ਪਨਾਹ
ਮੇਰੀ ਆਸ ਨੂੰ ਉਡੀਕ ਹੈ ,
ਕੁਝ ਫੁੱਲਾਂ ਦੀ ਕੁਝ ਖਾਰਾਂ ਦੀ ....
ਮੇਰੀ ਫਿਤਰਤ ਨੂੰ ਆਦਤ ਹੈ ,
ਕੁਝ ਜਿੱਤਾਂ ਦੀ ਕੁਝ ਹਾਰਾਂ ਦੀ ।
ਮੇਰੇ ਬੁਲ੍ਹਾਂ ਨੂੰ ਪਿਆਸ ਹੈ ,
ਕੁਝ ਹਾਣੀਆਂ ਦੀ ਕੁਝ ਪਾਣੀਆਂ ਦੀ ....
ਮੇਰੇ ਕੰਨਾਂ ਨੂੰ ਤਾਂਘ ਹੈ ,
ਕੁਝ ਮਾਂ ਬੋਲੀ ਦੀ ਕੁਝ ਗੁਰਬਾਣੀਆਂ ਦੀ ।
ਮੇਰੀ ਹਸਰਤ ਨੂੰ ਉਮੀਦ ਹੈ ,
ਕੁਝ ਪਾਉਣ ਦੀ ਕੁਝ ਗਵਾਉਣ ਦੀ ....
ਮੇਰੇ ਲਫਜ਼ਾਂ ਨੂੰ ਪਛਾਣ ਹੈ ,
ਕੁਝ ਆਲੋਚਨਾ ਦੀ ਕੁਝ ਸਰਾਹੁਣ ਦੀ ।
ਮੇਰੀ ਨਜ਼ਰ ਨੂੰ ਤਾਲਾਸ਼ ਹੈ ,
ਕੁਝ ਤਾਰਿਆਂ ਦੀ ਕੁਝ ਖਾਰਿਆਂ ਦੀ ....
ਮੇਰੇ ਹੌਸਲਿਆਂ ਨੂੰ ਪਨਾਹ ਹੈ ,
ਕੁਝ ਲਾਰਿਆਂ ਦੀ ਕੁਝ ਸਹਾਰਿਆਂ ਦੀ ।
|