|
|
|
|
|
|
Home > Communities > Anything goes here.. > Forum > messages |
|
|
|
|
|
' ਰਹਣੁ ਕਿਥਾਊ ਨਾਹਿ ' |
"..ਬਾਹਰ ਸਾਦਾ ਪੇਂਡੂ ਜ਼ਿੰਦਗੀ ਦਾ ਪਰਵਾਹ ਜਾਰੀ ਸੀ । ਖੇਤਾਂ ਵਿੱਚ ਮਰਦਾਂ ਨਾਲੋਂ ਵੱਧ ਔਰਤਾਂ ਕੰਮ ਕਰ ਰਹੀਆਂ ਸਨ । ਚਲਦੀ ਗੱਡੀ ਵੇਖਣ ਲਈ ਬਾਲ ਖਲੋਤੇ ਹੋਏ ਸਨ । ਇੱਕ ਬਜ਼ੁਰਗ ,ਉਸਦੀ ਪਤਨੀ,ਬੇਟਾ ਤੇ ਨੂੰਹ ਸਾਡੇ ਡੱਬੇ ਵਿੱਚ ਚੜ੍ਹੇ । ਦੋਹਾਂ ਔਰਤਾਂ ਦੀਆਂ ਬਾਹਾਂ ਅਤੇ ਲੱਤਾਂ ਉੱਤੇ ਨਿੱਕੇ- ਨਿੱਕੇ ਕਿੰਨੇ ਚਿੱਤਰ ਖੁਣੇ ਹੋਏ ਸਨ । ਧਰਤੀ ਰੰਗੇ ਪਿੰਡੇ ਉੱਤੇ ਜਿਵੇਂ ਕੋਈ ਦੁਨੀਆਂ ਵੱਸੀ ਸੀ । ਬਜ਼ੁਰਗ ਨੇ ਮੈਨੂੰ ਪੁੱਛਿਆ ਕਿ ਹਰਦਵਾਰ ਜਾਣ ਲਈ ਉਹ ਦਿੱਲੀ ਪੁੱਜ ਕੇ ਕੀ ਕਰੇ ? ਅਸੀਂ ਹੋਰ ਵੀ ਕਈ ਗੱਲਾਂ ਕੀਤੀਆਂ । ਮੈਂ ਆਪਣੇ ਸਫ਼ਰ ਦੀ ਡਾਇਰੀ ਲਿਖ ਰਿਹਾ ਸਾਂ । ਬਜ਼ੁਰਗ ਬੋਲਿਆ---" ਕਿਆ ਲਿਖਤੇ ਰਹਤੇ ਹੋ, ਸਰਦਾਰ ਜੀ ? ਰਾਮ ਨਾਮ ਲਿਖਤੇ ਹੋ ਕਿਆ ? ਮੈਨੂੰ ਹੈਰਾਨੀ ਹੋਈ,, ਰਾਮ ਨਾਮ ਕੀ ਲਿਖਣਾ ਹੋਇਆ ? ਉਹ ਮਾਣ ਨਾਲ ਮੁਸਕਰਾ ਕੇ ਬੋਲਿਆ---" ਮੈਂ ਲਿਖਤਾ ਹੂੰ ਰਾਮ ਨਾਮ !" ਵੱਡਾ ਸਾਰਾ ਰਜਿਸਟਰ ਕੱਢ ਉਸ ਮੇਰੇ ਅੱਗੇ ਲਿਆ ਧਰਿਆ---- " ਕਹਤੇ ਹੈਂ, ਗਿਆਰਾਂ ਲਾਖ ਬਾਰ ਲਿਖ ਲੋ ਤੋ ਮੁਕਤੀ ਹੋ ਜਾਤੀ ਹੈ । ਦੇਖੀਏ, ਮੈਂ ਸਾਢੇ ਪਾਂਚ ਲਾਖ ਬਾਰ ਲਿਖ ਚੁੱਕਾ ਹੂੰ.......!" --------------------------------------------------------------------------- ਮਨ ਦੀ ਅਫ਼ਰਾ-ਤਫ਼ਰੀ ਦੂਰ ਕਰਨ ਲਈ ਮੈਂ ਪਾਸ਼ ਦੀ ਪੁਸਤਕ ਕੱਢੀ,, ਉਹ ਕਹਿ ਰਿਹਾ ਸੀ----- " ਆਖਰ ਆਦਮੀ ਦੀਆਂ ਉਦਾਸ ਹੋਣ ਦੀਆਂ ਸਮਰੱਥਾਵਾਂ ne ਉਸਦੀ ਸ਼ਖਸੀਅਤ ਨੂੰ ਬਹੁਪੱਖੀ ਅਮੀਰੀ ਬਖ਼ਸ਼ੀ ਹੋਈ ਏ ! ਜੇ ਤੁਸੀਂ ਮੈਨੂੰ ਜ਼ਿੰਦਗੀ ਵਿੱਚ ਕੁਝ ਨਾ ਹਾਸਲ ਕਰਨ ਤੇ ਵੀ ਸਦਾ ਚੜ੍ਹਦੀਆਂ ਕਲਾਂ ਵਿੱਚ ਰਹਿਣ ਵਾਲਿਆਂ ਵਾਂਗ ਤੱਕਣਾ ਚਾਹੁੰਦੇ ਹੋ ਤਾਂ ਮੈਨੂੰ ਮਾਫ਼ ਕਰਨਾ ! ਮੈਂ ਉਹਨਾਂ ਮਹਾਨ ਪੁਰਖਾਂ ਵਿੱਚੋਂ ਨਹੀਂ ਹਾਂ ਬਹੁਤ ਕੁਝ ਨਿੱਕਾ ਨਿੱਕਾ ਜੋੜ ਕੇ ਬਣਿਆ ਹਾਂ......" ......... " ਮੈਂ ਨਿੱਕੀ ਨਿੱਕੀ ਲੋਅ ਵਿੱਚ ਕਿਰ ਗਈ ਗਾਨੀ ਵਾਂਗ ਟੋਹ ਟੋਹ ਕੇ ਆਪਣਾ ਆਪ ਲੱਭਣਾ ਹੈ...... .......... " ਮੈਂ ਪੀੜਾਂ ਤੋਂ ਭੱਜਣਾ ਨਹੀਂ । ਉਨ੍ਹਾਂ ਦੇ ਵਿੱਚਦੀ ਲੰਘਦੇ ਹੋਇਆਂ ਉਨ੍ਹਾਂ ਨੂੰ ਸ਼ਰਮਸਾਰ ਕਰਨਾ ਹੈ । ਇਹ ਬੜੀ ਸ਼ਾਨਦਾਰ ਗੱਲ ਹੈ ਕਿ ਤੁਸੀਂ ਓਸਨੂੰ ਸ਼ਰਮਸਾਰ ਕਰੋ ਜਿਸਦਾ ਕਿ ਸਥੂਲ ਜਿਹਾ ਪਿੰਡਾ ਹੀ ਨਹੀਂ, ਉਹ ਸਿਰਫ਼ ਭਾਵ ਹੋਵੇ ।
ਇਹੀ ਇਨਸਾਨੀ ਕਰਾਮਾਤ ਹੈ ।" --------------------------------------------------- ( ਸੁਖਪਾਲ ਦੀ ਕਿਤਾਬ ' ਰਹਣੁ ਕਿਥਾਊ ਨਾਹਿ ' ਵਿੱਚੋਂ )
|
|
15 Dec 2013
|
|
|
|
|
|
|
|
|
|
|
|
|
|
|
|
|
Copyright © 2009 - punjabizm.com & kosey chanan sathh
|