ਓਹ ਜ਼ੁਲਫ਼ ਵਿੱਚ ਬੰਨ ਕੇ ਘਟਾ ਕਿਤੇ ਲੈ ਗਿਆ
ਮੇਰੇ ਪੱਲੇ ਫਿਰ ਸੋਕੇ ਦਾ ਸੋਕਾ ਰਹਿ ਗਿਆ
ਜਿਸਦੀ ਜ਼ਫ਼ਾ ਕਰਦੀ ਬਯਾਂ ਸੀ ਹਰ ਸ਼ਮਾਂ
ਓਹ ਜਾਂਦਾ ਜਾਂਦਾ ਬੇਵਫਾ ਸਾਨੂੰ ਕਹਿ ਗਿਆ
ਉਲਫ਼ਤ ਦੀ ਗੱਲ ਕਰਦੇ ਓ ਆਖ਼ਿਰ ਕਿਸ ਲਈ?
ਅੱਜ ਕਲ ਜ਼ਫ਼ਾ ਦਾ ਨਾਮ ਉਲਫ਼ਤ ਰਹਿ ਗਿਆ
ਮੰਗਦਾ ਸੀ ਜਿਸ ਨੂੰ ਰੱਬ ਤੋਂ ਚੰਨ ਸੀ ਫ਼ਲਕ ਦਾ
ਮੰਗਣ ਤੋ ਪਹਿਲਾਂ ਝੋਲ਼ੀ ਤੱਕ ਰੱਬ ਕਹਿ ਗਿਆ
ਮੈਨੂੰ ਮੌਤ ਦਾ ਫਤਵਾ ਹੀ ਲਿਖ਼ ਦੇ ਕਾਜ਼ੀਆ
ਮੇਰਾ ਨਾਮ ਕੁਲ ਆਲਮ ਤੇ ਕਾਫ਼ਿਰ ਪੈ ਗਿਆ
ਲੜਦੇ ਰਹੇ ਓਹਦੇ ਇਸ਼ਕ ਵਾਲੀ ਲੋਰ ਵਿਚ
ਬਹਾਦਰ ਅਸਾਂ ਦਾ ਨਾਮ ਐਂਵੇਂ ਪੈ ਗਿਆ