ਤੂੰ ਤਾਂ ਜਾਣਾ ਹੀ ਸੀ 
ਪਰ ਇੰਝ ਵੀ ਕੋਈ ਜਾਂਦਾ ਹੈ 
ਕੀ ਅਖਾਂ ਦੇ ਕੋਏ ਸੁੱਕ ਜਾਣ
ਬੁਲਾਂ ਤੇ ਨਿਲਤਣ ਦਾ ਪਹਿਰਾ 
ਤੇ ਮੇਰੀਆਂ ਰਗਾਂ ਵਿੱਚ 
ਚੁੱਪ ਧਰ ਗਿਆ ਏ 
ਅਖਰਾਂ ਨੇ ਐਸਾ ਮੁਹੰ ਮੋੜਿਆ 
ਕਲਮ ਦੀ ਸਿਆਹੀ ਵੀ ਖੁਸ਼ਕ 
ਹਿਜਰ ਦੀ ਧੂਣੀ 
ਵੀ ਧੁਖਦੀ ਰਹੀ ਹੈ ਨਿਰੰਤਰ 
ਆਪਣੇ ਆਪ ਨੂੰ 
ਵਰਾਇਆ ਵੀ ਬੜਾ
ਸਮਝਾਇਆ ਵੀ ..
ਪਰ ਸੂਰਜ ਵਰਗਾ 
ਸੁਚਾ ਜਿਹਾ ਅਹਿਸਾਸ 
ਮੇਰੇ ਚੇਤਿਆਂ ਦੀ ਨਦੀ ਵਿਚੋਂ 
ਸੁਪਨਿਆ ਦੇ ਕਿੰਗਰੇ ਭੰਨ 
ਕਿੰਨਾ ਕੁਝ ਰੋੜ ਲੈ ਗਿਆ !!!!!!!!. (S S )

ਸੀਮਾ ਜੀ ਬਹੁਤ ਦੇਰ ਬਾਅਦ ਹਾਜ਼ਰੀ ਪਰ ਬਹੁਤ ਸੋਹਣੀ
ਆਪਣੀ ਰਚਨਾ ਵਿਚ ਵਿਛੋੜੇ ਦਾ ਦਰਦ ਬਹੁਤ ਸੋਹਣਾ ਵਿਆਂ ਕੀਤਾ ਹੈ
ਹਾਜ਼ਰੀ ਲਵਾਉਂਦੇ ਰਿਹਾ ਕਰੋ .

Shukria Gurpreet ji ..Kavita psand krn da ...