ਪਿੰਡ ਮਧੋਟ ਦੇ ਪਰਲੇ ਪਾਸੇ
ਪੰਜਕਾਂ ਦਾ ਜਦ ਮੇਲਾ ਲਗਦਾ
ਚਿਟੀਆਂ ਦੁਧ ਦੁਪੇਹਰਾਂ ਦੇ
ਕਲਾ ਸੂਰਜ ਕੋਠੇ ਟਪਦਾ
ਮੜੀਆਂ ਦੇ ਵਿਚ ਅਧੀ ਰਾਤੀਂ
ਪੈਣ ਬੋਲੀਆਂ ਗਿਧਾ ਮਚਦਾ
ਜਿਓਂ ਜਿਓਂ ਗਿਧਾ ਤਿਖਾ ਹੁੰਦਾ
ਕਾਲਾ ਸੂਰਜ ਉਚਾ ਉਠਦਾ
ਨਚਦੇ ਨਚਦੇ ਭੋਇੰ ਦੇ ਉਤੇ
ਧੁਪਾਂ ਦਾ ਜਦ ਪੈਰ ਨਾ ਲਗਦਾ
ਚਿਟੀਆਂ ਦੁਧ ਦੁਪੇਹਰਾਂ ਨੂੰ
ਅੱਗ ਦਾ ਬਿਸੀਅਰ ਅੰਗੀਂ ਲੜਦਾ
ਸੰਗ ਸ਼ਰਮ ਦੇ ਕੋਰੇ ਕਫਨੀਂ
ਧੁਪਾਂ ਦਾ ਤਦ ਬਾਬਲ ਮਰਦਾ
ਦੂਰ ਨਦੀ ਦੇ ਕੰਢੇ ਉਤੇ
ਤਪਦਾ ਸੂਰਜ ਰੋ ਰੋ ਡੁਬਦਾ
ਤੇ ਪਿੰਡ ਮਧੋਟ ਦੇ ਪਰਲੇ ਪਾਸੇ
ਪੰਜਕਾਂ ਦਾ ਇੰਝ ਮੇਲਾ ਮੁਕਦਾ
ਮੜੀਆਂ ਦੇ ਨੈਣਾਂ ਵਿਚ ਮੇਰੇ
ਗੀਤਾਂ ਦਾ ਫਿਰ ਪਿੰਡਾ ਦੁਖਦਾ
ਤੇ ਹੋਠਾਂ ਤੇ ਹੌਕਾ ਰੁਕਦਾ

bahut  vadiya  lakhiya ........................

Thanx Harsimran