ਰੱਬਾ ਵੇ ਮੇਰੀ ਸੁਣ ਅਰਜੋਈ....
ਮੈਨੂੰ ਵੀ ਦੇ ਜੱਗ ਵਿੱਚ ਢੋਈ|
ਸਰਵਣ ਵਰਗਾ ਪੁੱਤ ਦੇ ਪਿਉ ਨੂੰ .....
ਭੈਣਾਂ ਨੂੰ ਬਖਸ਼ ਭਰਾ ਵੇ ... ..
ਮੇਰੇ ਪੂਰੇ ਕਰਦੇ ਰੱਖੜੀ ਬੰਨਣ ਦੇ ਚਾਅ ਵੇ .
ਜਦ ਰੱਖੜੀ ਦਾ ਦਿਨ ਹੈ ਆਉਦਾ ...
ਮੇਰੇ ਉੱਤੇ ਕਿਆਮਤ ਢਾਉਦਾ...
ਦਿਲ ਵਿੱਚੋ ਨਿੱਕਲੇ ਧਾਅ ਵੇ....
ਮੇਰੇ ਪੂਰੇ ਕਰਦੇ ਰੱਖੜੀ ਬੰਨਣ ਦੇ ਚਾਅ ਵੇ .
ਜਦੋ ਸ਼ਰੀਕਾਂ ਬੁਹੇ ਖਹਿੰਦੀਆ ...
ਲਾਲੋ ਚੋਰੀ ਦਾਨ ਜਾ ਮੰਗਦਾ
ਚੱਲੇ ਨਾ ਕੋਈ ਵਾਹ ਵੇ
ਮੇਰੇ ਪੂਰੇ ਕਰਦੇ ਰੱਖੜੀ ਬੰਨਣ ਦੇ ਚਾਅ ਵੇ .
ਸਿੱਧੂ ਵਰਗਾ ਵੀਰ ਦੇ ਰੱਬਾ ...
ਮੇਰੀ ਬਣਾ ਤੀ ਤਕਦੀਰ ਵੇ ਰੱਬਾ
ਕਰਤੇ ਪੂਰੇ ਦਿਲ ਦੇ ਚਾਅ ਵੇ
ਮੇਰੇ ਰੱਖੜੀ ਬੰਨਣ ਦੇ ਪੂਰੇ ਕਰਤੇ ਚਾਅ ਵੇ
ਹਰ ਭੈਣ ਨੂੰ ਵੀਰ ਦੇ ਰੱਬਾ...
ਜੱਗ ਵਿੱਚ ਪਾ ਤੂੰ ਸ਼ੀਰ ਦੇ ਰੱਬਾ...
ਬਸ ਇਹੋ ਕਰਾ ਦੁਆਵੇ.
ਸਭ ਦੇ ਪੂਰੇ ਕਰੀ ਤੂੰ ਰੱਖੜੀ ਬੰਨਣ ਦੇ ਚਾਅ ਵੇ
ਸਭ ਦੇ ਪੂਰੇ ਕਰੀ ਤੂੰ ਰੱਖੜੀ ਬੰਨਣ ਦੇ ਚਾਅ ਵੇ