1. --------- ਜੂਠੇ ਭਾਂਡੇ ----------

ਦਾਦੀ ਆਖਦੀ --
ਜੂਠੇ ਭਾਂਡੇ ਸਰਾਪ ਦਿੰਦੇ ਨੇ

ਮੈਂ ਪੁੱਛਦੀ ਹਾਂ --
ਸਿਰਫ਼ ਬੁੜ੍ਹੀਆਂ ਨੂੰ ਹੀ ਸਰਾਪ ਕਿਉਂ ਦਿੰਦੇ ?

ਉਹ ਆਖਦੀ --
ਤੇਰੀ ਤਾਂ ਮੱਤ ਹੀ ਪੁੱਠੀ ਹੈ ।

------------------------------

2. --------- ਯੁੱਧ -------------

ਮੈਂ ਜਦੋਂ ਵੀ
ਜਮਾਤ ਵਿੱਚ ਯੁੱਧ ਦਾ ਜ਼ਿਕਰ ਕਰਦੀ ਹਾਂ

ਸਭ ਤੋਂ ਮੂਹਰਲੇ ਬੈਂਚ 'ਤੇ ਬੈਠਾ ਵਿਦਿਆਰਥੀ
ਮੁਸਕਰਾਉਂਦਾ ਹੈ

ਅਖ਼ੀਰਲੇ ਬੈਂਚ ਵਾਲਾ
ਮੱਥੇ ਤਿਉੜੀ ਪਾਉਂਦਾ ਹੈ

ਵਿਚਕਾਰਲੇ ਬੈਂਚ 'ਤੇ ਬੈਠਾ
ਸਾਊ ਜਿਹਾ ਮੁੰਡਾ
ਸਹਿਮ ਕੇ
ਹੋਰ ਸੁੰਗੜ ਜਾਂਦਾ ਹੈ ।

-----------------------------

(( ਲੇਖਿਕਾ ਦੇ ਕਾਵਿ- ਸੰਗ੍ਰਿਹ ' ਸੁਆਲਾਂ ਦੇ ਸਨਮੁਖ ' ਵਿੱਚੋਂ ))