ਮਾਂ ਜਦੋਂ ਤੇਰੇ ਅੰਦਰ ਮੇਰੀ ਖੁਸ਼ਬੂ ਭਰੀ ਸੀ
ਤਾਂ ਤੂੰ ਸਬ ਤੋਂ ਪਹਿਲਾਂ ਡਰੀ ਸੀ
ਮੈਂ ਸਾਹ ਹੀ ਲੈ ਰਹੀ ਸੀ ਤੇ, ਸਾਹ ਹੀ ਲੈਣਾ ਚਾਹੁੰਦੀ ਸੀ
ਤੇਰੀ ਅੰਦਰਲੀ ਗੁਫਾ ਚ ਬੰਦਗੀ ਤਾਂ ਕਰਨੀ ਸੀ ,
ਹੌਲੀ-ਹੌਲੀ ਸਿਰਜਨਾ ਸੀ ਮੈਂ ਇੱਕ ਨਿੱਕਾ ਜਿਹਾ ਰਿਸ਼ਤਾ
ਸੁਨ ਤਾਂ ਲੈਂਦੀ ਇੱਕ ਵਾਰ ਆਪਣੀ ਧੀ ਦੀ ਆਹਟ
ਭਰ ਤਾਂ ਲੈਂਦੀ ਨਜ਼ਰਾਂ ਚ ਮੇਰੀ ਚਾਹਤ
ਮੈਂ ਤੇਰੀ ਪਿਛਲੇ ਜਨਮਾਂ ਦੀ ਕਮਾਈ ਸਾਂ
ਮੈਂ ਕਈ ਜਨਮਾਂ ਦਾ ਸਫਰ ਤੈਅ ਕਰਕੇ ਤੇਰੇ ਲਈ ਆਈ ਸਾਂ
ਮੈਂ ਸਬ ਨੂੰ ਤੇਰੇ ਹਾਸੇ, ਤੇ ਹੰਜੂਆਂ ਦਾ ਅਰਥ ਸਮਝਾਉਣਾ ਸੀ
ਤੇਰੇ ਜਿੰਦਗੀ ਦਾ ਹਰ ਦੁਖ-ਸੁਖ ਅਪਣਾਉਣਾ ਤੇ ਵਡਾਉਣਾ ਸੀ
ਬਾਬਲ ਦੀ ਪੱਗ ਨੂ ਹੋਰ ਵੀ ਸ੍ਫਾਕ ਬਣਾਉਣਾ ਸੀ
ਦੋ ਗੁੱਡੀਆਂ ਨਾਲ ਖੇਡਦੀ ਰਹਿਣਾ ਸੀ
ਤੇਨੂੰ ਹਰ ਵੇਲੇ ਕੰਮ ਚ ਰੁਝੀ ਹੋਈ ਨੂੰ
ਬਸ ਵੇਖਦੀ ਰਹਨਾ ਸੀ _