dil kii baat labon par laakar ab tak ham dukh sehte hain
ham ne sunaa thaa is bastii me dil vaale bhii rehte hain

biit gayaa saavan kaa mahiinaa mausam ne nazare.n badalii
lekin in pyaasii aaNkho.n men ab tak aaNsuu behte hain

ek hamen aavaaraa kahanaa koi baDaa ilzaam nahin
duniyaa vaale dil vaalon ko aur bahut kuc...hh kehte hain

jis kii Khaatir shahar bhii chhoDaa jis ke liye badnaam hue
aaj vahii ham se begaane begaane se rehte hain

vo jo abhii rahguzar se chaak-e-garebaan guzaraa thaa
us aavaaraa diivaane ko 'Jalib'-'Jalib' kehte hain..