ਕੌਣ ਟਕਰਾਊ ਚੱਟਾਨੀ ਜ਼ੇਰਿਆਂ ਦੇ ਨਾਲ।
ਬਣਕੇ ਸੂਰਜ ਲੜ ਪਵਾਂਗੇ ਨੇਰ੍ਹਿਆਂ ਦੇ ਨਾਲ।

ਮੰਡੀ ਵਿਚ ਝੋਨੇ ਵਾਂਗੂੰ ਸਾਡੀ ਆਸ ਰੁਲ ਗਈ,
ਬੀਤੀ ਕਿਸਾਨਾਂ ਵਾਂਗ ਚਾਵਾਂ ਮੇਰਿਆਂ ਦੇ ਨਾਲ।

ਰਹਿ ਨਹੀਂ ਸਕਦਾ ਕਦੇ ਮਹਿਫ਼ੂਜ਼ ਇਹ ਖ਼ਜ਼ਾਨਾ
ਮਿਲ ਜਾਣ ਰਾਖੇ ਹੀ ਜਦੋਂ ਲੁਟੇਰਿਆਂ ਦੇ ਨਾਲ।

ਬੰਦੂਕ ਦੀ ਕੀ ਲੋੜ ਹੈ,ਇਹ ਕਲਮ ਹੀ ਹਥਿਆਰ ਹੈ,
ਕੌਣ ਪੰਗਾਂ ਪਾਊ ਹਰਫ਼ਾਂ ਮੇਰਿਆਂ ਦੇ ਨਾਲ।

ਮੱਕਾਰੀ ਤੇਰੀ ਹੁਣ ਤਾਂ ਸਮਝ ਸਾਨੂੰ ਆ ਗਈ,
ਐਵੇਂ ਪਰਚਦੇ ਹੀ ਰਹੇ ਲੇ ਤੇਰਿਆਂ ਦੇ ਨਾਲ।

ਢੇਰੀ ਕਿਉਂ ਢਾਹ ਤੂੰ ਬੈਠੈਂ ਹਿੰਮਤ ਨਾ ਤੁਰਿਆ ਚਲ,
'ਹਰਮੇਲ' ਹੋਈ ਤੇਰੇ ਜਈ ਬਥੇਰਿਆਂ ਦੇ ਨਾਲ।
(ਹਰਮੇਲ ਪਰੀਤ)

wah ji wah .......bahut vadhia bai ji 

khoob ji..sach..

bahut vadhiya janaab

bahut khoob 22 g....

ਰਹਿ ਨਹੀਂ ਸਕਦਾ ਕਦੇ ਮਹਿਫ਼ੂਜ਼ ਇਹ ਖ਼ਜ਼ਾਨਾ
ਮਿਲ ਜਾਣ ਰਾਖੇ ਹੀ ਜਦੋਂ ਲੁਟੇਰਿਆਂ ਦੇ ਨਾਲ।

too good...!!!!