ਨਿੱਘਰਦੀ ਔਲਾਦ

 

ਹਰ ਜ਼ੁਬਾਂ ਤੇ ਇਹ ਕਹਿਣੀ ਸੀ,

ਸੋਨੇ ਦੀ ਚਿੜਿਆ ਰਹਿਣੀ ਸੀ

ਸਾਡੀ ਪਿਆਰੀ ਭਾਰਤ ਮਾਂ,

ਔਲਾਦ ਕਿਤੇ ਜੇ ਨਿੱਘਰਦੀ ਨਾ |

 

ਮੁੱਕੀ ਨਸਲ ਭੋਲੀ, ਸੱਤ ਵਾਦੀ,

ਇਸਦੀ ਥਾਂ ਖਿਡਕਾਰ ਮਿਲਣਗੇ,  

ਗਹੁ ਨਾਲ ਜੇ ਦੇਖੋਗੇ ਤਾਂ

ਬੜੇ ਬੜੇ ਸ਼ਾਹਕਾਰ ਮਿਲਣਗੇ |

 

ਵਿਦੇਸ਼ ਸਾਫ਼ ਨੇ ਸਹੁੰਆਂ ਖਾਂਦੇ,

ਆਪਣੇ ਮੁਲਕ ਨੂੰ ਲਾਨਤ ਪਾਂਦੇ,

(ਆਪੇ) ਹਰ ਥਾਂ ਥੁੱਕਦੇ, ਕੂੜਾ ਸੁੱਟਦੇ

ਐਸੇ ਵੀ ਫ਼ਨਕਾਰ ਮਿਲਣਗੇ |

 

ਅੱਗੇ ਮਾਇਆ ਮਸਤ ਕਲੰਦਰ

ਨੱਚਦੇ ਜਿਉਂ ਲਾਲਚੀ ਬੰਦਰ,

ਖ਼ੁਫ਼ੀਆ ਭੇਤ ਮੁਲਕ ਦੇ ਵੇਚਣ

ਐਸੇ ਔਹਦੇਦਾਰ ਮਿਲਣਗੇ |

 

ਅਮਨ-ਓ-ਅਮਾਨ ਦੀ ਹਾਮੀ ਭਰਦੇ    

ਫ਼ਿਰਕਾ ਪ੍ਰਸਤ ਸਿਆਸਤ ਕਰਦੇ,

ਹੋਰ ਈ ਦੁਨਿਆ ਏ ਕੋਈ ਜਿੱਥੇ

ਪ੍ਰੀਤ ਦੇ ਪਹਿਰੇਦਾਰ ਮਿਲਣਗੇ |

 

ਵਿਰਲੇ ਵਿਜਈ ਪ੍ਰਭਾਤ ਕਾਰਣੇ

ਦੁਸ਼ਮਣ ਸ਼ਹਿ ਨੂੰ ਮਾਤ ਕਾਰਣੇ,

ਟੈਂਕ ਲੰਘਾਉਂਦੇ ਢਿੱਡ ਤੋਂ ਰਾਤੀਂ

ਦੇਸ਼ ਭਗਤ ਸਰਦਾਰ ਮਿਲਣਗੇ |

 

                    ਜਗਜੀਤ ਸਿੰਘ ਜੱਗੀ

ਨੋਟਸ:

ਕਹਿਣੀ - ਕਥਨੀ, ਬਿਆਨ; ਖਿਡਕਾਰ - ਆਪਣੇ ਰਾਜਸੀ ਅਤੇ ਆਰਥਕ ਫਾਇਦੇ ਲਈ ਸਿਆਸਤ ਵਰਗੀ ਗੰਦੀ ਖੇਡ ਦੇ ਖਿਡਾਰੀ; ਗਹੁ ਨਾਲ - ਗੌਰ ਨਾਲ; ਸ਼ਾਹਕਾਰ - masterpiece specimens, ਨਮੂਨੇ (in satirical sense); ਫ਼ਨਕਾਰ - ਕਲਾਕਾਰ (in satirical sense); ਅਮਨ-ਓ-ਅਮਾਨ - ਅਮਨ ਸ਼ਾਂਤੀ; Tank - ਯੁੱਧ ਵਿਚ ਗੋਲੇ ਦਾਗਣ ਵਾਲੀ ਭਾਰੀ ਮਸ਼ੀਨ ;  ਦੇਸ਼ ਭਗਤ ਸਰਦਾਰ - ਦੇਸ਼ ਭਗਤ ਨਾਇਕ, ਹੀਰੋ, patriotic heores|  

 

Yes ! Again a good satirical shot in the bull,

the all pervading hypocrisy brought to fore with ease, expertise and deft handling of subject. I want to congratulate you for this verse. TFS

ਵਾਹ!ਸਰ ਬਹੁਤ ਹੀ ਸੁਚੱਜੇ ਢੰਗ ਨਾਲ ਭਾਰਤ ਦਾ ਗੁਣਗਾਨ ਕੀਤਾ ਹੈ। ਸੋਨੇ ਦੀ ਚਿੜੀ ਦੇ ਹਰ ਪੱਖ ਨੂੰ ਸ਼ੀਸ਼ਾ ਦਿਖਾਇਆ ਹੈ ਭਾਵੇਂ ਉਹ ਦੇਸ਼ ਭਗਤੀ ਦਾ ਹੋਵੇ ਜਾਂ ਅਪਣਿਆ ਹੱਥੋਂ ਹੋਏ ਚੀਰ ਹਰਣ ਦਾ।

ਧੰਨਵਾਦ ਜੀ

 

ਸੰਦੀਪ ਬਾਈ ਜੀ, ਕਿਰਤ ਦਾ ਮਾਣ ਕਰਨ ਲਈ ਸ਼ੁਕਰੀਆ |

ਜਿਉਂਦੇ ਵੱਸਦੇ ਰਹੋ |

 

ਸੁੰਦਰ ਰਚਨਾ
ਪਰ ਪਹਿਲੇ ਪਹਿਰੇ ਦਾ ਮਸਲਾ ਅਲਗ ਹੈ

 

ਬਿੱਟੂ ਬਾਈ ਜੀ, ਕਿਰਤ ਤੇ ਨਜ਼ਰਸਾਨੀ ਕਰਨ ਲਈ ਧੰਨਵਾਦ ਜੀ |

ਰੱਬ ਰਾਖਾ |

 

 

ਸੰਜੀਵ ਬਾਈ ਜੀ, ਆਪਨੇ ਕਿਰਤ ਲਈ ਸਮਾਂ ਕੱਢਿਆ ਅਤੇ ਆਪਣੇ ਹੌਂਸਲਾ ਅਫਜਾਈ ਕਰਨ ਵਾਲੇ ਬੇਸ਼ਕੀਮਤੀ ਵਿਚਾਰ ਰੱਖੇ - ਬਹੁਤ ਸ਼ੁਕਰੀਆ ਜੀ |

ਰੱਬ ਰਾਖਾ |