ਲੋਕ ਕੀ ਕਹਿਣਗੇ....???
ਕੁੜੀ ਲੇ ਆਇਆ ਨੀਵੀਂ ਜ਼ਾਤ ਦੀ
ਸਿਰ ਟੋਕਰੀ ਪੈ ਗਈ ਖ਼ਾਕ ਦੀ
ਯਾ ਮੁੰਡਾ ਵੇਹਿਲੜ ਜਾਪਦਾ
ਨੱਕ ਵੱਢ ਕੇ ਛੱਡੂ ਬਾਪ ਦਾ
ਯਾ ਓਹ ਦਾਰੂ ਪੀ ਪੀ ਮਰ ਗਿਆ
ਸਾਰਾ ਘਰ ਖਾਲੀ ਕਰ ਗਿਆ
ਮੈ ਆਪ ਸੋਚ ਕੇ ਡਰ ਗਿਆ
ਕਿ.... ਲੋਕ ਕੀ ਕਹਿਣਗੇ?
ਹਰ ਕੋਈ ਸਿਆਣਾ ਸਲਾਹ ਦਾ
ਪਰ ਹੁੱਕਾ ਖ਼ਾਲੀ ਰਹੇ ਮਲਾਹ ਦਾ
ਕਦੇ ਖ਼ਾਂਦਾ ਫ਼ਿਕਰ ਵਿਆਹ ਦਾ
ਜੇ ਨਾ ਹੋਇਆ
ਤਾਂ.... ਲੋਕ ਕੀ ਕਹਿਣਗੇ????
ਓਹਦੇ ਸਿਰ ਕਰਜ਼ਾ ਚੜ ਗਿਆ
ਓਹਦਾ ਕੌਡੀ ਦੇ ਮੁਲ ਘਰ ਗਿਆ
ਬਸ ਇਸ ਗੱਲ ਲਈ ਓਹ ਮਰ ਗਿਆ
ਕਿ ਲੋਕ ਕੀ ਕਹਿਣਗੇ.....
ਮੁੰਡਾ ਛੁਟੀ ਆਇਆ ਇੰਗਲੈਂਡ ਤੋਂ
ਪਰ ਡਰਦਾ ਏ 7 ਬੈਂਡ(ielts) ਤੋ
ਜੇ ਮੁੜ ਨਾ ਵਾਪਿਸ ਗਿਆ ਮੈ???
ਜੇ ਇੰਡੀਆ ਦੇ ਵਿੱਚ ਰਿਹਾ ਮੈ....
ਤਾਂ ਲੋਕ ਕੀ ਕਹਿਣਗੇ????
ਜੇ ਕੁੜੀ ਕਿਸੇ ਦੀ ਭੱਜ ਗਈ
ਸਾਰੇ ਪਿੰਡ ਘੰਟੀ ਵੱਜ ਗਈ
ਫ਼ਿਰ ਹਰ ਕੋਈ ਇਜ਼ਤਦਾਰ ਹੈ
ਬਸ ਗਲਤ ਓਹ ਬੀਬੀ ਨਾਰ ਹੈ
ਜਿਸ ਨੇ ਸੋਚਿਆ ਈ ਨਈ....
ਕਿ ਲੋਕ ਕੀ ਕਹਿਣਗੇ???
ਮੇਰੀ ਗੱਲ ਤੇ ਚਾਹੇ ਹੱਸ ਲਓ
ਪਰ ਖ਼ੁਦ ਨੂੰ ਇੱਕ ਗੱਲ ਦੱਸ਼ ਲਓ
ਮੰਜੀ ਥੱਲੇ ਸੋਟੀ ਫ਼ੇਰ ਲਓ
ਕਿਸੇ ਹੋਰ ਨੂੰ ਮਾੜਾ ਫੇਰ ਕਹੋ
ਬਹਾਦਰ ਨੂੰ ਬੋਲੀ ਜਾਣ ਦੋ
ਬਸ ਇੱਕ ਗੱਲ ਤੇ ਤੁਸੀ ਧਿਆਨ ਦੋ
ਕਿ ਲੋਕ ਕੀ ਕਹਿਣਗੇ.....????...??