ਅੱਜ ਕੱਲ ਜਮਾਨਾ ਖਰਾਬ ਹੈ ਤੂੰ ਪੈਰ ਸੰਭਾਲਕੇ ਰੱਖਿਆ ਕਰ।
ਚੰਗੇ ਮਾੜੇ ਦੀ ਪਰਖ ਕਰਕੇ ਅਜਨਬੀਆਂ ਤੋਂ ਬਚਿਆ ਕਰ।
ਇਹ ਕਲਯੁਗ ਦਾ ਰਾਜ ਹੈ ਕਿਸੇ ਤੇ ਵੀ ਨਹੀਂ ਭਰੋਸਾ,
ਕੋਈ ਸ਼ਤਾਨ ਦਿਲ ਜਾਲ ਫੈਲਾਈ ਬੈਠਾ ਅੱਖੀ ਲੈਕੇ ਹੰਝੂ ਕੋਸਾ,
ਕੌਣ ਆਪਣਾ ਹੈ ਕੌਣ ਪਰਾਇਆ ਧਿਆਨ ਨਾਲ ਤੱਕਿਆ ਕਰ।
ਸ਼ਰਾਫ਼ਤ ਦੇ ਧਰਮਾਤਮਾ ਨੇ ਛੁਰਾ ਬਗਲ ਵਿੱਚੋਂ ਕੱਢ ਲੈਣਾ,
ਕਾਲ਼ੇ ਮੂੰਹ ਵਾਲਿਆਂ ਦੇ ਚਿਹਰੇ ਤੇ ਚਿੱਟਾ ਨਕਾਬ ਕਦ ਤੱਕ ਰਹਿਣਾ
ਦੋਸਤਾਂ ਦੇ ਇਕੱਠ ਵਿੱਚ ਵੀ ਖ਼ੁਸ਼ੀ ਨਾਲ ਨਾ ਨੱਚਿਆ ਕਰ।
ਤਿਲਕਣ ਫੈਲੀ ਏ ਕਦਮ ਕਦਮ ਤੇ ਡਿੱਗਣ ਦੇ ਸਾਧਨ ਬਥੇਰੇ,
ਮੁੜਕੇ ਤੈਨੂੰ ਡਿੱਗੇ ਨੂੰ ਉਠਾਉਣ ਆਉਣਾ ਨਹੀਂ ਕਿਸੇ ਨੇੜੇ,
ਅੱਗੇ ਵਧਣਾਂ ਤਾਂ ਹਮੇਸ਼ਾ ਤਰੱਕੀ ਦੇ ਸੂਰਜ ਵੱਲ ਤੱਕਿਆ ਕਰ।
ਸਾਹ ਚੜ੍ਹ ਜਾਵੇ ਤੁਰੇ ਜਾਂਦੇ ਨੂੰ ਤਾਂ ਥੋੜਾ ਅਰਾਮ ਕਰਕੇ,
ਹੌਲ਼ੀ ਚੱਲਿਆ ਤਾਂ ਕੀ ਕਰੇਂਗਾ ਦੂਜਿਆਂ ਤੋਂ ਪਿੱਛੇ ਰਹਿਕੇ,
ਸਫ਼ਲਤਾ ਦਾ ਸਿਹਰਾ ਬੰਨ੍ਹਾਉਣ ਲਈ ਮੰਜਲ ਵੱਲ ਨੱਸਿਆ ਕਰ।