ਖੜੋਤ ਵਾਂਗ ਮੈਂ ਜੀਣ ਤੋਂ ਪਹਿਲਾਂ,
ਮੁੱਲ ਦਾ ਪਾਣੀ ਪੀਣ ਤੋਂ ਪਹਿਲਾਂ,
ਭੁੱਖ ਦਾ ਦਰਦ ਸਹਿਣ ਤੋਂ ਪਹਿਲਾਂ,
ਮੈਂ ਅਕਸਰ ਆਜ਼ਾਦੀ ਯਾਦ ਕਰਦਾ ਹਾਂ।
ਤੂੰ ਹੋਵੇਂ ਆਜ਼ਾਦ ਅਰਦਾਸ ਕਰਦਾ ਹਾਂ।
ਰੁਤਬੇ ਸੋਹਣੇ, ਰਿਜ਼ਕ ਵੀ ਸੋਹਣਾ,
ਘਰ ਬਾਹਰ ਸਤਿਕਾਰ ਨਹੀਂ ਹੋਣਾ,
ਏਦਾਂ ਤਾਂ ਜ਼ਿੰਦ ਨੇ ਪਾਰ ਨਹੀਂ ਹੋਣਾ,
ਫਿਰ ਸ਼ਹੀਦੀ ਚਿਤਾ ਆਬਾਦ ਕਰਦਾ ਹਾਂ।
ਤੂੰ ਹੋਵੇਂ ਆਜ਼ਾਦ ਅਰਦਾਸ ਕਰਦਾ ਹਾਂ।
ਰੋਟੀ ਬੇਟੀ ਸੰਭਾਲ ਨਾ ਸਕਿਓਂ,
ਸਾਂਭ ਅਸਲ ਮਾਲ ਨਾ ਸਕਿਓਂ,,
ਰੋਕ ਕਹਿਣੋ ਦਲਾਲ ਨਾ ਸਕਿਓਂ,
ਖੁਦ ਜਗੇ ਮਿਸਾਲ ਵਿਸ਼ਵਾਸ ਕਰਦਾ ਹਾਂ।
ਤੂੰ ਹੋਵੇਂ ਆਜ਼ਾਦ ਅਰਦਾਸ ਕਰਦਾ ਹਾਂ।
ਪੱਥਰਾਂ ਵਰਗੇ ਇਨਸਾਨ ਹੋ ਗਏ,
ਡਰ ਦੇ ਮਾਰਿਆ ਈਮਾਨ ਖੋ ਗਏ,
ਚਾ ਪਲੁਸੀ ਦੇ ਸਨਮਾਨ ਹੋ ਗਏ ,
ਰੰਗ ਤਰੰਗੇ ਤੋਂ ਕੁਰਬਾਨ ਕਰਦਾ ਹਾਂ।
ਤੂੰ ਹੋਵੇਂ ਆਜ਼ਾਦ ਅਰਦਾਸ ਕਰਦਾ ਹਾਂ।
|