ਬੜਾ ਬੀਤੇ ਵਕਤ ਨੂੰ ਮੋੜ ਲਿਆਉਣਾ ਲੋਚਿਆ
ਤੇਰੇ ਜਾਣ ਤੋਂ ਬਾਦ,
ਆਪਣੀ ਹਰ ਇੱਕ ਗਲਤੀ ਗੁਨਾਹ ਲੱਗੀ
ਬੜਾ ਭੁੱਲਾਂ ਬਖਸ਼ਾਉਣਾ ਲੋਚਿਆ,
ਤੇਰੇ ਜਾਣ ਤੋਂ ਬਾਦ,
ਕੁਝ ਕੁ ਪਲਾਂ ਲਈ ਲੱਗਿਆ ਕਿ ਸ਼ਾਇਦ ਕੋਈ ਕ੍ਰਿਸ਼ਮਾ ਹੋਵੇਗਾ,
ਰੱਬ ਅੱਗੇ ਵਾਸਤਾ ਪਾਉਣ ਦਾ ਸੋਚਿਆ,
ਤੇਰੇ ਜਾਣ ਤੋਂ ਬਾਦ,
ਲੱਗਿਆ ਕਿ ਤੇਰੇ ਬਿਨ ਗੁਜ਼ਾਰਾ ਕਰ ਲਵਾਂਗੇ,
ਪਰ ਹੰਝੂ ਦੇ ਗਏ ਦਗਾ,
ਚਾਹੇ ਬੜਾ ਕੰਬਖਤਾਂ ਨੂੰ ਰੋਕਿਆ,
ਤੇਰੇ ਜਾਣ ਤੋਂ ਬਾਦ,
ਹਾਂ ਤੂੰ ਠੀਕ ਸੀ ਆਪਣੀ ਜਗਾਹ,
ਪਰ ਮੇਰਾ ਪੱਖ ਤੇ ਤੂੰ ਸੁਣਿਆ ਹੀ ਨਹੀਂ,
ਤੈਨੂੰ ਆਪਣਾ ਪੱਖ ਸੁਨਾਉਣਾ ਲੋਚਿਆ,
ਤੇਰੇ ਜਾਣ ਤੋਂ ਬਾਦ,
ਬੇਵਫ਼ਾ ਜੇ ਤੂੰ ਨਹੀਂ ਤਾਂ
ਬੇਦਰਦ ਮੈਂ ਵੀ ਨਹੀਂ "ਬਰਾੜ",
ਅੱਖਾਂ ਵਿੱਚ ਲੈ ਕੇ ਹੰਝੂ ਤੇਰੇ ਹੰਝੂ ਪੂੰਝਣ ਦਾ ਸੋਚਿਆ,
ਤੇਰੇ ਜਾਣ ਤੋਂ ਬਾਦ,..