ਮੇਰੀਏ ਨੀ ਮਾਏ ਕੁਝ ਮੰਗ ਤੂੰ ਦੁਆਵਾਂ
ਬਣਕੇ ਮੈਂ ਦੀਵਾ ਹਨੇਰੇ ਵਿੱਚ ਰੁਸ਼ਨਾਵਾਂ
ਰਾਤ ਕਾਲੀ ਮੰਗਦੀ ਏ ਇੱਕ ਕੁਰਬਾਨੀ
ਚਾਨਣ ਤੋਂ ਪਹਿਲਾ ਕਿਤੇ ਨਾ ਬੁਝ ਜਾਵਾਂ
ਜੰਮਿਆ ਮੈਂ ਸੀਰੀ ਕਿਤੇ ਮੁਕਜਾ ਨਾ ਸੀਰੀ
ਟੁੱਟਿਆ ਸਬਰ ਬੜੀਆਂ ਝੱਲੀਆਂ ਸਜਾਵਾਂ
ਚਿੱਟੇ ਮੇਰੇ ਲਹੂ ਨਾਲ ਜੇ ਅੱਗ ਨਾਹੀਂ ਮਘੇ
ਸੀਨੇ ਵਿੱਚ ਨਾ ਪਰ ਸੀਨੇ ਉੱਤੇ ਮੈਂ ਜਲਾਵਾਂ
ਘਰ ਵੇਚ ਬੈਠਾ ਹਾੜੀ ਸਾਉਣੀ ਦੀ ਮੈਂ ਰਾਖੀ
ਸੀਨਾ ਹੋਇਆ ਚੀਰ ,ਪੱਛ ਧਨੀ ਨੇ ਹਵਾਵਾਂ
ਚਾਹੁੰਦਾ ਜਨਮ ਲੈਣਾ ਫਿਰ ਜੋ ਭਗਤ ਸਿੰਘ
ਜਾਤ ਪਾਤ ਵਾਲੀਆਂ ਫਿਰਾਂ ਕੁੱਖ ਤੋਂ ਬਚਾਵਾਂ
~~~~Narinder Singh