ਸੁੰਦਰ ਮੁੰਦਰੀਏ ........ ਹੋਏ
ਤੇਰਾ ਕੌਣ ਵਿਚਾਰਾ .....ਹੋਏ
ਹਾਕਮ ਡੰਡੇ ਵਾਲਾ .....ਹੋਏ
ਕਰਦਾ ਘਾਲਾ ਮਾਲਾ .....ਹੋਏ
ਹਾਕਮ ਫੇਰੀ ਪਾਈ .....ਹੋਏ
ਪਰਜਾ ਦੇਖਣ ਆਈ .....ਹੋਏ
ਹੱਕ ਲਈ ਬਹੁੜੀ ਪਾਈ .....ਹੋਏ
ਰਾਜੇ ਡਾਂਗ ਵਰ੍ਹਾਈ .....ਹੋਏ
ਕਿਸੇ ਦਾ ਸਾਲੂ ਪਾਟਾ .....ਹੋਏ
ਗਲਾਂ ਕਿਸੇ ਦਾ ਕਾਟਾ .....ਹੋਏ
ਨੰਨ੍ਹੀ ਛਾਂ ਕੁਰਲਾਈ .....ਹੋਏ
ਥੱਪੜ ਮਾਰ ਭਜਾਈ .....ਹੋਏ
ਗਰੀਬ ਨੇ ਧੀ ਵਿਆਹੀ .....ਹੋਏ
ਸੇਰ ਸ਼ੱਕਰ..........ਨਹੀਂ ਨਹੀਂ ਨਹੀਂ ਨਹੀਂ !!!!
ਫਿੱਕੀ ਚਾਹ ਪਿਆਈ .....ਹੋਏ
ਭੋਇਂ ਗਹਿਣੇ ਪਾਈ .....ਹੋਏ
ਧੀ ਲਈ ਕਾਰ ਮੰਗਾਈ .....ਹੋਏ
ਪੰਡ ਕਰਜ਼ ਦੀ ਭਾਰੀ .....ਹੋਏ
ਹੋ ਰਹੀ ਹੱਕਮਾਰੀ .....ਹੋਏ
ਵਹੀ ਤੇ ਗੂਠਾ ਲਾਇਆ .....ਹੋਏ
ਏਥੇ ਹੀ ਧੋਖਾ ਖਾਇਆ .....ਹੋਏ
ਨਿੱਕਲੇ ਪੁੱਤ ਨਿਖੱਟੂ .....ਹੋਏ
ਨਸ਼ੇ ‘ਚ ਰਹਿੰਦੇ ਲੱਟੂ .....ਹੋਏ
ਆੜ੍ਹਤੀ ਵਾਜ ਲਗਾਈ .....ਹੋਏ
‘ਖੂਨੀ ਵਹੀ’ ਦਿਖਾਈ .....ਹੋਏ
ਬਾਪ ਵਿਚਾਰਾ ਡਰ ਗਿਆ ..
ਫਾਹਾ ਲੈ ਕੇ ਮਰ ਗਿਆ
ਜਸਵਿੰਦਰ ਸਿੰਘ