ਸਾਰੀ ਸ੍ਰਿਸ਼ਟੀ ਦੀ ਸਿਰਜਣਹਾਰੀ ਏ ਮਾਂ, ਖੁਦਾ ਨੇ ਅਰਸ਼ੋਂ ਉਤਾਰੀ ਏ ਮਾਂ

ਓਹ ਆਪ ਹਰ ਥਾਂ ਨਹੀ ਸੀ ਹੋ ਸਕਦਾ ਇਸੇ ਕਰਕੇ ਦਿੱਤੀ ਉਧਾਰੀ ਏ ਮਾਂ

ਮਾਂ ਕਦੇ ਵੀ ਜੱਗ ਤੇ ਕੁ-ਮਾਂ ਨਾ ਹੋਈ ਇਸੇ ਲਈ ਤਾਂ ਸਭ ਤੋ ਪਿਆਰੀ ਏ ਮਾਂ

ਸਾਰੀ ਕੁਦਰਤ ਦਾ ਨੂਰ ਕਰ ਇੱਕਠਿਆਂ ਓਸ ਖੁਦਾ ਨੇ ਸੱਚੇ ਨਿਖਾਰੀ ਏ ਮਾਂ

ਸਭ ਔਰਤਾਂ ਤੋ ਦੁਨੀਆ ਵਿਚ ਸਭ ਤੋ ਸੋਹਣੀ ਤੇ ਸਭ ਤੋ ਨਿਆਰੀ ਏ ਮਾਂ

ਔਲਾਦ ਜੇ ਕਦੀ ਹਾਰ ਜਾਵੇ ਜਿੰਦਗੀ ਚ, ਮਾਂ ਸਮਝਦੀ ਏ ਕਿ ਹਾਰੀ ਏ ਮਾਂ

ਲਾਡਾਂ ਦੀ ਭਰੀ ਕਦੀ ਗੁੱਸਾ ਵੀ ਕਰੇ ਇਹੋ ਜਿਹੀ ਮਿੱਠੀ ਤੇ ਖਾਰੀ ਏ ਮਾਂ

ਹਰ ਦੁਖ ਏ ਸਹਿੰਦੀ ਔਲਾਦ ਖਾਤਿਰ ਐਸੀ ਸੁੱਖਾਂ ਦੀ ਭਰੀ ਪਿਟਾਰੀ ਏ ਮਾਂ

ਮਾਂ ਤਾਂ ਭਲਿਓ ਮਾਂ ਏ ਹੁੰਦੀ ਭਾਵੇਂ ਗ਼ੋਰੀ ਕਾਲ਼ੀ ਜਾਂ ਪਤਲੀ ਤੇ ਭਾਰੀ ਏ ਮਾਂ

ਉਮਰਾਂ ਦੀ ਤੱਕੜੀ ਮਾਂ ਨਹੀ ਤੁੱਲਦੀ, ਹਰ ਉਮਰ ਚ ਲੱਗਦੀ ਪਿਆਰੀ ਏ ਮਾਂ

ਸਾਰਾ ਜੱਗ ਝੂਠਾ ਪੈ ਸਕਦੈ ਧੁਰ ਦਰਗਾਹੋਂ ਪਾਕ ਨੀਅਤ ਤੇ ਸਚਿਆਰੀ ਏ ਮਾਂ

ਓਸ ਜੱਗ ਤੇ ਸਦਾ ਖੁਆਰੀ ਏ ਝੱਲੀ ਜਿਸਨੇ ਵੀ ਆਪਣੀ ਵਿਸਾਰੀ ਏ ਮਾਂ 

bahut bahut bahut khub manpreet ji 

an apt definition

ਬਹੁਤ ਖੂਬ ੨੨ ਜੀ....ਬਹੁਤ ਖੂਬ

bahut wadhiya bai ji......

ਜਿਹਨਾ ਨੂੰ ਚੰਗੀ ਲੱਗੇ ਓਹਨਾ ਦਾ ਧੰਨਵਾਦ.......ਜਿਹਨਾ ਨੂੰ ਨਾਪਸੰਦ ਓਹਨਾ ਤੋ ਖਿਮਾ...
ਆਪ ਸਾਰੇ ਅਰਦਾਸ ਕਰਨਾ ਕਿ ਸਤਿਗੁਰ ਆਪ ਆਪਣਾ ਮਿਹਰਾਂ ਭਰਿਆਂ ਹੱਥ ਸਿਰ ਤੇ ਰਖ ਕੇ ਕੁਛ ਚੰਗਾ ਲਿਖਵਾ ਲੈਣ.....:):):)

good one dear Manpreet