ਰੋਜ ਸੁਪਨੇ ਵਿਚ ਕਿਸੇ ਦਰਗਾਹ ਦਾ ਖੰਡਰ ਦਿਸੇ
ਰਾਤ ਦਿਨ ਮੈਨੂੰ ਤਬਾਹੀ ਦਾ ਹੀ ਮੰਜਰ ਦਿਸੇ
ਤੂੰ ਮੇਰੇ ਕੋਟ ਦੇ ਕਾਲਰ ਤੇ ਟੰਗਿਆ ਇਹ ਗੁਲਾਬ
ਜਿਸਦੀ ਵੀ ਛਾਤੀ ਤੇ ਵੇਖਾ ਉਸ ਵਿਚ ਖੰਜਰ ਦਿਸੇ
ਰਹਿਣ ਦੇ ਪਲਕਾਂ ਤੇ ਹੰਝੂ ਮੁੱਦਤਾਂ ਤੋਂ ਬਾਅਦ ਅੱਜ
ਥਲ ਜਿਹੀ ਇਸ ਜਿੰਦਗੀ ਵਿਚ ਕੁਝ ਤਾਂ ਤਰ ਦਿਸੇ
ਤੈਨੂੰ ਤਾਂ ਦਰਵਾਜਾ ਵੀ ਦੀਵਾਰ ਹੇ ਆਉਦਾ ਨਜਰ
ਮੈਨੂੰ ਹਰ ਦੀਵਾਰ ਹਰ ਗੁੰਬਦ ਦੇ ਵਿਚ ਦਰ ਦਿਸੇ
ਸ਼ਹਿਰ ਕੈਸਾ ਚੁਣ ਲਿਆ ਮੇਰੀ ਸਜਾ ਦੇ ਵਾਸਤੇ
ਹਰ ਕਿਸੇ ਦੇ ਹੱਥ ਚ ਫੁਲ ਨੇ ਇਕ ਵੀ ਨਾ ਪੱਥਰ
ਕੰਬ ਕੇ ਪੱਤੇ ਤਰ੍ਹਾ ਮੈ ਹੋ ਗਿਆ ਤਿਣਕੇ ਜਿਹਾ
ਬਸਤੀਆ ਉੱਤੇ ਚ੍ਹੜੇ ਚਿੜੀਆ ਦੇ ਜਦ ਲਸ਼ਕਰ ਦਿਸੇ
ਨਾ ਗਵਾਹੀ ਨਾ ਸਫਾਈ ਆਪਣੀ ਮਾਸੂਮੀ ਦੀ ਦੇ
ਅਰਥ ਉਹੀ ਅਰਥ ਹੈ ਜੋ ਹਰਫ ਦੇ ਅੰਦਰ ਦਿਸੇ
ਹੋ ਰਿਹਾ ਹਾਂ ਕਤਲ ਮੈ ਕਿਸ਼ਤਾ ਚ ਜਿਸ ਦਿਨ ਦਾ ਹਜੂਰ
ਓਸ ਦਿਨ ਦੀ ਕਤਲਗਾਹ ਹਾ ਮੈਨੂੰ ਹਰ ਮੰਦਰ ਦਿਸੇ
ਰੰਗ ਨਦੀਆ ਸ਼ਾਮ ਪਰਵਤ ਬਸਤੀਆ ਜੁਗਨੂੰ ਹਵਾ
ਕੈਸੇ ਕੈਸੇ ਜਿੰਦਗੀ ਦੀ ਰਾਹ ਵਿਚ ਤਸਕਰ ਦਿਸੇ