ਮਿਲੇ ਦੋ ਡੰਗ ਦੀ ਰੋਟੀ ਜੇ ਭੁੱਖਾ ਢਿੱਡ ਰੱਜਣ ਨੂੰ। 
ਫਿਰ ਕੀਹਦਾ ਦਿਲ ਕਰਦਾ ਏ ਮਾਂ ਭੂਮੀ ਛੱਡਣ ਨੂੰ।
ਸਿਆਸਤ ਹੋਗੀ ਵੈਰੀ ਏ ਮੱਧ ਵਰਗੀ ਲੋਕਾਂ ਦੀ।
ਰੂਹ ਨਹੀਂ ਰੱਜਦੀ ਪੀ ਪੀ ਕੇ ਰੱਤ ਖੂਨੀ ਜੋਕਾਂ ਦੀ।
ਅੰਨ ਦਾਤਾ ਮਜ਼ਬੂਰ ਹੋ ਗਿਆ ਜ਼ਹਿਰਾਂ ਫੱਕਣ ਨੂੰ।
ਫਿਰ ਕੀਹਦਾ-------------

ਕਰਜ਼ਾ ਚੁੱਕ ਚੁੱਕ ਮਾਪਿਆਂ ਧੀਆਂ ਪੁੱਤ ਪੜਾਏ ਸੀ।
ਡਿਗਰੀਆਂ ਕੋਰਸ ਪਰ ਨਾਂ ਕੰਮ ਕਿਸੇ ਵੀ ਆਏ ਸੀ।
ਬਣ ਰੱਦੀ ਦੇ ਕਾਗਜ਼ ਰਹਿਗੇ ਚੁੱਲੇ ਮੱਚਣ ਨੂੰ।
ਫਿਰ ਕੀਹਦਾ----------------

ਕਰੜਾ ਕਰਕੇ ਜੇਰਾ ਛੱਡਕੇ ਭੈਣ ਭਰਵਾਂ ਨੂੰ।
ਪੁੱਤ ਦੇ ਵਿਚ ਵਿਛੋੜੇ ਲੈਂਦੀਆਂ ਹੌਕੇ ਮਾਵਾਂ ਨੂੰ।
ਤੁਰ ਗਏ ਪਾਰ ਸਮੁੰਦਰੋਂ ਰੋਜ਼ੀ ਰੋਟੀ ਲੱਭਣ ਨੂੰ।
ਫਿਰ ਕੀਹਦਾ----------------

ਬੁੱਢਾ ਬਾਪੂ ਪਿੱਛੋਂ ਕਰ ਗਿਆ ‘ਚੌਹਾਨ ’ ਚਲਾਨਾ ਸੀ।
ਆਖਿਰ ਵੇਲੇ ਅਰਥੀ ਨੂੰ ਜਦ ਮੋਢਾ ਲਾਨਾ ਸੀ।
ਮੌਕਾ ਮਿਲਿਆ ਜਾਂਦੀ ਵਾਰ ਨਾਂ ਮੂੰਹ ਵੀ ਤੱਕਣ ਨੂੰ। 
ਫਿਰ ਕੀਹਦਾ------------------ ਗੁਰਭੇਜ ਸਿੰਘ

ਸੱਚੀ ਗੱਲ ਹੈ......tfs......

Nice one jee...tfs