ਇੱਕ ਵਾਰ ਫਿਰ ਤੋਂ ਆਪ ਸਭ ਦੀ ਕਚਿਹਰੀ 'ਚ ਹਾਜ਼ਰ ਹਾਂ...ਇਸ ਵਾਰ ਨਵੇਂ ਸਾਲ ਲਈ ਕੁਸ਼ ਲਿਖਣ ਦੀ ਕੋਸ਼ਿਸ਼ ਕੀਤੀ ਏ ਤੇ ਲਿਖਿਆ ਵੀ ਜਲਦੀ 'ਚ ਹੀ ਏ...ਜੇ ਕੋਈ ਕਮੀ ਪੇਸ਼ੀ ਹੋਵੇ ਤਾਂ ਜਰੂਰ ਦੱਸਣਾ ਆਪਾਂ ਦੂਰ ਕਰਨ ਦੀ ਕੋਸ਼ਿਸ਼ ਕਰਾਂਗੇ...ਪਹਿਲੀਆਂ ਚਾਰ ਲਾਈਨਾਂ ਮੈਂ ਸਮਰਪਤ ਕਰਨਾ ਚਾਹੁੰਦਾ ਹਾਂ ਆਪਣੇ ਉਹਨਾਂ ਸੰਗੀ ਸਨੇਹੀਆਂ ਨੂੰ ਜਿਹੜੇ ਮੇਰੀ ਜਿੰਦਗੀ ਦੇ ਸਫਰ 'ਚ ਮੇਰੇ ਮੋਢੇ ਨਾਲ ਮੋਢਾ ਜੋੜ ਕੇ ਖੜ੍ਹੇ ਰਹੇ ਨੇ ਕਦੇ ਮੇਰੀਆਂ ਬਾਹਵਾਂ ਬਣਕੇ ਤੇ ਕਦੇ ਮੇਰੇ ਲਈ ਦੁਆਵਾਂ ਬਣਕੇ.....
ਮੇਰੀਆਂ ਜੋ ਬਾਹਵਾਂ ਬਣੇ, ਨਿੱਘੀਆਂ ਦੁਆਵਾਂ ਬਣੇ
ਮੀਹਾਂ ਵਿੱਚ ਨਾਲ ਖੜ੍ਹੇ, ਧੁੱਪ ਵਿੱਚ ਨਾਲ ਸੜੇ
ਉਹਨਾਂ ਸੱਜਣਾ ਪਿਆਰਿਆਂ ਨੂੰ ਦਿਲੀ ਪ੍ਰਣਾਮ ਮੇਰਾ
ਮੁਬਾਰਕ ਨਵਾਂ ਸਾਲ ਸਭ ਨੂੰ ਤੇ ਪੁਰਾਣੇ ਨੂੰ ਸਲਾਮ ਮੇਰਾ
ਨਵਾਂ ਸਾਲ ਚੰਗਾ ਚੜ੍ਹੇ, ਕੋਈ ਨਾ ਕਿਸੇ ਨਾ ਲੜ੍ਹੇ
ਅੱਖ ਕਿਸੇ ਦੀ ਨਾ ਨਮ ਹੋਵੇ, ਨਾ ਹੀ ਕੋਈ ਗਮ ਹੋਵੇ
ਰਹਿਣ ਸੰਗੀ ਤੇ ਸਨੇਹੀ ਯੁੱਗੋ ਯੁਗ ਵੱਸਦੇ
ਖੁਸ਼ੀਆਂ ਦੇ ਗੀਤ ਗਾਉਣ ਰਹਿਣ ਸਾਰੇ ਹੱਸਦੇ
ਸੁੱਖਾਂ ਭਰੀ ਪ੍ਰਭਾਤ ਹੋਵੇ, ਖੁਸ਼ੀਆਂ ਦੀ ਬਰਸਾਤ ਹੋਵੇ
ਸਭ ਵਿਹੜਿਆਂ ਵਿੱਚ ਪ੍ਰਕਾਸ਼ ਰਵ੍ਹੇ, ਨਾ ਕੋਈ ਅਧੂਰੀ ਆਸ ਰਵ੍ਹੇ
ਕਦੇ ਨਾ ਆਵੇ ਪੱਤਝੜ ਬਸ ਖਿੜੀ ਬਹਾਰ ਰਵ੍ਹੇ
ਫੁੱਲਾ ਵਾਂਗੂੰ ਹੱਸਦਾ ਵਸਦਾ ਸਾਰਾ ਹੀ ਸੰਸਾਰ ਰਵ੍ਹੇ
ਪੁੱਤ ਪ੍ਰਦੇਸੀਂ ਵਸਦੇ ਜਿਹੜੇ, ਆਪਣੇ ਵਤਨੀਂ ਮਾਰਨ ਗੇੜੇ
ਵਿਛੜਿਆਂ ਦੇ ਹੋਵਣ ਮੇਲੇ, ਪਿੰਡਾਂ ਦੇ ਵਿੱਚ ਲੱਗਣ ਮੇਲੇ
ਧਰਮਾ ਵਾਲੇ ਝੰਜਟ ਮੁੱਕ ਜਾਣ ਨਾ ਕੋਈ ਜਾਤਪਾਤ ਹੋਵੇ
"ਸੰਧੂਆ" ਨਵੇਂ ਸਾਲ ਨਾਲ ਕੁਝ ਇਹੋ ਜਿਹੀ ਸ਼ੁਰੂਆਤ ਹੋਵੇ
ਕੁਝ ਇਹੋ ਜਿਹੀ ਸ਼ੁਰੂਆਤ ਹੋਵੇ.....................
ਕੁਝ ਇਹੋ ਜਿਹੀ ਸ਼ੁਰੂਆਤ ਹੋਵੇ.................
Balihar Sandhu
Melbourne, Australia
31/12/2010