ਨਸ਼ੇ - ਨਸਲਾਂ ਦਾ ਕੋੜ੍ਹ 

 

ਮਲੂਕ ਜਿਹੀਆਂ ਲਹਿਰਾਂ

ਹਾਲਾਤਾਂ ਨਾਲ ਘੁਲਮਿਲ,

‘ਸੁਨਾਮੀ’ ਦੇ ਤਬਾਹਕੁਨ

ਰੋੜ੍ਹ ਬਣ ਜਾਂਦੇ ਨੇ |

 

ਕੂਲੀਆਂ ਕਰੂੰਬਲਾਂ ਜੋ

ਫੁੱਟਦੀਆਂ ਬੀਜ ਕੁੱਖੋਂ,

ਆਪਣੀ ਮਿਆਦ ਪਾਕੇ

ਬੋਹੜ ਬਣ ਜਾਂਦੇ ਨੇ |

 

ਨਸ਼ੇ ਨਾਲ ਲੜ ਗੰਢ

ਕਰਦੇ ਨਦਾਨੀਆਂ ਜੋ,

ਤਾਰੇ ਸੱਕਿਆਂ ਦੀ ਅੱਖ ਦੇ

ਰੋੜ ਬਣ ਜਾਂਦੇ ਨੇ |

 

ਬਚੋ ! ਨਹੀਂ ਤੇ ਘਰ ਪੁੱਟ,

ਰੋੜ੍ਹ ਦਊ ਜਵਾਨੀਆਂ ਵੀ,

ਨਸ਼ੇ ਕਹਿੰਦੇ ਨਸਲਾਂ ਦਾ

ਕੋੜ੍ਹ ਬਣ ਜਾਂਦੇ ਨੇ |

 

ਖੁਸ਼ੀਆਂ ਦੇ ਸਾਵੇ ਪੱਤਰ,

ਨਾ ਫੁੱਲ ਰੋਜ਼ਗਾਰ ਦੇ,

ਹਯਾਤੀ ਦੇ ਬਗੀਚੇ 'ਚ

ਬਹਾਰ ਨੇ ਨੀ ਆਉਣਾ |

 

ਇਹ ਹੈ ਜੰਗ ਤੇਰੀ,

ਤੂੰ ਈ ਲੜਨੀ ਏ ਮੱਲਾ,

ਆਪੇ ਲੜ, ਕਿਸੇ ਫੌਜ,

ਸਰਕਾਰ ਨੇ ਨੀ ਆਉਣਾ |

ਨਸ਼ੇ ਦੇ ਭੂਤੇ ਸਾਨ੍ਹ ਨੂੰ

ਸਿੰਗੋਂ ਫੜ ਨੱਥ ਪਾ ਲੈ,

ਇਉਂ ਜੰਗ ਜਿੱਤ ਜੋਧੇ

ਬੇਜੋੜ ਬਣ ਜਾਂਦੇ ਨੇ |

 

                 ਜਗਜੀਤ ਸਿੰਘ ਜੱਗੀ

Notes:

 

ਮਲੂਕ = ਨਰਮ, ਸੋਹਲ, tender, harmless  

‘ਸੁਨਾਮੀ’ = ਊਚੀਆਂ ਤੇ ਮਾਰੂ ਲਹਿਰਾਂ ਵਾਲਾ ਸਮੁੰਦਰੀ ਤੂਫ਼ਾਨ, tsunami 

ਤਬਾਹਕੁਨ = ਤਬਾਹੀ ਕਰਨ ਵਾਲਾ, devastating, destructive 

ਰੋੜ੍ਹ = ਬਹਾਵ, flow

ਕੂਲੀਆਂ ਕਰੂੰਬਲਾਂ = ਸੋਹਲ ਫੁੱਟੀਆਂ ਸੂਲਾਂ, tender sprouts   

ਸਾਵੇ ਪੱਤਰ = ਹਰੇ ਪੱਤੇ, green leaves/foliage

ਹਯਾਤੀ = ਜ਼ਿੰਦਗੀ, ਜੀਵਨ, life

ਭੂਤੇ ਸਾਨ੍ਹ = ਭੂਤਰਿਆ ਹੋਇਆ ਸਾਨ੍ਹ, a bull gone berserk.

ਬੇਜੋੜ = ਲਾਸਾਨੀ, unique 

 

ਇਕ ਅੱਖਾਂ ਖੌਲਦੀ ਲਿਖਤ |

sir bhaout sohni likhat hai g jo hall punjab da is time hai je iho hall riha tan aan vale time javan microscope nall hi labne pene



ਨਸ਼ਿਆਂ ਵਾਲੀ ਰਾਤ ਨੂੰ
ਨਾ ਮਿਲੇ ਸਵੇਰਾ
ਗੱਭਰੂ ਪੁੱਤ ਪੰਜਾਬ ਦੇ
ਹੁਣ ਲੱਭੇ ਕਹਿੜਾ

ਸੰਦੀਪ ਜੀ, ਆਪਨੇ ਆਪਣੇ ਰੁਝੇਵਿਆਂ ਵਿਚੋਂ ਸਮਾਂ ਕੱਢਕੇ ਕਿਰਤ ਦਾ ਮਾਣ ਕੀਤਾ, ਇਸ ਲਈ ਬਹੁਤ ਧੰਨਵਾਦ  !

ਜਿਉਂਦੇ ਵਸਦੇ ਰਹੋ ਜੀ !  GodBless !

 

Sajeev ji, Thank you so much for taking time off from your preoccupations to read this article and offer your valuable comments.

SHANDAR.......

no words sir g,........duawaan hi duawaan,...............je koi is visse naal insaaf kar sakda si tan oh sirf aap g di kalam si,............hatts off,..........pls is rachna nu magazines atte newspaper wich vi publish karwaiyo............TFS

.ਬਹੁਤ ਖੂਬ...ਬਹੁਤ ਧੰਨਵਾਦ ਜੀ...

ਬਹੁਤ ਧੰਨਵਾਦ ਗੁਰਮੀਤ ਬਾਈ ਜੀ |

 

ਸੁਖਪਾਲ ਵੀਰ ਜੀ, ਆਪ ਦੇ ਹੌਂਸਲਾ ਅਫਜ਼ਾਈ ਭਰਪੂਰ ਕਮੇਂਟ੍ਸ ਲਈ ਆਪਦਾ ਬਹੁਤ ਬਹੁਤ ਸ਼ੁਕਰੀਆ ਜੀ |

ਜਿਉਂਦੇ ਵੱਸਦੇ ਰਹੋ |