ਲਿੱਖਾਂ ਪਰੇਮ ਕਹਾਣੀ,ਕਵਿਤਾ
ਯਾ ਕੋਈ ਗ਼ਜ਼ਲ ਸੁਣਾਂਵਾਂ ਜੀ?
ਤੂੰ ਹੀ ਦੱਸ ਹਬੀਬਾ ਤੈਨੂੰ ਕਿਦਾਂ ਹਾਲ ਸੁਣਾਵਾਂ ਜੀ?
ਮੈ ਕਿਹਾ ਓਹਨੂੰ ਮੇਰਾ ਅੱਜ ਤੋੜ ਦੇ ਰੋਜਾ
ਓਹ ਕਹੇ ਨਾ ਮੁਖ ਦਿਖ਼ਾਂਵਾਂ ਜੀ
ਮੈ ਕਿਹਾ ਮੇਰੀ ਅੱਜ ਈਦ ਬਣਾ ਦੇ।
ਓਹ ਕਹਿੰਦੀ ਮੈ ਸ਼ਰਮਾਂਵਾਂ ਜੀ
ਅਦਬ ਹਯਾ ਤੇ ਹੁਸਨ ਨਜ਼ਾਕਤ
ਉਸ ਇੱਕ ਵਿੱਚ ਸਭੇ ਅਦਾਵਾਂ ਜੀ
ਸੀਰਤ ਸੂਰਤ ਤੋਂ ਵੱਧ ਸੋਹਣੀ
ਓਹਨੂੰ ਮੰਗਾਂ ਵਿੱਚ ਦੁਆਂਵਾਂ ਜੀ
ਮੈ ਕਿਹਾ ਮੈ ਤੇਰੇ ਕਾਬਿਲ ਨਈ
ਕਿਵੇ ਤੈਂ ਤੇ ਹੱਕ ਜਤਾਂਵਾ ਜੀ?
ਓਹ ਕਹੇ ਕਿ ਇਹ ਸਭ ਹੁਸਨ ਅਦਾ
ਇਹ ਸਭ ਬੱਦਲ਼ਾਂ ਦੀਆਂ ਛਾਂਵਾਂ ਜੀ
ਵਿੱਚ ਦਿਲਾਂ ਦੇ ਰੱਬ ਵਸੇਂਦਾ
ਤੇ ਮੈ ਤੈਂ ਵਿੱਚ ਉਸਨੁੰ ਪਾਵਾ ਜੀ
ਇਸ ਜੱਗ ਉਸ ਰੱਬ ਤੋਂ ਵੱਧ
ਮੈ ਕਿਸੇ ਨਾ ਕਾਬਿਲ ਪਾਂਵਾਂ ਜੀ
ਬਹਾਦਰ ਤੂੰ ਰੱਬ ਯਾਰ ਮੇਰਾ ਤੇਰੇ
ਮਗਰੋਂ ਸਭੇ ਅਦਾਵਾਂ ਜੀ