|
|
|
|
|
|
Home > Communities > Punjabi Poetry > Forum > messages |
|
|
|
|
|
ਸਿੱਲੀ ਅੱਖ |
ਤੋਰ ਹਵਾ ਦੀ ਗਿੱਲੀ ਹੈ ਮੌਸਮ ਦੀ ਅੱਖ ਸਿੱਲੀ ਹੈ ਕੁਝ ਤੇ ਕਿਧਰੇ ਹੋਇਆ ਹੈ ਤਾਂ ਹੀ ਅੰਬਰ ਰੋਇਆ ਹੈ
ਬੱਦਲ ਦਾ ਅੰਗ ਘੁਲਿਆ ਹੈ ਰੰਗ ਸਲੇਟੀ ਡੁਲਿਆ ਹੈ ਬੇਰੰਗ ਇਕ ਇਹਸਾਸ ਜਿਹਾ ਜਿਓਂ ਦਿਲ ਹੈ ਬੇਆਸ ਜਿਹਾ ਕੈਨਵਸ ਦੇ ਰੰਗ ਘੁਲ ਮਿਲ ਜਿਓਂ ਰੰਗ - ਹੀਣੀ ਕੋਈ ਇਕਸੁਰਤਾ ਤਸਵੀਰਾਂ ਤੇ ਛਾ ਜਾਵੇ ਹਰ ਇਕ ਰੰਗ ਨੂੰ ਖਾ ਜਾਵੇ
ਪੁਰਿਆਂ ਦੇ ਸਾਹੀਂ ਹਿਮ ਘੁਲਿਆ ਧਰਤੀ ਤੇ ਅੰਬਰ ਠਿਠੁਰਿਆ ਤਿਣਕਾ ਤਿਣਕਾ ਖਬਲ ਜੰਮਿਆ ਪੱਤੇ ਪੱਤੇ ਸ਼ੀਸ਼ਾ ਬੰਨਿਆ ਕੋਰੇ ਦੀ ਚਾਦਰ ਫ਼ਸਲਾਂ ਤੇ ਪਿੰਜਿਆ ਰੂੰ ਜਿਓਂ ਖਿਲਰ ਜਾਵੇ ਝੀਲਾਂ ਤੇ ਧੁੰਦ ਪਈ ਉਡਦੀ ਹੈ ਹੂੰਗ ਕੋਈ ਜਿਓਂ ਆਹ ਬੁੱਲੇ ਦੀ ਕਾਫੀ ਕੂਕੇ ਸ਼ਾਹ ਬੁੱਲੇ ਦੀ
ਕਿਣਮਿਣ ਕਿਣਮਿਣ ਕਣੀਆਂ ਦੀ ਉਲਝਣ ਧੀਆਂ ਜਣੀਆਂ ਦੀ ਜਨਣੀ - ਸਧਰ ਮੋਈ ਹੈ ਛੱਪਰ ਦੀ ਅੱਖ ਰੋਈ ਹੈ ; ਦਾਜ ਖੁਣੋਂ ਘਰ ਬੈਠੀ ਰਹ ਗਈ ਵਸਲਾਂ ਦੀ ਅੱਗ ਧੁਖਦੀ ਰਹ ਗਈ ਹਾਣਾਂ ਮੂਜਬ ਵਰ ਨਾ ਜੁੜਿਆ ਚਿੜੀਆਂ ਦਾ ਚੰਬਾ ਨਾ ਉੜਿਆ ਵੀਣੀਆਂ ਵੰਗਾਂ ਨੂੰ ਤਰਸਦੀਆਂ ਬਾਬਲ ਅੱਖਾਂ ਵਰਸਦੀਆਂ
ਗਮ ਦਾ ਬੱਦਲ ਧਾਇਆ ਹੈ ਦੁੱਖਾਂ ਦਾ ਹੜ ਆਇਆ ਹੈ ਅੱਖਾਂ ਨੇ ਝੜੀਆਂ ਲਾਈਆਂ ਡੁੱਬੀਆਂ ਸਧਰਾਂ ਕੁਮਲਾਈਆਂ ਬਿਜਲੀ ਦਾ ਇਹ ਲਿਸ਼ਕਾਰਾ ਚੀਸਾਂ ਦਾ ਇਕ ਝਲਕਾਰਾ ਰੁੱਸੇ ਸਾਵਣ ,ਤੀਆਂ ਵੀ ਆਹਾਂ ਭਰਦੀਆਂ ਧੀਆਂ ਵੀ ਹਰ ਆਂਦੀ ਜਾਂਦੀ ਰੁਤ ਦਾ ਵੀ ਇਹੀ ਚਲਣ ਹੁਣ ਹੋਇਆ ਹੈ ਮੌਸਮ ਮੌਸਮ ਰੋਇਆ ਹੈ
ਮਹਲਾਂ ਦੇ ਪੈਰੀਂ ਬਸਤੀ ਮਜਦੂਰਾਂ ਹਾਲਤ ਪਸਤੀ ਹਰ ਦਿਲ ਜਿਸਦਾ ਰੋਂਦਾ ਹੈ ਛੱਪਰ ਛੱਪਰ ਚੋਂਦਾ ਹੈ ਰੱਟਣ ਮਿਹਣੇ ਹੱਥਾਂ ਨੂੰ ਸਾਖ ਨਾ ਮਿਲਦੀ ਛੱਤਾਂ ਨੂੰ ਝੁੱਗੀਆਂ ਰੋਜ਼ ਨੇ ਸੁੰਗੜਦੀਆਂ ਮਹਲੀਂ ਮਾੜੀਆਂ ਉਸਰਦੀਆਂ ਤਾਕ਼ਤ , ਤੱਕੜੀ ਦੰਮਾਂ ਦੀ ਕ਼ਦਰ ਨਾ ਘਸਦੇ ਚੰਮਾਂ ਦੀ ਕਾਮਾ ਰੋਗੀ ਹੋਇਆ ਹੈ ਘਰ ਘਰ ਸੋਗੀ ਹੋਇਆ ਹੈ ਕੋਨਾ ਕੋਨਾ ਝੁੱਗੀ ਦਾ ਕੰਧੀਂ ਲਗਕੇ ਰੋਇਆ ਹੈ ਮੌਸਮ ਮੌਸਮ ਰੋਇਆ ਹੈ ਹਰ ਮੌਸਮ ਹੀ ਰੋਇਆ ਹੈ
ਤੋਰ ਹਵਾ ਦੀ ਗਿੱਲੀ ਹੈ ਮੌਸਮ ਦੀ ਅੱਖ ਸਿੱਲੀ ਹੈ ਕੁਝ ਤੇ ਕਿਧਰੇ ਹੋਇਆ ਹੈ ਤਾਂ ਹੀ ਅੰਬਰ ਰੋਇਆ ਹੈ--- ਦੇਖੋ ਅੰਬਰ ਰੋਇਆ ਹੈ!!!!
---------------csmann-071610----
|
|
16 Jul 2010
|
|
|
|
|
tuhadi likhni di tareef ch main lafz v ni jorh sakda.......
i am awestruck........
masterpiece.... !!!
|
|
16 Jul 2010
|
|
|
|
|
|
|
lao ji mein ta pehliyan 4 lines padke hee codec sochan lag payi es te......:P
simply amazing piece of work..........bahaut vadiya .......thanx for sharing
|
|
18 Jul 2010
|
|
|
|
ਬਹੁਤ ਖੂਬਸੂਰਤ .........ਬਹੁਤ ਵਧੀਆ ...........ਬ-ਕਮਾਲ .............ਰਚਨਾ ਬਾਈ ਜੀ
|
|
18 Jul 2010
|
|
|
|
sabh dotaan da behut nehut dhanwaad
|
|
23 Jul 2010
|
|
|
|
|
|
|
|
|
|
|
|
|
|
|
|
|
Copyright © 2009 - punjabizm.com & kosey chanan sathh
|