ਕੀ ਹਾਲ ਹੇ ਮੇਰੇ ਅੰਦਰ ਦਾ,
ਜਿਵੇ ਝਗੜਾ ਮਸੀਤ ਤੇ ਮੰਦਰ ਦਾ,
ਜੋ ਨਾ ਘਟਣ ਤੇ ਆਵੇ,
ਸਗੋ ਦੂਣਾਂ ਵਦਦਾ ਜਾਵੇ,
ਉਜੜਿਆ ਦਿਲ ਮੇਰਾ ਨਾ ਵੱਸਣਾਂ ਏਂ,
ਜਿਉ ਟੋਟਾ ਜ਼ਮੀਨ ਕਿਸੇ ਬੰਜਰ ਦਾ੍|
ਕੀ ਹਾਲ ਹੇ ਮੇਰੇ ਅੰਦਰ ਦਾ|

ਘਰ ਭੁਲਿਆ ਜਿਵੇ ਉਕਾਬ ਕੋਈ,
ਜਿਵੇ ਰੋਵੇ ਬੇਹਿਸਾਬ ਕੋਈ,
ਨਾਲ ਖੂਨ ਦੇ ਵਗਦਾ ਆਬ ਕੋਈ,
ਪਾਣੀ ਖਾਰਾ ਜਿਉ ਸਮੰਦਰ ਦਾ|
ਕੀ ਹਾਲ ਹੇ ਮੇਰੇ ਅੰਦਰ ਦਾ|

ਜਿਵੇ ਘੋੜਾ ਕੋਈ ਬੇਲਗਾਮ ਹੋਇਆ,
ਕੱਚੀ ਰੁੱਤੇ ਕਿਸੇ ਨੇ ਬੀ ਬੋਇਆ,
ਜਿਵੇ ਫਟਿਆ ਜ਼ਖਮ ਨਾ ਸੀ ਹੋਇਆ,(ਜਿਵੇ ਜ਼ਖਮ ਲੂਣ ਦੇ ਨਾਲ ਧੋਇਆ)
ਜਿਉ ਰੱਬ ਰੁਸਿਆ ਕਿਸੇ ਕਲੰਦਰ ਦਾ|
ਕੀ ਹਾਲ ਹੇ ਮੇਰੇ ਅੰਦਰ ਦਾ|

ਕਿਵੇ ਕੰਡਿਆਂ ਨੇ ਫੁੱਲ ਜ਼ਖਮੀ ਕੀਤੇ,
ਜਿਵੇ ਜਹਿਰ ਦੇ ਮੈ ਪਿਆਲੇ ਪੀਤੇ,
ਜਿਵੇ ਹਿਜਰ ਦੇ ਲਿਖੇ ਗੀਤ "ਪੀ੍ਤੇ"
ਜਿਉ ਹੱਥ ਖਾਲੀ ਮਰੇ ਸਿਕੰਦਰ ਦਾ|
ਕੀ ਹਾਲ ਹੇ ਮੇਰੇ ਅੰਦਰ ਦਾ|

                                           ਇੰਦਰਪੀ੍ਤ ਸਿੰਘ