ਮੇਰੇ ਦਿਲ ਤੇ ਲੱਗੀ ਏ ਡੂੰਘੀ ਚੋਟ ਵੇ ਰੱਬਾ
ਕਿਵੇਂ ਕਹਾਂ ਤੂੰ ਨਿਓਟੇਆਂ ਦੀ ਓਟ ਵੇ ਰੱਬਾ
ਨਿਤ ਇਜ਼ਤਾਂ ਦਾ ਹੁੰਦਾ ਤੱਕਾਂ ਘਾਣ ਵੇ ਰੱਬਾ
ਕਿਵੇਂ ਕਹਾਂ ਤੂੰ ਨਿਮਾਣੇਆਂ ਦਾ ਮਾਣ ਵੇ ਰੱਬਾ
ਜਿਹਦਾ ਜ਼ੋਰ ਨਹੀ ਕੋਈ
ਜਿਹਦਾ ਸ਼ੋਰ ਨਹੀ ਕੋਈ
ਜਿਹਦਾ ਦੁਨੀਆਂ ਤੇ ਤੇਰੇ ਬਿਨਾ ਹੋਰ ਨਹੀ ਕੋਈ
ਓਹਨਾ ਕੋਲ਼ੋ ਰਹੇ ਤੂੰ ਵੀ ਅਣਜਾਣ ਵੇ ਰੱਬਾ
ਕਿਵੇ ਕਹਾਂ ਤੂੰ ਨਿਮਾਣੇਆਂ ਦਾ ਮਾਣ ਵੇ ਰੱਬਾ
ਮੁਲ ਕੱਖਾਂ ਤੋ ਹੌਲ਼ਾ ਏ ਓਹਦੀ ਪੱਤ ਦਾ
ਸਿਰਾ ਖੋਤਦੀ ਜਿਹੜੀ ਕਿਸੇ ਵੱਟ ਦਾ
ਪੰਡ ਕੱਖਾਂ ਦੀ ਖਰੀਦ ਲਵੇ ਓਸ ਨੂੰ
ਲੱਖ ਰਾਖਾ ਚਾਹੇ ਤੂੰ ਏ ਮੱਤ ਪੱਤ ਦਾ
ਪਾਈ ਨੀਯਤਾਂ ਦੇ ਵਿੱਚ ਕੈਸੀ ਖੋਟ ਵੇ ਰੱਬਾ
ਕਿਵੇਂ ਕਹਾ ਤੂੰ ਨਿਓਟੇਆਂ ਦੀ ਓਟ ਵੇ ਰੱਬਾ
ਜਿਨਾ ਇਜ਼ਤ ਵੀ ਹੁੰਦੀ ਨਾ ਨਸੀਬ ਜੀ
ਐਸਾ ਤਬਕਾ ਏ ਇਹ ਓ ਗ਼ਰੀਬ ਜੀ
ਗਹਿਣੇ ਰੱਖੇ ਤਾਂ ਰੱਖੇ ਕਹਿੜੀ ਚੀਜ਼ ਜੀ
ਕਈਆਂ ਛੱਤ ਵੀ ਤਾਂ ਹੁੰਦੀ ਨਾ ਨਸੀਬ ਜੀ
ਨੇਤਾ ਏਹਨਾ ਤੋ ਵੀ ਮੰਗਦੇ ਨੇ ਵੋਟ ਵੇ ਰੱਬਾ
ਹੋਰ ਕਰਾਂ ਕੀ ਰਾਜਨੀਤੀ ਉਤੇ ਚੋਟ ਵੇ ਰੱਬਾ
ਰਿਹਾ ਵੱਢਦਾ ਸਮਾਜ ਸਾਡੀ ਜੀਭ ਨੂੰ
ਧੀ ਬਖ਼ਸ਼ੀ ਕਿਸੇ ਵੀ ਗ਼ਰੀਬ ਨੂੰ
ਦੇਣੀ ਦਾਜ ਦੇਆਂ ਲੋਭੀਆਂ ਨੇ ਫ਼ੂਕ ਵੇ
ਓਦੋਂ ਮਾੜਾ ਵਿੱਚ ਜੋਬਨ ਸਲੂਕ ਵੇ
ਕੈਸੀ ਦੁਨੀਆਂ ਚ ਪਾਈ ਵੇ ਤੂੰ ਕਾਣ ਵੇ ਰੱਬਾ
ਕਿਵੇਂ ਕਹਾ ਤੂੰ ਨਿਮਾਣੇਆਂ ਦਾ ਮਾਣ ਵੇ ਰੱਬਾ
ਬਹਾਦਰ