ਜ਼ਮੀਨਾਂ ਅਕਵਾਇਰ ਕੀਤੀਆਂ, ਕੀਤੀ ਕਬਜੇ 'ਚ ਬਜ਼ਰੀ ਰੇਤਾ,
ਕਿਸਾਨ ਦੀ ਨਾ ਫਸਲ ਵਿਕੇ, ਇੱਥੇ ਵੇਚ ਗਏ ਦੇਸ਼ ਨੂੰ ਨੇਤਾ !

ਵਪਾਰ ਸਾਰਾ ਠੱਪ ਹੋ ਗਿਆ, ਵੱਡੇ ਸੱਪਾਂ ਨੇ ਕੁੰਡਲੀਆਂ ਪਾਈਆਂ,
ਲਾਰਾ ਸਿੱਧੀ ਸਬਸਿਡੀ ਦਾ, ਹਾਲੇ ਤੱਕ ਨਾ ਖਾਤੇ ਵਿੱਚ ਆਈਆਂ,
ਜੁਆਨੀ ਜਾਵੇ ਨਸ਼ਾ ਚੱਟਦਾ, ਸਾਥ ਰਾਖੇ ਦਾ ਟਪਾਉਂਦੈ ਖੇਪਾਂ,
ਕਿਸਾਨ ਦੀ ਨਾ ਫਸਲ ਵਿਕੇ, ਇੱਥੇ ਵੇਚ ਗਏ ਦੇਸ਼ ਨੂੰ ਨੇਤਾ !

ਮਹਾਂ ਮੰਤਰੀ ਮਹਾਨ ਦੇਸ਼ ਦਾ, ਫਿਰੇ ਕਰਦਾ ਦੇਸ਼ਾਂ ਨਾਲ ਸੰਧੀ,
ਭਾਅ, ਨਾ ਭਰਾਈ ਬੋਰਡ ਕਰਦਾ, ਦਸ ਦਿਨਾਂ ਤੋਂ ਬੈਠਾ ਜੱਟ ਮੰਡੀ,
ਕਾਰ ਛੇਆਂ ਮਹੀਨਿਆਂ ਦੀ, ਮੀਂਹ ਵਰਿਆ ਏਸ ਵਾਰ 'ਗੇਤਾ,
ਕਿਸਾਨ ਦੀ ਨਾ ਫਸਲ ਵਿਕੇ, ਇੱਥੇ ਵੇਚ ਗਏ ਦੇਸ਼ ਨੂੰ ਨੇਤਾ !

ਕਰਜ਼ੇ ਦੀ ਮਾਰ ਅੱਥਰੀ, ਖਾ ਗਈ ਪਰਿਵਾਰਾਂ ਦੀਆਂ ਖੁਸ਼ੀਆਂ,
ਧੀਆਂ ਵੀ ਸੁਰੱਖਿਅਤ ਨਾ, ਵੱਧ ਰਹੀਆਂ ਤਾਹੀਂਓ ਖ਼ੁਦਕਸ਼ੀਆਂ,
ਡੇਰਿਆਂ 'ਪਨੈਚਾਂ' ਵਾਲਿਆ, ਪਾਏ ਭਰਮਾਂ 'ਚ ਪੜੇ ਲਿਖੇ ਵੇਖਾਂ,
ਕਿਸਾਨ ਦੀ ਨਾ ਫਸਲ ਵਿਕੇ, ਇੱਥੇ ਵੇਚ ਗਏ ਦੇਸ਼ ਨੂੰ ਨੇਤਾ !
ਜੱਸ(ਪਨੈਚਾਂ ਮੇਰਾ ਪਿੰਡ)

ਜੱਸ ਬਾਈ ਜੀ ਹਾਲਾਤ ਤੇ ਸੱਚ ਕਮੇਂਟ ਹੈ ਇਹ | ਬੜਾ ਮਾੜਾ ਹਾਲ ਆ ਪੈਲੀ ਬੰਨੇ ਆਲੇ ਦਾ ਤਾਂ |

 

ਸਹੀ ਲਿਖਿਆ ਜੀ |

ਜਿਉਂਦੇ ਵੱਸਦੇ ਰਹੋ |

 

thanx g

Kirsani da darad te netwan prrati gussa darsa rahi tuhadi eh rachna ajj de samein da sach hai ..
Ese ummid ch k din oh v ni rahe
Eh vi ni rehne ..
Jeonde raho
Rab rakha !!

Shukria Mavi Sir ...jio