|
kujh be-sir pair dian lineaan pesh ne ji...zara samaa kadh ke nazar maareo ji....
ਬਹੁਤੀ ਤੇਜ਼ ਅਕਲ ਹੀ ਸੱਜਣਾ, ਬਹੁਤੇ ਭੜਥੂ ਪਾਉਂਦੀ ਏ,
ਨਈਂ ਤੇ ਆਮ ਬੰਦੇ ਦੀ ਸੋਚ, ਕਿੱਥੇ ਐਟਮ ਬੰਬ ਬਣਾਉਂਦੀ ਏ,
ਇਹ ਵੱਡੇ ਸਾਈਂਸਦਾਨਾਂ ਦੇ, ਮਨ ਨੂੰ ਫੇਰ ਤਸੱਲੀ ਆਉਂਦੀ ਏ,
ਜਦ ਮਨੁੱਖਤਾ ਆਪਸ ਵਿੱਚ ਲੜਦੀ,
ਤੇ ਨਵੀਂ ਕਾਢ ਕੋਈ ਹਥਿਆਰਾਂ ਦੀ ਵਰਤੀ ਜਾਂਦੀ ਏ ||
_______________________________________
ਇੱਕ ਵਾਰੀ ਲਾ ਕੇ ਯਾਰੀ, ਫੇਰ ਹੁਣ ਪਛਤਾਉਣਾ ਕੀ,
ਜਿਸ ਲਈ ਪਛਤਾਵਾ ਹੋਵੇ, ਐਸਾ ਯਾਰ ਬਨਾਉਣਾ ਕੀ,
ਐਸਾ ਯਾਰ ਬਣਾਈਏ, ਜਿਸ ਲਈ ਆਪਣੇ ਆਪ ਉੱਤੇ ਵੀ ਮਾਣ ਹੋਵੇ,
ਉਸਦਾ ਕਿਹਾ ਨਾ ਰੱਬ ਮੋੜੇ, ਫੇਰ ਅਸੀਂ ਆਪ ਰੱਬ ਧਿਆਉਣਾ ਕੀ ||
___________________________________________
ਕਦੇ ਨਾ ਕਰੀਏ ਮਾਣ ਹੁਸਨ ਦਾ, ਇਹਨੇ ਇੱਕ ਦਿਨ ਧੋਖਾ ਕਰ ਜਾਣਾ,
ਨਾ ਰੋਸ ਮਨਾਈਏ ਬਦਰੂਪੀ ਦਾ, ਸੋਹਣਿਆਂ ਨੇ ਵੀ ਕਦੇ ਤਾਂ ਮਰ ਜਾਣਾ||
ਇਸ ਬਾਹਰ ਦੀ ਸੁੰਦਰਤਾ ਤੇ , ਇਹ ਦਿਲ ਵਟਾਏ ਨਈਂ ਜਾਂਦੇ,
ਜੇ ਮਾਸ ਨਹੀਂ ਸੋਹਣਾ ਸੱਜਣਾਂ ਦਾ, ਏਸੇ ਲਈ ਤਾਂ ਯਾਰ ਗੁਆਏ ਨਈਂ ਜਾਂਦੇ ||
ਇਸ ਹਾੜ-ਮਾਸ ਦੀ ਦੇਹ ਨੂੰ ਸੱਜਣਾਂ, ਸੋਨੇ ਵਿੱਚ ਮੜਿਆ ਨਈਂ ਜਾਣਾ,
ਜਿੰਨਾ ਮਰਜ਼ੀ ਜ਼ੋਰ ਤੂੰ ਲਾ ਲੈ, ਇਹਨੂੰ ਸਦਾ ਲਈ ਘੜਿਆ ਨਈਂ ਜਾਣਾ ||
_________________________________________________
ਕਿਸਨੇ ਦਿੱਤੀ ਥਾਪੀ ਪਿੱਠ ਤੇ, ਕਿਸਨੇ ਖੰਜਰ ਖੁਭੋਇਆ ਏ,
ਕੌਣ ਹੱਸਦਾ ਹੱਸਦਾ ਜੀ ਰਿਹਾ, ਕੌਣ ਰੋਂਦਾ ਰੋਂਦਾ ਮੋਇਆ ਏ,
ਕਿਸਨੇ ਦੁਸ਼ਮਣ ਖੜਾ ਕੀਤਾ, ਕਿਸਨੇ ਮਿੱਤਰ ਪਿਾਆਰਾ ਖੋਇਆ ਏ,
ਅਸੀਂ ਜਾਣਦੇ ਹਾਂ ਚੰਗੀ ਤਰਾਂ,
ਕੌਣ ਸਾਡੇ ਤੇ ਹੱਸਿਆ, ਤੇ ਕੌਣ ਸਾਡੇ ਲਈ ਰੋਇਆ ਏ ||
_________________________________________________
_________________________________________________
|
