ਹਾਂ ਖ਼ੁਦ ਲਈ ਬੁਝਾਰਤ ਮੇਰੇ ਸੱਜਣਾ, ਨਾ ਸਮਝ ਕਿ ਵਫ਼ਾ ਦਾ ਕੋਈ ਰਾਜ਼ ਹਾਂ।
ਮੈਂ ਤਾਂ ਖ਼ੁਸ਼ੀਆਂ 'ਚੋਂ ਛੇਕੀ ਹੋਈ ਪੀੜ ਹਾਂ, ਮੈਂ ਤਾਂ ਸਾਹ ਲਈ ਵੀ ਹਉਕੇ ਦੀ ਮੁਹਤਾਜ ਹਾਂ।
ਮੇਰੀ ਲੌ ਦੇ ਨਸੀਬਾਂ 'ਚ ਦਹਿਲੀਜ਼ ਨਹੀਂ, ਮੈਂ ਤਾਂ ਕਬਰਾਂ ਚ ਬਲ਼ਦਾ ਹਾਂ ਦੀਵਾ ਕੋਈ,
ਤੇਰੀ ਉਲਫ਼ਤ ਦਾ ਕਿੱਦਾਂ ਹੁੰਗਾਰਾ ਭਰਾਂ, ਮੈਂ ਤਾਂ ਖੰਡਰ 'ਚ ਖਿੰਡੀ ਹੋਈ 'ਵਾਜ਼ ਹਾਂ।
ਮੇਰੇ ਅੰਦਰ ਉਡਾਣਾਂ ਦੀ ਖ਼ਾਹਿਸ਼ ਨਹੀਂ, ਅਪਣੇ ਦਿਲ ਦਾ ਨਾ ਅੰਬਰ ਮੇਰੇ ਨਾਮ ਕਰ,
ਕੋਈ ਲੰਬੀ ਉਡਾਰੀ ਭਰਾਂ ਦੱਸ ਕਿਵੇਂ, ਬਿਖਰੇ ਕਤਰੇ ਪਰਾਂ ਦੀ ਮੈਂ ਪਰਵਾਜ਼ ਹਾਂ।
ਐਵੇਂ ਮੈਨੂੰ ਸਮੇਟਣ ਦੀ ਕੋਸ਼ਿਸ਼ ਨਾ ਕਰ, ਖ਼ੁਦ ਹੀ ਟੁੱਟ ਕੇ ਖ਼ਲਾਅ ਤੱਕ ਬਿਖਰ ਜਾਏਗਾ,
ਮੈਂ ਤਾਂ ਜ਼ਖ਼ਮਾਂ 'ਚੋਂ ਉੱਠਦੀ ਹੋਈ ਚੀਸ ਹਾਂ, ਜ਼ਿੰਦਗੀ ਨਾਲ ਮੁੱਦਤ ਤੋਂ ਨਾਰਾਜ਼ ਹਾਂ.
ਏਥੇ ਜਿਸਮਾਂ ਦੀ ਧੁੱਪ 'ਤੇ ਹੈ ਸਭਦੀ ਨਜ਼ਰ, ਕੌਣ ਰੂਹਾਂ ਦੇ ਥਲ ਦੀ ਤਪਸ਼ ਵੇਖਦੈ?
ਰੂਹ ਦੇ ਦਰਦੀ ਨੂੰ ਲੱਭਦੀ ਫਿਰਾਂ ਦਰ-ਬ-ਦਰ, ਭਟਕਣਾ ਦੇ ਸਫ਼ਰ ਦਾ ਮੈਂ ਆਗ਼ਾਜ਼ ਹਾਂ।


**ਸਿਮਰਨ ਮਾਨ**

RUBY VEER BHUT HI VADIYA

LIKE A FENTASTIC SUFI SONG

22 g very good

GOD bless you

kaimmmm

vadiya 22 g nice share