ਹਾਏ ਪੇਟ੍ਰੋਲ ! ਪੰਜਾਬੀ ਦਾ ਇੱਕ ਲੋਕ ਗੀਤ ਹੈ .. ਹਾਏ ਹਾਏ ਨਣਦੇ , ਬੂਹ ਬੂਹ ਨਣਦੇ...ਕਿਸਨੂੰ ਕਹੀਏ ? ਮੈਂ 25 ਪੈਸੇ ਪਿੱਛੇ ਬੱਸ ਕਿਰਾਇਆ ਘੋਲ ਹੁੰਦੇ ਵੇਖੇ ਨੇ । ਕਰੋ ਜਾ ਮਰੋ ਦਾ ਨਾਅਰਾ ਅਪਣਾਉਂਦੇ ਨੌਜੁਆਨ ਸ਼ਹੀਦ ਹੁੰਦੇ ਵੇਖੇ ਨੇ। ਬੱਸਾਂ ਦੇ ਟਾਇਰਾਂ ਅੱਗੇ ਲਿਟਦੇ ਕਿਸਾਨ ਵੇਖੇ ਨੇ ਅਤੇ ਇਹੋ ਜਿਹਾ ਹੀ ਹੋਰ ਪਤਾ ਨਹੀਂ ਕੀ ਕੀ ????? ਹੁਣ.. .. ਸਾਡੀਆਂ ਮਰੀਆਂ ਹੋਈਆਂ ਜ਼ਮੀਰਾ ਸਾਹਮਣੇਂ ਕੁੱਝ ਵੀ ਹੋਈ ਜਾ ਰਿਹਾ ਹੈ, ਅਸੀਂ ਸਿਰ ਸੁੱਟਕੇ ਜਰ ਰਹੇ ਹਾਂ। ਇਸਤੋਂ ਵੱਧ ਮਰਿਆਂ ਨੂੰ ਹੋਰ ਕੀ ਮੌਤ ਆਊ...ਗੀ। ਜਥੇਬੰਦੀਆਂ ਤਾਂ ਤਾਨਾਸ਼ਾਹਾਂ ਨੇ ਕੁੱਝ ਸੋਚਣ ਜੋਗੀਆਂ ਹੀ ਨਹੀਂ ਛੱਡੀਆਂ। ਕੁੱਝ ਕੁ ਖਰੀਦ ਲਏ, ਕੁੱਝ ਕੁ ਨੀਂਦ ਤੋਂ ਜਾਗਣ ਜੋਗੇ ਛੱਡੇ ਹੀ ਨਹੀਂ। ਸਟੂਡੈਂਟਸ ਯੂਨੀਅਨਾਂ, ਜਾਂ ਤਾਂ ਆਪਸ ਵਿੱਚ ਲੜ ਮਰ ਲਏ ਜਾਂ ਗੇੜੀ ਰੂਟ ਤੇ ਗੇੜੇ ਲਾਕੇ ਗਾਇਕਾਂ ਦੇ ਗੀਤਾਂ ਦੇ ਕਰੇਕਟਰ ਬਣਕੇ ਰਹਿ ਗਏ। ਬੁੜ੍ਹੇ ਦਾ ਪੈਸਾ ਸਾਨੂੰ ਕੀ। ਫਸਲ ਦਾ ਰੇਟ ਨਹੀਂ ਮਿਲਦਾ, ਸਾਨੂੰ ਮੁਜ਼ਾਹਰੇ ਯਾਦ ਆ ਜਾਂਦੇ ਨੇ ਪਬਲਿਕ ਪ੍ਰਾਪਰਟੀ ਦਾ ਨੁਕਸਾਨ ਕਰਨ ਲਈ। ਕਾਲਜ ਦੀ ਫੀਸ ਵਧ ਜਾਂਦੀ ਹੈ ਅਸੀਂ ਕਲਾਸਾਂ ਮਿਸ ਕਰ ਸਕਦੇ ਹਾਂ ਸਾਲ ਖਰਾਬ ਕਰਨ ਲਈ। ਪੈਟਰੋਲ, ਡੀਜ਼ਲ, ਰਸੋਈ ਗੈਸ, ਬੱਸ ਕਿਰਾਇਆ, ਫ਼ੋਨ ਕਾਲ ਰੇਟ, ਕੁੱਝ ਵੀ ਵਧੀ ਜਾਵੇ ਸਾਨੂੰ ਕੀ, ਬੁੜ੍ਹੇ ਦਾ ਪੈਸੈ.. ਤੇ ਸਾਡੇ ਬਾਪੂ ਜੀ ਦਾ ਕਿੱਲਾ ਹੁਣ ਕਰੋੜਾਂ  'ਚ ਵਿਕਦੈ...!!!!!