱਜ ਹੋ ਕੇ 'ਅਮਨ' ਅਸੀਂ ਵੀ , ਮਾਪਿਆਂ ਦੇ ਕਰਜਦਾਰ ਚੱਲੇ

--------------- ਅਮਨ ਫੱਲੜ ---------------

ਵਾਹ ਜੀ ਵਾਹ .....ਅਮਨ ਸਾਹਿਬ ........ਬਹੁਤ ਖੂਬ ਬਾਈ ਜੀ ........

ਬਹੁਤ ਹੀ ਵਧੀਆ ਰਚਨਾ ਤੇ ਬਹੁਤ ਹੀ ਸੋਹਣੇ ਜਜਬਾਤ ਲਿਖੇ ਨੇ ਤੁਸੀਂ ....ਸਾਡੇ ਨਾਲ ਸਾਂਝਿਆ ਕਰਨ ਲਈ ਬਹੁਤ ਸ਼ੁਕਰੀਆ 

Too good...

bahut he sohni rachna.... bahut sohna flow and words.... hats off !!!

ਖੂਬ ਜੀ.....