sahibzaadean di shahidi nu samarpit,,,,,,,,
ਸਵਾਮਣ ਸੀ ਨਿੱਤ ਜਨੇਉ ਲਹਿੰਦਾ ,
ਕੋਈ ਉੱਠਿਆ ਮਰਦ ਦਲੇਰ ਨਹੀਂ ,
ਆਖਿਰ ਸੁਣੀ ਪੁਕਾਰ ਪੰਜਾਬੀਆਂ ਨੇਂ ,
ਸਿਰ ਵਾਰ ਦਿੱਤਾ ਲਾਈ ਦੇਰ ਨਹੀਂ ,
ਧਰਤੀ ਵੇਖਕੇ ਦਿੱਲੀ ਦੀ ਲਾਲ ਹੋਈ ,
ਸ਼ਰਮ ਕਿਸੇ ਨੂੰ ਰਤਾ ਨਾਂ ਆਈ ਲੋਕੋ ,
ਸਾਡੀ ਕੌਮ ਨੂੰ ਓਹੋ ਗੱਦਾਰ ਕਹਿੰਦੇ ,
ਕੌਮ ਜਿੰਨਾਂ ਦੀ ਅਸੀਂ ਬਚਾਈ ਲੋਕੋ |
*****************
ਇਹਨਾਂ ਪਿਛੇ ਸੀ ਰੁਆਂ "ਚ ਬੱਝ ਸੜਗੇ ,
ਬੰਦ ਬੰਦ ਵੀ ਸਨ ਕਟਵਾਏ ਆਪਾਂ ,
ਇੱਜ਼ਤ ਇਹਨਾਂ ਦੀ ਸਦਾਂ ਬਚਾਉਣ ਦੇ ਲਈ ,
ਪੱਗਾਂ ਵਾਲੇ ਸੀ ਸਿਰ ਕਟਵਾਏ ਆਪਾਂ ,
ਓਹਨਾਂ ਸਿਰਾਂ ਦੇ ਲਈ ਇਹ ਨਿੱਤ ਹੀ ,
ਫੰਦੇ ਫਾਂਸੀ ਦੇ ਜਾਣ ਬਣਾਈ ਲੋਕੋ ,
ਸਾਡੀ ਕੌਮ ਨੂੰ ਓਹੋ ਗੱਦਾਰ ਕਹਿੰਦੇ ,
ਕੌਮ ਜਿੰਨਾਂ ਦੀ ਅਸੀਂ ਬਚਾਈ ਲੋਕੋ |
******************
ਅਸੀਂ ਭਗਤੀ ਦੀ ਜਦੋਂ ਅਰਦਾਸ ਕਰੀਏ ,
ਤੇਗ ਵਿੱਚ ਪ੍ਰਸ਼ਾਦ ਦੇ ਮਾਰਦੇ ਹਾਂ ,
ਸਾਨੂੰ ਗੁੜਤੀ ਏ ਖੰਡੇ ਦੇ ਅੰਮ੍ਰਿਤਾਂ ਦੀ ,
ਆਸ਼ਿਕ਼ ਤੀਰ ਤਲਵਾਰ ਦੀ ਧਾਰ ਦੇ ਹਾਂ ,
ਸਿਰ ਚੱਕਿਆ ਜੁਲਮ ਦੇ ਦੈਂਤ ਜਦ ਵੀ ,
ਉੱਤੇ ਸਿੱਖਾਂ ਤਲਵਾਰ ਚਲਾਈ ਲੋਕੋ ,
ਸਾਡੀ ਕੌਮ ਨੂੰ ਓਹੋ ਗੱਦਾਰ ਕਹਿੰਦੇ ,
ਕੌਮ ਜਿੰਨਾਂ ਦੀ ਅਸੀਂ ਬਚਾਈ ਲੋਕੋ |
******************
ਅਸੀਂ ਦੇਗਾਂ ਦੇ ਵਿੱਚ ਵੀ ਉੱਬਲੇ ਹਾਂ ,
ਕੀਤੀ ਸੀ ਨਹੀਂ ਸੂਲੀ ਤੇ ਟੰਗਿਆ ਨੇਂ ,
ਅਸੀਂ ਆਰਿਆਂ ਥੱਲੇ ਆ ਪੜੀ ਬਾਣੀ ,
ਸਾਡੇ ਸਿਰ ਨੂੰ ਪਰਖਿਆ ਰੰਬਿਆਂ ਨੇਂ ,
ਜਦੋਂ ਸ਼ਹੀਦੀ ਦੇ ਜੂਏ ਦੀ ਗੱਲ ਚੱਲੀ ,
ਜਿੰਦ ਸਿੱਖਾਂ ਨੇਂ ਦਾਅ ਤੇ ਲਾਈ ਲੋਕੋ ,
ਸਾਡੀ ਕੌਮ ਨੂੰ ਓਹੋ ਗੱਦਾਰ ਕਹਿੰਦੇ ,
ਕੌਮ ਜਿੰਨਾਂ ਦੀ ਅਸੀਂ ਬਚਾਈ ਲੋਕੋ |
******************
ਬੱਚੇ ਨੀਹਾਂ "ਚ ਖੜੇ ਵੀ ਹੱਸਦੇ ਸੀ ,
"ਮਿੰਦਰਾ" ਅਨੋਖਾ ਇਤਿਹਾਸ ਸਰਹੰਦ ਦਾ ਏ ,
ਰੰਗ ਕੇਸਰੀ ਵਿੱਚ ਤਿਰੰਗੇ ਦੇ ਜੋ ,
ਇਹ ਵੀ ਸਿੱਖਾਂ ਦੇ ਖੂਨ ਦੇ ਰੰਗ ਦਾ ਏ ,
ਝਾਤ ਮਾਰ ਚੁਰਾਸੀ "ਚ ਵੇਖ ਲਵੋ ,
ਕਦਰ ਦਿੱਲੀ ਨੇਂ ਸਿੱਖਾਂ ਦੀ ਪਾਈ ਲੋਕੋ ,
ਸਾਡੀ ਕੌਮ ਨੂੰ ਓਹੋ ਗੱਦਾਰ ਕਹਿੰਦੇ ,
ਕੌਮ ਜਿੰਨਾਂ ਦੀ ਅਸੀਂ ਬਚਾਈ ਲੋਕੋ |
****************
********* ਗੁਰਮਿੰਦਰ ਸੈਣੀਆਂ *********
|
