ਧਰਤ ਨੇ ਕੀਤੀ ਇੱਕ ਪਰਕਰਮਾ ਕਾਲ ਦਾ ਚੱਕਰ ਪੂਰਾ ਹੋਇਆ ਲੋਕਾਂ ਲੇਖਾ ਜੋਖਾ ਕਰਨਾ ਕੀ ਪਾਇਆ ਤੇ ਕੀ ਕੀ ਖੋਇਆ ਕੱਲ੍ਹ ਵੀ ਸੂਰਜ ਉਧਰੋਂ ਚੜ੍ਹਨਾ ਜਿਧਰੋਂ ਸਦਾ ਹੀ ਚੜ੍ਹਦਾ ਆਇਆ ਓਸੇ ਦਿਸ਼ਾ ਵਿਚ ਜਾ ਛਿਪਣਾ ਹੈ ਜਿਥੇ ਅੱਜ ਤੱਕ ਛਿਪਦਾ ਆਇਆ ਕਈਆਂ ਲਈ ਜਿਊਂਦਾ ਰਹਿਣਾਪਹਿਲਾਂ ਤੋਂ ਵੀ ਔਖਾ ਹੋਇਆ ਥੋੜੇ ਜਹੇ ਨੇ ਜਿਨ੍ਹਾਂ ਦਾ ਗੱਲਾ ਪਹਿਲਾਂ ਤੋਂ ਵੀ ਭਾਰਾ ਹੋਇਆ ਮਲਿਕ ਭਾਗੋ ਦੇ ਮਹਿਲ ਦਾ ਗੁੰਬਦ ਪਹਿਲਾਂ ਤੋਂ ਵੀ ਉੱਚਾ ਹੋਇਆ ਭਾਈ ਲਾਲੋ ਦਾ ਕੱਚਾ ਕੋਠਾ ਇਸ ਵਾਰੀ ਵੀ ਰੱਜ ਕੇ ਚੋਇਆ ਜੋ ਕੁਝ ਪਿਛਲੇ ਸਾਲ 'ਚ ਹੋਇਆ ਓਹੀ ਕੁਝ ਹੈ ਅੱਗੇ ਹੋਣਾ ਜਿਸ ਦੇ ਹਥ ਦੇ ਵਿਚ ਹੈ ਲਾਠੀ ਉਸ ਨੇ ਮਝ ਨੂੰ ਹੱਕ ਖਲੋਣਾ ਬੰਦ ਬੂਹਿਆਂ ਦੇ ਪਿਛੇ ਕਿੰਨੀਆਂ ਚੀਕਾਂ ਨੇ ਦੱਬ ਕੇ ਰਹਿ ਜਾਣਾ ਕਿੰਨੀਆਂ ਅਣਜੰਮੀਆਂ ਧੀਆਂ ਨੇ ਅਣਚਾਹਿਆ ਕਿੱਸਾ ਕਹਿ ਜਾਣਾ ਪੜ੍ਹਨੇ ਦੀ ਥਾਂ ਕੰਮ ਤੇ ਜਾਵੇਜਦ ਤੱਕ ਬੱਚਾ ਇੱਕ ਵੀ ਘਰ ਦਾ ਦੇਸ਼ ਨੂੰ ਚਮਕਦਾ ਆਖਣ ਵਾਲਾ ਨੇਤਾ ਕਿਓਂ ਨਹੀਂ ਡੁੱਬ ਕੇ ਮਰਦਾ? ਪਿੰਡ ਵਿਚ ਠੇਕੇ ਨਾਲ ਅਹਾਤਾ ਏਸ ਵਰ੍ਹੇ ਪੱਕਾ ਹੋ ਜਾਣਾ ਸੜਕਾਂ ਉੱਤੇ ਵਰਤਦਾ ਰਹਿਣਾ ਏਸ ਵਰ੍ਹੇ ਵੀ ਰੱਬ ਦਾ ਭਾਣਾ ਕਾਰਡ ਬਣਾਵਣ ਖਾਤਿਰ ਹੁਣ ਵੀ ਕਿੰਨੇ ਬਿਰਖ ਬਲੀ ਚੜ੍ਹ ਜਾਣੇਕਿਥੇ ਬਹਿ ਰਾਹੀਆਂ ਦਮ ਲੈਣਾ ਕਿਥੇ ਪੰਛੀਆਂ ਆਲ੍ਹਣੇ ਪਾਣੇ !ਚਿੜੀਆਂ ਗਈਆਂ ਮੋਰ ਵੀ ਤੁਰ ਗਏ ਹੁਣ ਵਾਰੀ ਘੁੱਗੀਆਂ ਕਾਵਾਂ ਦੀ ਰਾਹ ਪੁੱਤਾਂ ਦਾ ਦੇਖਦੇ ਦੇਖਦੇ ਜਿੰਦ ਮੁੱਕ ਜਾਣੀ ਕਈ ਮਾਵਾਂ ਦੀ ਇਹ ਸਭ ਸੋਚ ਕੇ ਜੀਅ ਨਹੀਂ ਕਰਦਾ ਨਵੇਂ ਸਾਲ ਦੀ ਦਿਆਂ ਵਧਾਈ ਜੇ ਐਸਾ ਕੋਈ ਮਿਲੇ ਸੁਨੇਹਾ ਸਮਝ ਲੈਣਾ ਬਸ ਰਸਮ ਨਿਭਾਈ ... ਲੋਕ ਰਾਜ
ਸਹੀ ਗੱਲ, ਨਵਾ ਸਾਲ ਉਹੀ ਹਾਲ 84 ਦੇ ਪੀੜਤਾਂ ਨੂ 28-29 ਸਾਲ ਬਆਦ ਨਹੀ ਮਿਲੀਆ ਇਨਸਾਫ਼
bahut sohna likheya....
after that Delhi case.......not bcoz it was highlighted..but bcoz it showed the brutality of fellow human beings