ਦਿਲ ਦੇ ਦਰਦ ਕਹਾਣੀ ਬਣ ਕੇ ਰਹਿ ਗਏ ਨੇ,
ਦਰਦ ਪੁਰਾਣੇ ਸਭ ਹੋਕਿਆ ਦੇ ਨਾਲ ਬਹਿ ਗਏ ਨੇ,
ਪੱਥਰ ਬਣ ਗਇਆ ਜੇਰਾ ਕਿਸ ਨੂੰ ਇਲਜ਼ਾਮ ਦੇਵਾ,
ਦਿਨ ਨੂੰ ਨਾਲ ਨੇ ਯਾਦਾਂ ਰਾਤ ਨੂੰ ਤਾਰੇ ਰਹਿ ਗਏ ਨੇ।
ਖੁਸ਼ੀਆਂ ਸਬ ਨੇ ਮੁਕੀਆਂ ਸੱਜਣਾ ਇੱਕ ਤੇਰੇ ਵਾਹਜੋ ,
ਕੱਲਿਆਂ ਬਹਿ-ਬਹਿ ਗੱਲਾਂ ਕਰੀਏ ਇੱਕ ਤੇਰੇ ਵਾਹਜੋ,
ਅੱਖੀਆਂ ਵਿੱਚੋ ਹੰਝੂ ਖਾਰੇ ਬਹਿ ਗਏ ਨੇ,
ਦਿਨ ਨੂੰ ਨਾਲ ਨੇ ਯਾਦਾਂ ਰਾਤ ਨੂੰ ਤਾਰੇ ਰਹਿ ਗਏ ਨੇ।
ਉਡੀਕ-ਉਡੀਕ ਕੇ ਮੁਕੀਆਂ ਹੁਣ ਤੇਰੇ ਆਉਣ ਦੀਆਂ ਆਸਾਂ,
ਨਿੱਤ ਸਮਝਾਵਾ ਦਿਲ ਨੂੰ ਮੈਂ ਦੇ ਕੇ ਧਰਵਾਸਾ,
ਵਿਛੜੇ ਯਾਰ ਨੀ ਮਿਲਦੇ ਸੱਚ ਸਿਆਣੇ ਕਹਿ ਗਏ ਨੇ,
ਦਿਨ ਨੂੰ ਨਾਲ ਨੇ ਯਾਦਾਂ ਰਾਤ ਨੂੰ ਤਾਰੇ ਰਹਿ ਗਏ ਨੇ।
ਮੁੱਕ ਚੱਲੀ ਜ਼ਿੰਦ ਨਿਮਾਣੀ ਨੂੰ ਕੀ ਦੇਵਾ ਧਰਵਾਸਾ,
ਕੋਈ ਮਰਦਾ ਆਸ਼ਕ ਬਣਦਾ ਦੁਨੀਆ ਦੇ ਲਈ ਹਾਸਾ,
ਜਾਤ-ਪਾਤ ਲਈ ਲੜਦੇ ਜਿਉ ਕਬਰੀ ਪੈ ਗਏ ਨੇ,
ਦਿਨ ਨੂੰ ਨਾਲ ਨੇ ਯਾਦਾਂ ਰਾਤ ਨੂੰ ਤਾਰੇ ਰਹਿ ਗਏ ਨੇ।