ਪਿੰਡ ਬਦਲ ਗਏ ਸ਼ਹਿਰਾਂ ਚ ਰੌਣਕ ਉੱਡ ਗਈ ਖੂਹਾਂ ਦੀ
ਲੱਗਣੋ ਹਟੇ ਤ੍ਰਿੰਝਣ ਕੁੜੀਆਂ ਹੁੰਦੀਆਂ ਕੱਠੀਆਂ ਨਾਂ
ਦਾਣੇ ਕਿਥੋਂ ਭੁਨਾਈਏ ਹੁਣ ਤਾਂ ਮਘਦੀਆਂ ਭੱਠੀਆਂ ਨਾਂ
ਮੇਲੇ ਵੀ ਹਟ ਗਏ ਲੱਗਣੋ ਰੌਣਕ ਮੁੱਕ ਗਈ ਜੂਹਾਂ ਦੀ
ਪਿੰਡ ਬਦਲ ਗਏ ਸ਼ਹਿਰਾਂ ਚ ਰੌਣਕ ਉੱਡ ਗਈ ਖੂਹਾ ਦੀ
ਉਣਨਾ, ਬੁਣਨਾ, ਸੂਈ, ਕਸੀਦਾ ਭੁੱਲ ਕੇ ਬਹਿ ਗਈ ਏ
ਸ਼ਰਮ-ਹਯਾ ਤੇ ਪਰਦੇ ਵਾਲੀ ਗੱਲ ਨਾਂ ਰਹਿ ਗਈ ਏ
ਘਰ ਦੀ ਗੱਲ ਨਾ ਟੱਪਦੀ ਸੀ ਕਦੇ ਹੱਦ ਬਰੂਹਾਂ ਦੀ
ਪਿੰਡ ਬਦਲ ਗਏ ਸ਼ਹਿਰਾਂ ਚ ਰੌਣਕ ਉੱਡ ਗਈ ਖੂਹਾਂ ਦੀ
ਭਰਾਵਾਂ ਦੇ ਵਿਚ ਪਹਿਲਾਂ ਵਰਗਾ ਪਿਆਰ ਨਾ ਰਹਿ ਗਿਆ ਏ
ਬੰਦੇ ਦਾ ਹੁਣ ਬੰਦੇ ਤੇ ਇਤਬਾਰ ਨਾ ਰਹਿ ਗਿਆ ਏ
ਪਹਿਲਾਂ ਵਰਗੀ ਸਾਂਝ ਨਾਂ ਰਹਿ ਗਈ ਧੀਆਂ-ਨੂੰਹਾਂ ਦੀ
ਪਿੰਡ ਬਦਲ ਗਏ ਸ਼ਹਿਰਾਂ ਚ ਰੌਣਕ ਉੱਡ ਗਈ ਖੂਹਾਂ ਦੀ
ਢੋਲੇ, ਮਾਹੀਏ, ਤੇ ਜਾਗੋ ਸਭ ਰਸਮਾਂ ਮੁੱਕੀਆਂ ਨੇ
ਧਰਮਸ਼ਾਲਾ ਦੀ ਥਾਂਵੇ ਜੰਝਾਂ ਪੈਲਸੀਂ ਢੁੱਕੀਆਂ ਨੇ
ਪਾਰਲਰਾਂ ਨੇ ਬਦਲ ਕੇ ਰਖ ਤੀ ਸ਼ਕਲ ਵੀ ਮੂੰਹਾਂ ਦੀ
ਪਿੰਡ ਬਦਲ ਗਏ ਸ਼ਹਿਰਾਂ ਚ ਰੌਣਕ ਉੱਡ ਗਈ ਖੂਹਾਂ ਦੀ
ਲੱਗਦੀਆਂ ਨਾ ਹੁਣ ਸੱਥਾਂ ਬਾਬੇ ਦੁਖੀ ਵਿਚਾਰੇ ਨੇ
ਡੌਰ-ਭੌਰ ਸਭ ਦੇਖਣ ਬੈਠੇ ਚੁੱਪ ਓਹ ਸਾਰੇ ਨੇ
ਸੁੱਖ-ਦੁੱਖ ਬੈਠ ਫਰੋਲਣ ਕਰਦੇ ਗੱਲ ਜੋ ਰੂਹਾਂ ਦੀ
ਪਿੰਡ ਬਦਲ ਗਏ ਸ਼ਹਿਰਾਂ ਚ ਰੌਣਕ ਉੱਡ ਗਈ ਖੂਹਾਂ ਦੀ
ਸੜਕਾਂ ਵੀ ਹੋਈਆ ਨੇ ਪੱਕੀਆਂ ਨਾ ਗਲੀਆਂ ਕੱਚੀਆਂ ਨੇ
ਮੋਟਰਾਂ ਤੇ ਬੰਬੀਆਂ ਵੀ ਹੁਣ ਦੱਸੋ ਕਿੱਥੇ ਬਚੀਆਂ ਨੇ
ਚੰਗੀ ਏ ਤਬਦੀਲੀ ਤੇ ਹੋਣੀ ਵੀ ਚਾਹੀਦੀ
ਪਰ ਵਿਰਸਾ ਤੇ ਬੋਲੀ ਵੀ ਖੋਣੀ ਨਹੀ ਚਾਹੀਦੀ
ਏੰਨੀ ਗੱਲ ਬਸ ਮੈਂ ਆਖਾਂ ਹੋਰ ਨਾਂ ਈਹਾਂ ਊਹਾਂ ਦੀ
ਪਿੰਡ ਬਦਲ ਗਏ ਸ਼ਹਿਰਾਂ ਚ ਰੌਣਕ ਉੱਡ ਗਈ ਖੂਹਾਂ ਦੀ

Wah Manpreet bahut vadhia...!!!

keep it up..

16ਆਨੇ ਗੱਲ sachi  ਕਹੀ ਯਾਰ
ਬੋਹੂਤ ਖੂਬ ਨਜਾਰਾ ਆ ਗਇਆ ਵੀਰ

manpreet ji very nice

bhut wadia gal kiti manpreet ji ........

ਭਰਾਵਾਂ ਦੇ ਵਿਚ ਪਹਿਲਾਂ ਵਰਗਾ ਪਿਆਰ ਨਾ ਰਹਿ ਗਿਆ ਏ
ਬੰਦੇ ਦਾ ਹੁਣ ਬੰਦੇ ਤੇ ਇਤਬਾਰ ਨਾ ਰਹਿ ਗਿਆ ਏ
ਪਹਿਲਾਂ ਵਰਗੀ ਸਾਂਝ ਨਾਂ ਰਹਿ ਗਈ ਧੀਆਂ-ਨੂੰਹਾਂ ਦੀ ............wakae sach a aj di dunia da 

bahut khoob bai ji ...........sin sin teer nashane la rahe ho ..........mja aa gia veer pad ke ..........idda hi likhde raho .........

ਜਿਹਨਾ ਨੇ ਪਸੰਦ ਕੀਤਾ ਓਹਨਾ ਦਾ ਬਹੁਤ ਬਹੁਤ ਧੰਨਵਾਦ.....ਜਿਹਨਾ ਨੂੰ ਨਾ ਪਸੰਦ ਓਹਨਾ ਤੋ ਖਿਮਾ......ਬੇਨਤੀ ਹੈ ਕਿ ਸਤਿਗੁਰ ਅੱਗੇ ਅਰਦਾਸ ਕਰਿਓ ਕਿ ਓਹ ਆਪ ਕਿਰਪਾ ਕਰ ਕੇ ਕੁਛ ਚੰਗਾ ਲਿਖਵਾ ਲੈਣ....:):):)