ਓਹ ਵੇਲੇ ਹੋਰ ਸੀ ......

ਜਦ ਚੰਨ ਨਿਭਾਉਂਦਾ ਸੀ ..

ਕਿੰਨੇ ਕਿਰਦਾਰ ਇਕੋ ਵਾਰ ਚ ...

ਕਿਸੇ ਦਾ ਮਹਿਬੂਬ ਤੇ ਕਿਸੇ ਦਾ ਮਾਮਾ ...

ਜਦ ਰਾਤੀਂ ਅਸਮਾਨ ਵੇਖਣ ਲਈ ...

ਖਿੜਕਿਆਂ ਤੇ ਪਰਦਿਆਂ ਦੀ ਇਜਾਜ਼ਤ ..

ਲੈਣ ਦੀ ਲੋੜ ਨਹੀਂ ਸੀ...

ਜ਼ਿੰਦਗੀ  ਜਦ ਲਗਦੀ ਸੀ ..

ਗਰਮੀਆਂ ਦੀਆਂ ਛੁੱਟੀਆਂ ਵਰਗੀ ...

ਜਿਸ ਚ ਘਰ ਦੇ ਅਰਥ ਫੈਲ ਜਾਂਦੇ ਸਨ ...

ਟੋਭੇ ਤੋਂ ਲੈ ਕੇ ਪਿੰਡ ਦੀਆਂ ਜੂਹਾਂ ਤੱਕ ...

ਬੱਤੀ ਗਈ ਤੋਂ ਜਦ ਸਮੁਚੀ  ਕਾਇਨਾਤ ...

ਡੁੱਬ ਜਾਂਦੀ ਸੀ ਇੱਕ ਅਜ਼ੀਮ ਸ਼ਾਂਤੀ ਚ ...

ਤਦ ਮਕਾਨ ਜ਼ਰੂਰ ਕਚੇ ਸੀ ...

ਪਰ ਪੱਕਾ ਸੀ ਬਹੁਤ ਕੁਝ ...

ਰਿਸ਼ਤੇ,ਸਵੈ-ਮਾਣ ਤੇ ਵਿਸ਼ਵਾਸ਼ ....

ਹੁਣ ਵਾਂਗ ਨਹੀਂ ...

 ਕਿ ਗੁਆਂਢ ਵਾਲੇ ਲਾਲਿਆਂ ਦੇ ਗੁਦਾਮ ਚ ..

 ਸਾਰੀ ਰਾਤ ਮੁੰਨੀ ਬਦਨਾਮ ਹੁੰਦੀ ਰਹੇ  ...

ਤੇ ਪਾਪਾ ਜੀ ਕੀ ਜਮਾਨਾ ਆ ਗਿਆ ਆਖ ਕੇ ..

ਫੇਰ ਚੁਪ ਹੋ ਜਾਂਦੇ ਨੇ ....

ਦਿਨ ਓਦੋਂ ਕੁਝ ਹੋਰ ਤਰਾਂ ਚੜਦਾ ਸੀ ਸ਼ਾਇਦ ..

ਹੁਣ ਬੰਦ ਅਖਾਂ ਨਾਲ ਮੋਬਾਇਲ ਤੇ   ...

ਗੁਡ ਮੋਰਨਿੰਗ ਲਭੀ ਜਾਂਦੀ  ਹੈ ...

ਤੇ ਓਦੋਂ ਭਾਈ ਜੀ ਦੇ "ਧੰਨ ਸੁਹੇਲਾ"  ਆਖਣ  ਸਾਰ ...

ਜਾ ਖ੍ਲੋਈਦਾ ਸੀ ਬਾਬਿਆਂ ਦੇ ਦੁਆਰ ...

ਕਿਤਾਬਾਂ ਓਦੋਂ ਸਿਰਫ ਕਿਤਾਬਾਂ ਸਨ ...

ਤੇ ਰੋਟੀ ਸਿਰਫ ਰੋਟੀ....

ਆਹ ਤੇਰੀ-ਮੇਰੀ ਵਾਲਾ ਕੰਸੇਪਟ ..

ਨਹੀਂ ਸੀ ਪਤਾ ਸਾਨੂੰ ...

ਸੂਰਜ ਓਦੋਂ  ਬੇਬੇ ਦੇ ਮੁਖ ਵਰਗਾ ਹੁੰਦਾ ਸੀ ...

ਤੇ ਬੱਦਲ ਮਖਣੀ ਵਰਗੇ ...

ਓਦੋਂ ਤਾਂ ਲਸੂੜੇ  ਹੀ ਲਗਦੇ ਸੀ...

ਜਗੋਂ-ਤੇਰਵੀਂ ਨਿਆਮਤ ....

ਤੇ ਟਿਬਿਆਂ ਤੇ ਰਲ ਕੂਕਣਾ ...

ਅਸਲੋਂ ਬਾਦਸ਼ਾਹਤ ...

ਰਹਿੰਦੀ ਸੀ ਉਡੀਕ ਤਦ ....

ਕਦੀ-ਕਦੀ  ਆਉਣ ਵਾਲੀ ਚਿਠੀ ਦੀ ...

ਹੁਣ ਹਰ ਕੋਈ ਬਸ  ਮਾਊਸ ਜਿੰਨਾ ਦੂਰ ਹੈ ...

ਪਰ ਫੇਰ ਵੀ ਦਿਲਾਂ ਵਿਚਲਾ ਵਕਫਾ ..

ਪੁਰਾਣੇ ਖੂਹ ਜਿੰਨਾ ਡੂੰਘਾ ਹੈ ...

ਜਿਸ ਚ ਡੁੱਬ ਗਏ ਨੇ ਖੌਰੇ ਕਿੰਨੇ ਰਿਸ਼ਤੇ ...

ਸਚਮੁਚ ਓਹ ਵੇਲੇ ਹੋਰ ਸੀ....

ਵਾਹ ਜੀ ਵਾਹ ਕੁਕਨੁਸ ਜੀ..!!

ਸਚਮੁੱਚ ਰੂਹ ਖੁਸ਼ ਹੋ ਗਈ ਪੜਕੇ..ਸੱਚੀਂ ਓਹਨਾਂ ਬੀਤਿਆਂ ਵੇਲਿਆਂ ਨਾਲ ਦੀ ਕੋਈ ਮੌਜ ਨਹੀਂ...ਬਿਲਕੁੱਲ ਸਹੀ ਆਖਿਆ ਕਿ ਉਹ ਵੇਲੇ ਹੋ ਸਨ ਜੋ ਅੱਜ ਦੀ ਤਰਾਂ ਮਤਲਬੀ ,ਲਾਲਚੀ ਤੇ ਕੋਝੇ ਨਹੀਂ ਸਨ..

ਇਸ ਬਹੁਤ ਹੀ ਪ੍ਭਾਵਸ਼ਾਲੀ ਲਿਖਤ ਨੂੰ ਲਿਖਣ ਤੇ ਸਾਝਿਆਂ ਕਰਨ ਲਈ ਬਹੁਤ-ਬਹੁਤ ਮੇਹਰਬਾਨੀ ਜੀ

ਬਹੁਤ ਹੀ ਖੂਬਸੂਰਤ ਰਚਨਾ ਲਿਖੀ ਹੈ ਆਪ  ਨੇ,,,,,,,,,,,,,,,,,,,ਕਾਫੀ ਡੂੰਗੀ ਸੋਚ ਹੈ,,,,

ਸਾਂਝੀ ਕਰਨ ਲਈ ਧੰਨਵਾਦ,,,,,,,,, 

bahut wadia nalle samag ve lagg gayi poori

aeh numerical bakiya nalo saukha ji

tfs............

amazing.... 

Amitoj di lekhni di yaad duaa ditti.... ajj da beete de naal comparison.. ne mainu amitoj di rachna jis ch pind te shehar ch suraj kinjh dubbda da comparison si...  oh rachna chete kra ti..... eh vi koi koi kar sakda ......

u r one brilliant writer... seriously.. keep it up.... :)

sehi keha oh vehle hor c......ehna gallan kr ke hee dil v pehla jeha nahi reha.......

see ur writing aouses profound deep thoughts n emotions.......keep flowing g.....

thanx a ton for sharing thz outstanding creations!!!!!!!!!!!!!!!!!!!!!!!

khooooob....

inteha!!!!!

ਬਹੁਤ ਵਧੀਆ ਜੀ ......ਕਮਾਲ ਲਿਖਿਆ ਏ ......ਸਾਂਝਿਆ ਕਰਨ ਲਈ ਸ਼ੁਕਰੀਆ

bahut hi wadiya kuknus ji.....jst brilliant....keep it up...